Connect with us

ព័ត៌មានជាតិ

តើនិស្សិតស្រីឡើងពីខេត្តមកបន្តការសិក្សានៅភ្នំពេញ តែងជួបបញ្ហាប្រឈមអ្វីខ្លះ?

បានផុស

នៅ

នៅកម្ពុជា មាននិស្សិតជាច្រើនដែលត្រូវបែកពីគ្រួសារ ដើម្បីមកបន្តការសិក្សានៅក្នុងរាជធានីភ្នំពេញ ពីព្រោះនៅតាមបណ្តាខេត្តនានាមិនទាន់មានសាកលវិទ្យាល័យដែលមានមុខជំនាញច្រើនទូលំទូលាយឱ្យនិស្សិតងាយស្រួលក្នុងការជ្រើសរើសនោះទេ។ ប៉ុន្តែ ការផ្លាស់មករស់នៅក្នុងទីក្រុងដ៏ស្រស់ឆើតឆាយ មិនត្រឹមតែធ្វើឲ្យពួកគេប្លែកអារម្មណ៍ឡើយ តែក៏មានបញ្ហាប្រឈមមួយចំនួនដែលពួកគេត្រូវជួបប្រទះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែង កញ្ញា រ៉ាន់ ស្រីដែត ដែលជានិស្សិតឆ្នាំទី២នៅសាកវិទ្យាល័យភូមិន្ទភ្នំពេញ បានជួបរឿងរ៉ាវដ៏រន្ធត់មួយនៅអំឡុងពេលមករស់នៅជាមួយសាច់ញាតិនៅម្តុំផ្សារដេប៉ូ។ ស្រីដែត គឺជាអ្នកខេត្តត្បូងឃ្មុំ ហើយបានមកបន្តការសិក្សានៅរាជធានីភ្នំពេញកាលពីចុងឆ្នាំ២០១៩។ កញ្ញា រ៉ាន់ ស្រីដែត បានរំលឹកពីហេតុការណ៍ដ៏តក់ស្លុតមួយថា៖ “ខ្ញុំចាំថា ធ្លាប់មានបទពិសោធន៍មួយនៅផ្លូវកែងជិតដល់ផ្លូវចូលផ្ទះ ហើយស្របពេលមេឃកំពុងភ្លៀងរលឹមៗ មានពូម្នាក់រាងចំណាស់ស្រែកដាក់ថា ទៅជាមួយគាត់អត់ ហើយពេលនឹងគិតក្នុងចិត្តថាម៉េចបានចឹង ខ្ញុំជាមនុស្សមិនមែនសត្វធាតុទេ ឡើងហួសចិត្ត”។ កញ្ញា រ៉ាន់ ស្រីដែត បានបន្តថា៖ “បានន័យថា យើងជាស្រីពិបាកជាងប្រុស ពីព្រោះបុរសពេលដើរយប់គ្មានបញ្ហាអ្វីទេ ប៉ុន្តែយើងជាស្រីត្រូវប្រយ័ត្នខ្លួនឱ្យបានមែនទែន”។

ចំណែកឯ និស្សិតស្រី វ៉ា សិរីនាង ជានិស្សិតឆ្នាំទី ៤ នៅសាកលវិទ្យាល័យបញ្ញាសាស្រ្តវិញ បានលើកឡើងពីបញ្ហាលំបាកពេលឡើងមកភ្នំពេញថ្មីថ្មោង ដោយផ្ទះឆ្ងាយពីសាលា និងចំណាយពេលច្រើនទាំងទៅ ទាំងមក។ និស្សិតស្រីឆ្នាំទី៤ រូបនេះ បានពោលឡើងថា ធម្មតា នៅតាមខេត្តចរាចរណ៍មិនសូវកកស្ទះ មិនសូវក្រពុលមុខ ហើយពេលនៅស្រុកជាមួយឪពុក ម្តាយ មិនសូវអផ្សុក និងមិនចេះស្រ្តេសដូចពេលឥឡូវ នឹកផ្ទះផង នឹកឪពុកម្តាយផង ពីព្រោះនៅភ្នំពេញអ្នកជិតខាងចូលផ្ទះផុត គឺផុតហើយមិនដែលទាំងស្គាល់មុខគ្នាផង។

ជាមួយគ្នានេះ និស្សិតស្រី វ៉ា សិរីនាង បានឲ្យជាយោបល់ថា ៖ “បើយើងជាស្រីមកនៅភ្នំពេញ កុំនៅម្នាក់ឯងអី យើងគួរហៅមិត្តភក្តិ ឬអ្នកថ្មីណាដែលយើងអាចទុកចិត្តបាន អាចនៅជាមួយគ្នា ជៀសវាងកុំនៅម្នាក់ឯង ដោយសារយើងជាស្រី ពិបាកក្នុងការនៅភ្នំពេញ។ បញ្ហាសុវត្ថិភាព គឺសំខាន់ជាងគេ”។

ដោយឡែក កញ្ញា ញាណ វិភាវី ដែលជាសិស្សអាហារូបករណ៍ឆ្នាំទី៣ មានបញ្ហាប្រឈមដោយមិនស្គាល់មេភូមិ ចៅសង្កាត់ ក្នុងករណីបើមានបញ្ហា ឬចង់រត់ឯកសារមិនដឹងទៅទាក់ទងអ្នកណា ពីព្រោះកញ្ញាមិនបានធំដឹងក្តីនៅក្នុងសង្កាត់ និងមិនស្គាល់ពីទីតាំងភូមិសាស្រ្តច្បាស់ដូចស្រុកកំណើតខ្លួនឯងនៅឯខេត្តបាត់ដំបង។ ប៉ុន្តែទីកន្លែងផ្ទះជួលរបស់កញ្ញា គឺមានសុវត្ថិភាពល្អ ដោយសារវានៅលើផ្លូវធំ មានអ្នកលក់ដូរ ពោរពេញដោយទីប្រជុំជនច្រើន។

បើទោះបី ភាវី ចេញពីរៀនពេលយប់ក៏ដោយ ក៏មិនមានក្តីព្រួយបារម្ភចំពោះគ្រោះថ្នាក់ ឬបញ្ហាណាមួយ។ ដូច្នេះ កញ្ញាបានចែករំលែកបទពិសោធន៍ដល់និស្សិតស្រីៗដែលឡើងមករៀននៅភ្នំពេញពីខេត្តបែបនេះថា៖ “ យើងត្រូវមានទម្លាប់រស់នៅឯករាជ និងជ្រើសរើសទីតាំងភូមិសាស្រ្តផ្ទះឱ្យបានត្រឹមត្រូវ ដូចជារស់នៅកន្លែងដែលសម្បូរសិស្សដូចគ្នា”។

ស្រដៀងគ្នានឹងសិស្សច្បងដែរ កញ្ញា ស្រីដែត ក៏បានផ្តល់យោបល់ដល់និស្សិតស្រីដែលទើបនឹងឡើងមកសិក្សានៅរាជធានីភ្នំពេញឱ្យបើកចិត្តទទួលយក និងសម្របនឹងបរិយាកាសថ្មី។ កញ្ញានិយាយថា ៖ “ខ្ញុំទទួលស្គាល់ថា ដំបូងវាមានភាពលំបាកមែន ប៉ុន្តែពេលយូរៗទៅ យើងនឹងស៊ាំនឹងវា។ ហើយមួយវិញទៀត យើងត្រូវការពារខ្លួនយើងពេលយប់ព្រលប់ ឬពេលមានមនុស្សលេបខាយពាក្យសម្តី យើងត្រូវចេះការពារខ្លួន ឬក៏ស្រែកឱ្យគេជួយ និងទៅណាមកណាគួរមានគ្នា”៕

ដោយ៖ វង់ លីលី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

អាមេរិក ដាក់ទណ្ឌកម្មក្រុមហ៊ុនជួរមុខ ចិន ដែលមានចិត្តចង់កម្ទេចហេដ្ឋារចនាសម្ព័ន្ធសំខាន់ៗ

ព័ត៌មានជាតិ២ ម៉ោង មុន

អភិបាលខេត្តកំពង់ចាម ចុះពិនិត្យវឌ្ឍនភាពការសាងសង់ផ្លូវ និងដោះស្រាយបញ្ហាប្រឈមមួយចំនួនជូនពលរដ្ឋ

ព័ត៌មានអន្ដរជាតិ២ ម៉ោង មុន

តៃវ៉ាន់ ធ្វើសមយុទ្ធយោធាបាញ់មីស៊ីលពីដីទៅអាកាស

ព័ត៌មានជាតិ២ ម៉ោង មុន

កម្មករ-និយោជិត នៃរោងចក្រ ញូ ស្កាយ ព្រីនធីង អរគុណ រាជរដ្ឋាភិបាល ដែលបើកប្រាក់ឈ្នួលដល់ខ្លួន

ព័ត៌មានអន្ដរជាតិ២ ម៉ោង មុន

លោក សេដ្ឋា មិនជួបលោក ថាក់ស៊ីន នៅទីស្នាក់ការបក្ស តែទៅទស្សនា​បាល់ទាត់រវាង ថៃ និងកូរ៉េខាងត្បូង

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២២ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៦ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម