ព័ត៌មានអន្ដរជាតិ
WHO ប្រាប់អ៊ុយក្រែនឲ្យបំផ្លាញភ្នាក់ងារបង្ករោគក្នុងមន្ទីរពិសោធខ្លាចធ្លាយរាលដាល
នៅថ្ងៃព្រហស្បតិ៍ ទី១០ ខែមីនា អង្គការសុខភាពពិភពលោក (WHO) បានណែនាំឲ្យប្រទេសអ៊ុយក្រែនបំផ្លាញចោលនូវភ្នាក់ងារបង្ករោគដែលមានការគំរាមកំហែងខ្ពស់នៅក្នុងមន្ទីរពិសោធសុខភាពរបស់ប្រទេសដើម្បីការពារពីការលេចធ្លោដ៏មានសក្តានុពលណាមួយដែលរាលដាលជាជំងឺដល់ប្រជាជន។
ក្រុមអ្នកជំនាញជីវសុវត្ថិភាពបាននិយាយថា បេសកកម្មយោធាចូលប្រទេសអ៊ុយក្រែន និងការទម្លាក់គ្រាប់បែកលើទីក្រុងជាច្រើនបានបង្កើនហានិភ័យនៃលេចធ្លាយនៃមេរោគដែលបង្កឲ្យមានជំងឺ ប្រសិនបើគ្រឿងបរិក្ខាណាមួយត្រូវបានខូចខាត។
ដូចប្រទេសផ្សេងៗជាច្រើនដែរ អ៊ុយក្រែនមានមន្ទីរពិសោធសុខភាពសាធារណៈដែលកំពុងស្រាវជ្រាវពីវិធីកាត់បន្ថយការគំរាមកំហែងនៃជំងឺគ្រោះកាចដែលប៉ះពាល់ដល់មនុស្ស និងសត្វ រាប់ទាំងជំងឺកូវីដ-១៩ផង។ មន្ទីរពិសោធរបស់អ៊ុយក្រែនទទួលបានការគាំទ្រពីសហរដ្ឋអាមេរិក សហភាពអឺរ៉ុប និងអង្គការសុខភាពពិភពលោក។
ក្នុងការឆ្លើយតបសំណួរពីទីភ្នាក់ងារសារព័ត៌មាន Reuters អំពីការងាររបស់ខ្លូនជាមួយអ៊ុយក្រែនទាំងមុនពេល និងក្រោយពេលការវាយប្រហាររបស់រុស្ស៊ី WHO បាននិយាយក្នុងអ៊ីម៉ែលថា ខ្លួនបានសហការជាមួយមន្ទីរពិសោធសុខភាពសាធារណៈអ៊ុយក្រែនជាច្រើនឆ្នាំមកហើយដើម្បីជំរុញការអនុវត្តសុវត្ថិភាពដែលជួយការពារការបញ្ចេញភ្នាក់ងារបង្ករោគដោយចៃដន្យ ឬចេតនា។
អង្គការសុខភាពពិភពលោកដែលជាទីភ្នាក់ងាររបស់អង្គការសហប្រជាជាតិបាននិយាយថា ៖«ពាក់ព័ន្ធនឹងចំណុចនេះ WHO បានណែនាំយ៉ាងខ្លាំងដល់ក្រសួងសុខាភិបាលអ៊ុយក្រែន និងភាគីទទួលខុសត្រូវពាក់ព័ន្ធផ្សេងទៀតឲ្យបំផ្លាញចោលភ្នាក់ងារបង្ករោគដែលគំរាមកំហែងខ្ពស់ដើម្បីការពារការបែកធ្លាយណាមួយដ៏មានសក្តានុពល»។
ទោះបីជាយ៉ាងណា WHO មិនបាននិយាយទេនៅពេលណាដែលខ្លួនបានផ្តល់សេចក្តីណែនាំ ឬផ្តល់ព័ត៌មានលំអិតពីប្រភេទនៃភ្នាក់ងារបង្ករោគនៅក្នុងមន្ទីរពិសោធរបស់អ៊ុយក្រែននោះ។
សមត្ថភាពរបស់មន្ទីរពិសោធរបស់អ៊ុយក្រែនស្ថិតនៅចំកណ្តាលនៃសង្គ្រាមព័ត៌មានកំពុងកើនឡើងចាប់តាំងពីរុស្ស៊ីធ្វើប្រតិបត្តិការយោធាចូលទៅអ៊ុយក្រែនកាលពីពីរសប្តាហ៍មុន៕
ប្រែសម្រួល៖ វីរបុត្រ
ប្រភព៖ Reuters
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ