ជីវិតកម្សាន្ដ

ដើមឆ្នាំ២០២២ តារាស្រី២ដួងជួបរឿងសោកសៅបាត់បង់មនុស្សជាទីស្រលាញ់

បានផុស

២ years មុន

នៅ

ថ្ងៃពុធ ២ កុម្ភៈ ២០២២

ដោយ

គិតត្រឹមតែមួយខែ នៃខែមករា ឆ្នាំ២០២២នេះ គេកត់សម្គាល់ឃើញមានតារាចម្រៀងស្រីល្បីៗចំនួន២ដួងបានជួបទុក្ខធំដ៏ក្រៀមក្រំ និងសោកសៅក្នុងគ្រួសារដោយសារបាត់បង់មនុស្សជាទីស្រលាញ់ដូចៗគ្នា។

ចំពោះតារាចម្រៀងស្រីល្បីទាំង២ដួងដែលកំពុងមានទុក្ខក្រៀមក្រំ និងសោកសៅក្នុងគ្រួសារព្រោះតែត្រូវបាត់បង់មនុស្សសំខាន់ដោយគ្មានថ្ងៃត្រឡប់នោះ គឺតារាចម្រៀងម្ចាស់បទ «មេម៉ាយសប្បាយចិត្ត» រ័ត្ន រចនា និងតារាចម្រៀងកញ្ញា សុខ សីឡាលីន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.តារាចម្រៀង រ័ត្ន រចនា ឬ មេម៉ាយសប្បាយចិត្ត និងក្រុមគ្រួសារថ្មីៗនេះបានជួបទុក្ខដ៏ក្រៀមក្រំជាទីបំផុត ខណ:ដែលលោកឪពុកជាទីស្រលាញ់បានទទួលមរណភាពទាំងអាល័យ។ រ័ត្ន រចនា បានប្រកាសនៅលើគណនីហ្វេសប៊ុករបស់ខ្លួនកាលពីថ្ងៃទី២៤ ខែមករា ថា ប៉ាខ្ញុំអស់កម្មហើយ។នាងមិនបានបញ្ជាក់ទេថា ឪពុករបស់នាងស្លាប់ដោយសារជំងឺអ្វីឡើយ។

២.តារាចម្រៀងហង្សមាសកញ្ញា សុខ សីឡាលីន ត្រូវបានគេដឹងថា បច្ចុប្បន្ននាងនិងក្រុមគ្រួសារកំពុងកាន់ទុក្ខដ៏ក្រៀមក្រំបំផុតព្រោះឪពុកជាទីគោរពស្រលាញ់បានទទួលមរណភាពទាំងសោកស្តាយបំផុត។ ឪពុកកញ្ញា សុខ សីឡាលីន បានទទួលមរណភាពកាលពីយប់ថ្ងៃទី២៨ ខែមករា ឆ្នាំ២០២២ ដោយសារជំងឺប្រចាំកាយ(ទឹកនោមផ្អែម)។

ជាមួយគ្នានៃដំណឹងមរណ:ទុក្ខដ៏ក្រៀមក្រំនេះដែរ គេក៏ឃើញមានអ្នកគាំទ្រនិងមិត្តភ័ក្ដិសិល្ប:ដែលសិ្នទ្ធជាមួយតារាចម្រៀងស្រីល្បីៗទាំង២ដួងខាងលើនោះបានសម្តែងការចូលរួមរំលែកទុក្ខដ៏សោក សៅនិងក្រៀមក្រំនេះគ្រប់ៗគ្នាផងដែរ៕

អត្ថបទ៖ ចាន់រ៉ា