ព័ត៌មានជាតិ
លោកជំទាវ ម៉ែន សំអន ៖ កម្ពុជាមានភាពរឹងមាំ ទាំងនយោបាយ សុខសន្តិភាព វិនិយោគ និងពាណិជ្ជកម្ម
លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ច បានបញ្ជាក់ប្រាប់អគ្គរដ្ឋទូតអូស្ត្រាលីប្រចាំកម្ពុជា អំពីទំនាក់ទំនងយោបាយដ៏រឹងមាំ និងកិច្ចគាំទ្រសម្រាប់ការពង្រឹងពង្រីក កិច្ចសហប្រតិបត្តិការលើវិស័យវិនិយោគ និងពាណិជ្ជកម្ម រវាងកម្ពុជា-អូស្ត្រាលី និងបានស្នើសុំឲ្យភាគីអូស្ត្រាលី បន្តផ្តល់អារហាររូបករណ៍ដល់មន្រ្តីរាជការ សិក្សាមជ្ឈមណ្ឌលអូស្ត្រាលី សម្រាប់ការបណ្តុះបណ្តាល (ACE)។
ការបញ្ជាក់នេះ បានធ្វើឡើងនៅថ្ងៃទី ២៨ ខែកុម្ភៈ ឆ្នាំ ២០២២នេះ ក្នុងគ្រាដែលលោកជំទាវឧបនាយករដ្ឋមន្ត្រី បានអនុញ្ញាតឲ្យលោក ប៉ាប៊ូ កាង (Pablo Kang) ឯកអគ្គរដ្ឋទូតអូស្ត្រាលីថ្មីប្រចាំកម្ពុជា ចូលជួបសម្ដែងការគួរសម នៅទីស្តីការក្រសួង។
លោក Pablo Kang បានបង្ហាញក្តីរីករាយ ដែលលោកជំទាវ ម៉ែន សំអន បានអនុញ្ញាតឲ្យជំនួបនៅថ្ងៃនេះ។ លោកបានបន្តថា ប្រទេសកម្ពុជា និងប្រទេសអូស្ត្រាលី បានរួមគ្នាយកចិត្តទុក្ខដាក់ លើការយកចិត្តទុកដាក់លើបញ្ហាយែនឌ័រ និងផ្តោតការលើកតម្កើងស្ត្រី នៅក្នុងវិស័យមួយចំនួន ដោយផ្តោតលើបញ្ហាស្ត្រី ក្នុងក្របខណ្ឌសន្តិសុខ និងសន្តិភាព និងការរៀបចំគោលនយោបាយ ក្នុងការទប់ស្កាត់អំពើហិង្សាក្នុងគ្រួសារផងដែរ ។
លោកបានបន្តទៀតថា ឆ្នាំនេះ ជាខួបលើកទី ៧០ឆ្នាំ នៃទំនាក់ទំនងការទូតរវាងប្រទេសកម្ពុជា និងអូស្ត្រាលី ហើយក៏ជាឆ្នាំដ៏សំខាន់ ដែលប្រទេសទេសអូស្ត្រាលី ក៏ដូចជាប្រទេសកម្ពុជា និងពិភពលោក កំពុងរួមគ្នាទប់ស្កាត់ នូវការឆ្លងរីករាលដាលនៃជំងឺកូវីដ-១៩ (អូមីក្រុង)។ ក្នុងនោះប្រទេសអូស្ត្រាលី ក៏បានផ្តល់ជំនួយជាវ៉ាក់សាំង បរិក្ខាសុខាភិបាល ក៏ដូចជារក្សាទុកវ៉ាក់សាំងដល់កម្ពុជា ផងដែរ ។
លោកអគ្គរដ្ឋទូត ក៏មានសង្ឃឹមផងដែរថា កម្ពុជា អាចចូលរួមក្នុងការផ្តល់ការគាំទ្រ ទៅនឹងគំនិតផ្តួចផ្តើមមួយរបស់ប្រទេសអូស្ត្រាលី និងប្រទេសកូរ៉េ ដែលជាការរៀបចំជាសេចក្តីថ្លែងការណ៍ ជាអ្នកដឹកនាំស្តីអំពីការអភិវឌ្ឍន៍សេដ្ឋកិច្ចរបស់នារី លើក្របខណ្ឌកិច្ចប្រជុំកំពូល (East Asia Submmit)។
ចំណែកឯសំណើទាក់ទង នឹងការផ្តល់អាហាររូបកណ៍ ដល់មន្ត្រីរាជការនៅក្រសួង បានទទួលការសិក្សានៅមជ្ឈមណ្ឌលអូស្ត្រាលី សម្រាប់ការបណ្តុះបណ្តាល (ACE) លោកឯកអគ្គរដ្ឋទូត អូស្ត្រាលីប្រចាំកម្ពុជា បានសុំទុកពិភាក្សា និងជូនដំណឹងនៅពេលក្រោយ។
ជាការឆ្លើយតប លោកជំទាវបានស្វាគមន៍ និងសម្ដែងការអបអរសាទរ ចំពោះលោក Pablo Chiho Kang ដែលត្រូវបានតែងតាំងជា ឯកអគ្គរដ្ឋទូតវិសាមញ្ញ និងពេញសមត្ថភាព របស់ប្រទេសអូស្ត្រាលីប្រចាំនៅព្រះរាជាណាចក្រកម្ពុជា។
លោកជំទាវក៏បានថ្លែងអំណរគុណដល់ ប្រទេសអូស្ត្រាលី ដែលបានជួយដល់កម្ពុជា ទាំងក្នុងក្របខ័ណ្ឌអង្គការសហប្រជាជាតិ ក្របខណ្ឌអាស៊ាន ក៏ដូចជាដៃគូកិច្ចសហប្រតិបត្តិការគ្រប់ជ្រុងជ្រោយ តែម្ដង៕
អត្ថបទ៖ វិមាន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន