ព័ត៌មានជាតិ
មន្ត្រីពិភាក្សាគ្នាកំណត់អត្តសញ្ញាណជនជាតិដើមភាគតិច
លោក សួន សេរីរដ្ឋា រដ្ឋលេខាធិការក្រសួងអភិវឌ្ឍន៍ជនបទ នាព្រឹកថ្ងៃទី ២៣ ខែកញ្ញា ឆ្នាំ២០២០ បានទទួលជួបជាមួយលោក Pradeep Wagle តំណាងស្តីទី នៃការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា ដើម្បីជជែកពិភាក្សាគ្នា ទាក់ទងការកំណត់អត្តសញ្ញាណរបស់ជនជាតិដើមភាគតិច និងការការពារផលិតផលប្រយោជន៍របស់ពួកគាត់។
លោក សួន សេរីរដ្ឋា បានថ្លែងប្រាប់កម្ពុជាថ្មី ក្រោយជំនួបនោះថា នៅក្នុងជំនួបនោះបានពិភាក្សាពីភាពចាំបាច់ នៃការចុះបញ្ជីស្វ័យអត្តសញ្ញណជនជាតិដើមភាគតិចនៅកម្ពុជា សិទ្ធិស្របច្បាប់ ផលប្រយោជន៍ច្បាប់ និងផលប្រយោជន៍ស្របច្បាប់ របស់ជនជាតិដើមភាគតិចនៅកម្ពុជា ។
ជាមួយគ្នានោះ ក៏បានពិភាក្សាពីផលលំបាក ការប្រឈម និងបញ្ហា ដំណើរការនៃការកំណត់អត្តសញ្ញាណ ដែលទទួលខុសត្រូវដោយក្រសួងអភិវឌ្ឍន៍ជនបទ និងការចុះបញ្ជីជានីតិបុគ្គល ដែលទទួលខុសត្រូវដោយក្រសួងមហាផ្ទៃ ព្រមទាំងការផ្តល់ប័ណ្ណកម្មសិទ្ធិដីសមូហភាព ដែលទទួលខុសត្រូវដោយក្រសួងដែនដី នគរូបនីយកម្ម និងសំណង់។
បើតាមលោក សួន សេរីរដ្ឋា នៅក្នុងជំនួបនោះ ក៏បានពិភាក្សាពីការស្នើសុំប្រើប្រាស់រូបសញ្ញាក្រសួងអភិវឌ្ឍន៍ជន ដាក់ចូល ក្នុងសៀវភៅរបាយការណ៍របស់ការិយាល័យ OHCHR ឆ្នាំ២០២០ ស្តីពីសិទ្ធិ និងការចុះបញ្ជីដីសមូហភាពជនជាតិដើមភាគតិច នៅកម្ពុជា ផងដែរ។ លោកបន្តថា នៅចុងបញ្ចប់នៃជំនួបពិភាក្សា បានសម្រេចការយោគយល់ និងផ្លាស់ប្តូរនូវគន្លឹះអនុសាសន៍មួយចំនួន ដើម្បីបន្តកិច្ចសហប្រតិបត្តិការ និងបន្តភាពជាដៃគូរយូរអង្វែងតទៅមុខទៀត ។
ចំណែកការប្រឈមមុខ និងការលំបាកទាក់ទងនិងការងារចុះបញ្ជីដីសមូហភាព ដើម្បីផ្តល់ប័ណ្ណកម្មសិទ្ធិដីសមូហភាព ជូនសហគមន៍ជនជាតិដើមភាគតិចនៅកម្ពុជា លោក សួន សេរីរដ្ឋា បានណែនាំ និងផ្តល់អនុសាសន៍ ឲ្យខាងអង្គការដៃគូរសហការ ជាមួយក្រសួងដែនដីនគរូបនីយកម្ម និងសំណង់ ដែលជាក្រសួងជំនាញ៕
អត្ថបទ ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង