កុបករវិមានកាពីតូលអាមេរិកថ្ងៃ៦ មករា ស្វែងរកសិទ្ធិជ្រកកោននៅ បេឡារុស្ស

បុរសអាយុ៤៨ឆ្នាំម្នាក់ ដែលស្ថិតក្នុងបញ្ជីតាមចាប់ខ្លួនរបស់ FBI ដោយការចោទប្រកាន់ថា រំលោភច្បាប់ក្នុងអំឡុងកុបកម្មវិមានកាពីតូល ពេលនេះកំពុងស្វែងរកសិទ្ធិជ្រកកោននៅក្នុងប្រទេសបេឡារុស្ស បន្ទាប់ពីអះអាងថា គាត់ត្រូវបានកងកម្លាំងអ៊ុយក្រែនតាមដាន ខណៈព្យាយាមតាំងទីលំនៅនៅទីនោះ។

លោក Evan Neuman បានស្វែងរកយុត្តិធម៌ ប៉ុន្តែគាត់ស្ទើរតែបាត់បង់អ្វីៗទាំងអស់ ហើយកំពុងត្រូវបានធ្វើទុក្ខបុកម្នេញដោយរដ្ឋាភិបាលសហរដ្ឋអាមេរិក។ នេះបើយោងតាមទូរទស្សន៍រដ្ឋ Belarus 1។

លោក Neuman បានលក់ផ្ទះរបស់គាត់នៅរដ្ឋកាលីហ្វ័រញ៉ា ហើយបានរត់គេចពី FBI ទៅកាន់ទ្វីបអឺរ៉ុប ថ្វីបើបានបដិសេធការចោទប្រកាន់ពីបទពាក់ព័ន្ធករណីអំពើហិង្សាប្រឆាំងនឹងរូបគាត់ក៏ដោយ។ ពិធីករទូរទស្សន៍ Belarus 1 ម្នាក់បានហៅគាត់ថា “ប្រភេទដូចគ្នានៃជនជាតិអាមេរិកសាមញ្ញ ដែលហាងរបស់គេត្រូវបានដុតដោយសកម្មជន Black Lives Matter”។

ប្រែសម្រួល៖ Vann Vann

ចុចអាន៖ អាមេរិកបើកការស៊ើបអង្កេតពាក់ព័ន្ធអំពើភេរវកម្មក្នុងប្រទេស២៥ករណី បន្ទាប់ពីកុបកម្មនៅវិមាន កាពីតូល