ព័ត៍មានទាន់​ហេតុការណ៏
Search
M14-07-16-u4

ទ្វារ​នៅ​បើក​សម្រាប់​ផ្លូវ​ឆ្ពោះទៅកាន់​វគ្គ​ផ្ដាច់ព្រ័ត្រ​នៃ​ព្រឹត្តិការណ៍​បាល់​ឱប Super Rugby

កៅអី​នៅតែ​បើកចំហ​ឲ្យ​ឡើង​ដណ្តើម​សម្រាប់​ជុំ​ផ្ដាច់ព្រ័ត្រ​នៅ​ព្រឹត្តិការណ៍​បាល់ឱប Super Rugby ក្នុងនោះ​តំណែង​កំពូល អាច​នឹងត្រូវ​ដណ្តើមយក​ទៅដោយ​ក្រុម Lions ដែលមាន​មូលដ្ឋាន​នៅ​ទីក្រុង Johannesburg។

៦​ក្រុម​ក្នុងចំណោម​ក្រុម​ ដែល​បាន​ឡើងដល់​វគ្គ​១​ភាគ​៤​ផ្តាច់ព្រ័ត្រ ត្រូវបាន​ប្រកាស​រួចហើយ​ដែល​ក្នុងនោះ​រួមមាន​ក្រុម Lions និង​ក្រុម Stormers មកពី​អាហ្វ្រិក​ខាងត្បូង និង​ក្រុម Chiefs, Crusaders, Highlanders និង​ក្រុម Hurricanes មកពី​ណូ​វ៉ែល​សេ​ឡង់​។ ជុំ​ទី​១៧​នៅ​ចុង​សប្តាហ៍​នេះ នឹងត្រូវ​កំណត់​ជោគ​វាសនា​របស់​ក្រុម ACT Brumbies និង​ក្រុម New South Wales Waratahs សម្រាប់​ការ​ដណ្តើម​បាន​កៅអី​លេង​នៅ​វគ្គ​កាត់​សេចក្តី Playoff​នៅ​ប្រទេស​អូស្ត្រាលី ក៏ដូចជា​ឱកាស​របស់​ក្រុម Bulls ដែល​មាន​មូលដ្ឋាន​នៅ​ទីក្រុង Pretoria ឬ​ក្រុម Sharks មាន​មូលដ្ឋាន​នៅ​ទីក្រុង Durban​ថា​តើ​ពួក​គ​មានឱកាស​បន្ត​លេង ​ឬ​យ៉ាងណា​នៅ​ប្រទេស​អាហ្វ្រិក​ខាងត្បូង។

ស្ទើរ​តែ​គ្រប់​ការប្រកួត​នៅ​ជុំ​នេះ ​ដែល​សុទ្ធតែ​ពាក់ព័ន្ធ​នឹង​ក្រុម​ឈានមុខ​គេ​នោះ នឹង​ជួយ​កំណត់ថា​តើ​ក្រុម​ណា​ត្រូវ​ប៉ះ​ជាមួយ​ក្រុម​ណា ហើយ​និង​ត្រូវ​លេង​នៅ​កន្លែង​ណា​នៅ​វគ្គ​១​ភាគ​៤​ផ្តាច់ព្រ័ត្រ​។​
​ទោះបីជា​យ៉ាងណាក៏ដោយ ការប្រកួត​នៅតែ​ស្ថិតក្នុង​ស្ថានភាព​តានតឹង​ដដែល ក្រោយ​ជុំ​ទី​១៧ ដោយសារតែ​ក្រុម​កំពូល​ទាំង​៧​សុទ្ធតែ​ត្រូវ​ឡើង​ដណ្ដើម​ដំណែង​ពី​ក្រុម​លេខ​១ Lions ដែល​បច្ចុប្បន្ន​មាន​៥២​ពិន្ទុ។

ការសម្រេចចិត្ត​របស់​គ្រូបង្វឹក​ក្រុម Lions គឺ​លោក Johann Ackermann ដើម្បី​ឲ្យ​សម្រាក​កីឡាករ​ឈានមុខ​គេ​១៥​នាក់​របស់​គាត់ ពេល​លេង​ជាមួយ​ក្រុម​អា​ហ្ស​ង់​ទីន Jaguares នា​ថ្ងៃ​សៅរ៍​នេះ មានន័យថា គាត់​បាន​ត្រៀមខ្លួន​រួចរាល់​ដើម្បី​ដាក់​តំណែង​លេខ​១​របស់​ពួកគេ​ស្ថិត​តំបន់​គ្រោះថ្នាក់​។​

ទោះបីជា​យ៉ាងណាក៏ដោយ ក្រុម Jaguares ឈ្នះ​តែ​៣​ប្រកួត​គត់​ក្នុង​រដូវ​កាល​ដំបូង​របស់​ពួកគេ​នៅ Super Rugby​ ប៉ុន្តែ​ជ័យជំនះ​ដ៏​គួរ​ឲ្យ​ចាប់អារម្មណ៍​របស់​ពួកគេ​កាលពីពេល​ថ្មីៗ​នេះ លើ​ក្រុម Bulls នឹង​អាច​បង្ក​គ្រោះថ្នាក់​ដល់​ក្រុម Lions ជាក់​ជាពុំខាន​ឡើយ៕



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684