ព័ត៌មានអន្ដរជាតិ
អង្គការណាតូដាក់គោលដៅលើប្រទេសចិន
អង្គការណាតូគ្រោងនឹងពង្រឹងកិច្ចសហប្រតិបត្តិការជាមួយដៃគូនៅទ្វីបអាស៊ីដើម្បីជាការឆ្លើយតបទៅនឹងបញ្ហាប្រឈមសន្តិសុខកំពុងកើនឡើងពីប្រទេសចិនដែលបដិសេធថ្កោលទោសប្រតិបត្តិការយោធារបស់រុស្ស៊ីនៅអ៊ុយក្រែន។ នេះបើយោងតាមលោក Jens Stoltenberg អគ្គលេខាធិការអង្គការដែលដឹកនាំដោយអាមេរិកបានបង្ហាញកាលពីថ្ងៃអង្គារ៍។
លោកអគ្គលេខាធិការអង្គការសន្ធិសញ្ញាអាត្លង់ទិកខាងជើង ដែលស្គាល់ទូទៅថា«ណាតូ»បានប្រកាសថា អង្គការនឹងរៀបចំកិច្ចប្រជុំថ្នាក់រដ្ឋមន្ត្រីការបរទេសពីរដ្ឋជាសមាជិក និងប្រទេសហ្វាំងឡង់ ស៊ុយអែត ហ្សកហ្ស៊ី និងសហភាពអឺរ៉ុប។ ទោះជាយ៉ាងណា មន្ត្រីដែលមានកំណើតនៅន័រវែសក៏បានកត់សំគាល់ថា ដៃគូនៅតំបន់អាស៊ី-ប៉ាស៊ីហ្វិករបស់ខ្លួនមានដូចជា អូស្ត្រាលី នូវែលសេឡង់ ជប៉ុន និងកូរ៉េខាងត្បូង ក៏ត្រូវបានអញ្ជើញចូលរួមផងដែរ ដោយបានបញ្ជាក់ថា វិបត្តិសន្តិសុខបច្ចុប្បន្នមានផលប៉ះពាល់ជាសកល។
រដ្ឋមន្ត្រីនឹងពិភាក្សាគ្នាពីគំនិតយុទ្ធសាស្ត្រថ្មីពាក់ព័ន្ធនឹងជម្លោះយោធានៅអ៊ុយក្រែន ប៉ុន្តែក៏នឹងរាប់បញ្ចូលជាលើកដំបូង«អំពីបញ្ហាឥទ្ធិពលកំពុងកើនឡើងរបស់ចិន និងគោលនយោបាយបង្ខិតបង្ខំលើឆាកអន្តរជាតិដែលបង្កបញ្ហាប្រឈមជាប្រព័ន្ធដល់សន្តិសុខ និងប្រជាធិបតេយ្យរបស់យើង»។
«យើងឃើញថា ចិនគ្មានឆន្ទៈថ្កោលទោសការវាយប្រហាររបស់រុស្ស៊ីទេ និងចូលរួមជាមួយទីក្រុងមូស្គូក្នុងការសួរពីសិទ្ធិនៃប្រទេសជាតិដើម្បីជ្រើសរើសផ្លូវផ្ទាល់ខ្លួនរបស់ពួកគេ»។ លោក Stoltenberg មានប្រសាសន៍ និងជំរុញថា លទ្ធិប្រជាធិបតេយ្យត្រូវតែក្រោកឈរឡើងដើម្បីតម្លៃរបស់ខ្លួនប្រឆាំងនឹងអំណាចផ្តាច់ការ។
យោងតាមអង្គការ Freedom House ដែលទទួលបានមូលនិធិពីរដ្ឋាភិបាលអាមេរិកបង្ហាញថា ៥ក្នុងចំណោមសមាជិក៣០របស់ណាតូមិនត្រូវបានពិចារណាជាប្រទេសមានប្រជាធិបតេយ្យពេញលេញទេគឺ តួកគី ហុងគ្រី អាល់បានី ម៉ាសេដូនៀខាងជើង និងម៉ុងតេណេហ្គ្រោ។
លោកអគ្គលេខាធិការបង្ហាញសេចក្តីសង្ឃឹមថា អង្គការនឹងអាចបង្កើនកិច្ចសហប្រតិបត្តិការជាមួយដៃគូនៅអាស៊ី-ប៉ាស៊ីហ្វិកក្នុងវិស័យដូចជា ការគ្រប់គ្រងអាវុធ អ៊ីនធឺណេត និងបច្ចេកវិទ្យាជាដើម៕
ប្រែសម្រួល៖ វីរបុត្រ
ប្រភព៖ RT
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ