ព័ត៌មានអន្ដរជាតិ
ប្រធានណាតូព្រមានថា លោកខាងលិចត្រូវតែត្រៀមខ្លួនសម្រាប់សង្គ្រាមយូរនៅអ៊ុយក្រែន
លោក Jens Stoltenberg អគ្គលេខាធិការអង្គការសន្ធិសញ្ញាអាត្លង់ទិកខាងជើង (ណាតូ) បានព្រមានកាលពីថ្ងៃព្រហស្បតិ៍ ទី២ ខែមិថុនា បន្ទាប់ពីកិច្ចពិភាក្សាជាមួយប្រធានាធិបតីអាមេរិកថា បណ្តាប្រទេសលោកខាងលិចត្រូវតែត្រៀមខ្លួនទប់ទល់នឹងសង្គ្រាមបំផ្លាញយូរអង្វែងនៅក្នុងប្រទេសអ៊ុយក្រែន។
«យើងត្រូវតែត្រៀមខ្លួនសម្រាប់រយៈពេលវែង»។ ប្រធានអង្គការណាតូបានប្រាប់អ្នកសារព័ត៌មាន និងបញ្ជាក់ថា «ពីព្រោះអ្វីដែលយើងឃើញសង្គ្រាមនេះ ឥឡូវបានក្លាយជាសង្គ្រាមហិចហោចមួយ»។
លោក Stoltenberg បាននិយាយថា ប្រជាជនអ៊ុយក្រែនកំពុងចំណាយខ្ពស់សម្រាប់ការការពារប្រទេសជាតិរបស់ពួកគេនៅសមរភូមិ «ប៉ុន្តែយើងក៏ឃើញថា ប្រទេសរុស្ស៊ីកំពុងរងគ្រោះខ្ពស់ដែរ»។
ខណៈពេលបញ្ជាក់ជាថ្មីថា ក្រុមសម្ព័ន្ធមិត្តណាតូ មិនចង់ប្រឈមមុខផ្ទាល់ជាមួយរុស្ស៊ី លោក Stoltenberg បាននិយាយថា សម្ព័ន្ធមិត្តយោធាលោកខាងលិចទទួលខុសត្រូវដើម្បីឧបត្ថម្ភគាំទ្រដល់អ៊ុយក្រែន។
លោកមានប្រសាសន៍ថា ៖«សង្គ្រាមភាគច្រើនបំផុត ក៏ដូចជាសង្គ្រាមនេះដែរ នឹងដល់ដំណាក់កាលខ្លះបញ្ចប់នៅលើតុចរចា ប៉ុន្តែអ្វីដែលយើងដឹងគឺថា អ្វីកើតឡើងជុំវិញតុចរចាគឺមានទំនាក់ទំនងជិតស្និទ្ធទៅនឹងស្ថានភាពនៅសមរភូមិ»។
នៅពេលសួរថា តើអ៊ុយក្រែនកំពុងត្រូវបានដាក់សម្ពាធដោយប្រទេសលោកខាងលិចដើម្បីឲ្យទទួលយកការបាត់បង់ទឹកដីសម្រាប់ការចរចាសន្តិភាពទេ? លោក Stoltenberg បានឆ្លើយថា ៖«វាមិនមែនសម្រាប់ពួកយើងធ្វើការសម្រេចចិត្ត ឬមានទស្សនៈរឹងមាំពីអ្វីដែលអ៊ុយក្រែនទទួល ឬមិនទទួលយកនោះទេ»។
ប្រមុខណាតូរូបនេះមិនបានធ្វើការអត្ថាធិប្បាយអ្វីដែលសម្ព័ន្ធមិត្តបានកំពុងពិភាក្សាអំពីការការពារផ្លូវទឹកដើម្បីទទួលបានការនាំចេញគ្រាប់ធញ្ញជាតិដែលត្រូវបានប្លុកនៅសមុទ្រអ៊ុយក្រែនតាមរយៈការរារាំងរបស់រុស្ស៊ី ប៉ុន្តែលោកបាននិយាយថា លោកស្វាគមន៍ចំពោះការប្រឹងប្រែងដើម្បីរកដំណោះស្រាយ។
«វិធីងាយស្រួលបំផុតដើម្បីបញ្ចេញគ្រាប់ធញ្ញជាតិ និងដើម្បីកាត់បន្ថយសម្ពាធលើតម្លៃម្ហូបអាហារគឺលោកប្រធានាធិបតី វ្លាឌីមៀរ ពូទីន បញ្ចប់សង្គ្រាម»។ លោកបាននិយាយ និងបន្តថា «ដរាបណាមិនមែនរឿងនោះ ខ្ញុំសូមស្វាគមន៍ចំពោះកិច្ចខិតខំប្រឹងប្រែងដោយប្រទេសផ្សេងៗ រាប់ទាំងសម្ព័ន្ធមិត្តណាតូ ការសម្របសម្រួលជិតស្និទ្ធជាមួយអង្គការសហប្រជាជាតិ ដើម្បីស្វែងរកផ្លូវបញ្ចេញគ្រាប់ធញ្ញជាតិ»៕
ប្រែសម្រួល៖ វីរបុត្រ
ប្រភព៖ AFP
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ