ព័ត៌មានជាតិ
បើហ៊ានចេញមុខមកយកធុង បាស់វិញនឹងទទួលរងការផាកពិន័យទៅតាមច្បាប់
លោកវរសេនីយឯក សានសុខសីហា អ្នកនាំពាក្យស្នងការនគរបាលរាជធានីភ្នំពេញបានមានប្រសាសន៍នៅរសៀលថ្ងៃទី០៣ខែសីហានេះថាប្រសិនបើម្ចាស់ហ៊ានចេញមុខមកយកធុងបាស់វិញនឹងទទួលរងការផាកពិន័យទៅតាមច្បាប់ដែលបានកំណត់ពាក់ព័ន្ធនឹងការជួបជុំផឹកស៊ីនៅកំឡុងពេលកូវីដ១៩។
ការលើងឡើងរបស់អ្នកនាំពាក្យខាងលើនេះក្រោយពីមានករណីការជួបជុំផឹកស៊ីចាក់ធុងបាស់ បង្កសម្លេងរំខានកាលពីវេលាម៉ោង ១៤:៣០នាទីថ្ងៃទី០៣ ខែសីហា ឆ្នាំ២០២១ នៅពេលចុះដល់ទីតាំង ភូមិទ្រា៤ សង្កាត់ស្ទឹងមានជ័យទី៣ ត្រូវបានសមត្ថកិច្ចខណ្ឌមានជ័យ ចុះរឹបអូសមករក្សាទុកនៅប៉ុស្តិ៍នគរបាលរដ្ឋបាលស្ទឹងមានជ័យ៣។
លោក បានបន្តថាបន្ទាប់ពីទទួលបានការរាយការណ៍ពីប្រជាពលរដ្ឋ មកក្រុមការងារព័ត៌មាន និងប្រតិកម្មរហ័ស ភ្លាម ក្រុមការងារបានទាក់ទងទៅប៉ុស្តិ៍នគរបាលរដ្ឋបាលស្ទឹងមានជ័យ៣ ដើម្បីចុះដល់ទីតាំងកាលពីវេលាម៉ោង ១៤:៣០នាទីថ្ងៃទី០៣ ខែសីហា ឆ្នាំ២០២១ នៅពេលចុះដល់ទីតាំង ភូមិទ្រា៤ សង្កាត់ស្ទឹងមានជ័យទី៣ ឃើញមានចាក់ធុងបាស់នៅចំកណ្ដាលផ្លូវ ពេលនោះមានការជួបជុំផឹកស៊ីជាក្រុម ដោយឃើញកងកម្លាំងទៅដល់ក៏នាំគ្នារត់អស់បន្សល់ទុកធុងបាស់នៅចោលកណ្ដាលផ្លូវបន្ទាប់មកកម្លាំងប៉ុស្តិ៍នគរបាលរដ្ឋបាលស្ទឹងមានជ័យទី៣ បានដកហូតយកសម្ភារៈធុងបាស់យកមករក្សាទុកនៅប៉ុស្តិ៍នគរបាលរដ្ឋបាលស្ទឹងមានជ័យទី៣។
លោកបានបន្តទៀតថា«បើយើងចាប់មនុស្សមិនបានទេមិនអាចធ្វើការផាកពិន័យបានទេគ្រាន់តែរឹបអូស សម្ភារមករក្សាទុកប៉ុណ្ណោះ។ប៉ុន្តែប្រសិនបើម្ចាស់ធុងបាស់ចេញមុខទៅយកធុងបាស់វិញគាត់ត្រូវធ្វើកិច្ចសន្យាឈប់ធ្វើសកម្មភាពបែបនេះជាបន្តទៀតនិងត្រូវទទួលរងនូវការផាកពិន័យទៅតាមច្បាប់ហើយ»។
លោកបានឱ្យដឹងទៀតថាប៉ុន្តែប្រសិនបើម្ចាស់មិនមកយកធុងបាស់និងសម្ភារផ្សេងទៀតទេសមត្ថកិច្ចនឹងបន្តរក្សាទុកដដែល។
លោក បានបន្ថែមថាចំពោះការផាកពិន័យចំនួនប៉ុន្មាននោះគឺជាភារកិច្ចរបស់រដ្ឋបាលខណ្ឌដែលត្រូវផាកពិន័យទៅតាមការណែនាំរបស់សាលារាជធានីភ្នំពេញ។ចំណែកសមត្ថកិច្ចចាំតែអនុវត្តប៉ុណ្ណោះ៕
អត្ថបទ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ