វប្បធម៌ ជំនឿ
សត្វវារឬរត់កាត់មុខរថយន្ត តាមជំនឿជាប្រផ្នូលប្រាប់រឿងហេតុមុន?
កាលនៅក្មេងយើងគ្រប់គ្នាប្រហែលជាបានឮរឿងរ៉ាវពីជីដូនជីតា ឬចាស់ៗតែងដំណាលប្រាប់ អំពីជំនឿបុរាណដូចជាការហាមនេះនោះ ឬបើមានអ្វីមួយប៉ះលើខ្លួន ដូចមកតឿនសតិឬបញ្ជាក់ឲ្យបានដឹងមុនជាក់ជាមិនខានទេ។
ទន្ទឹមនោះ ប្រសិនបើមានសត្វរត់នៅពីមុខឡាន ចាស់ៗពីដើមលោកជឿថា ជាប្រផ្នូលអាចកើតឡើងលើម្ចាស់យានយន្តនោះមិនខាន។
១ សត្វពស់លូនកាត់មុខរថយន្ត
មនុស្សខ្លះប្រហែលជាមិនគិតអ្វីទាំងអស់។ ប៉ុន្តែក៏មានមនុស្សជាច្រើនដែលគិតថា ពស់លូនកាត់មុខរថយន្តនឹងនាំសំណាងល្អដល់ម្ចាស់យានយន្ត។ ជាពិសេសរឿងលុយកាក់ និងពានរង្វាន់ផ្សេងៗ ដូច្នេះប្រសិនបើអ្នកឃើញសត្វពស់លូនកាត់មុខរថយន្ត សូមកុំភ័យស្លន់ស្លោ ចូរអត់ធ្មត់ ហើយរង់ចាំឲ្យពស់វារកាត់តាំដំណើរចុះ។
២ អណ្តើកវារមុខឡាន
អណ្ដើកគឺជាសត្វដែលនាំមកនូវសំណាងល្អ។ ប៉ុន្តែប្រសិនបើមានអណ្ដើកវារនៅខាងមុខឡាន អ្នកគួរតែទៅធ្វើបុណ្យ ឬថ្វាយចង្ហាន់ដល់ព្រះសង្ឃ នោះអាចជួយសម្រាលរាល់សំណាងអាក្រក់ និងទុក្ខព្រួយចេញពីខ្លួនមិនខាន។
៣ ត្រកួតវារកាត់មុខឡាន
បើសិនមានសត្វត្រកួតលូនកាត់មុខរថយន្ត យោងទៅតាមជំនឿគឺបញ្ជាក់ពី “លុយកាក់និងមាស” ជាពិសេសរឿងបានទ្រព្យសម្បត្តិ ហើយក៏ជួយសម្រាលទុក្ខសោកផ្សេងៗ។ ខណៈអ្នកបានជួបនូវរឿងមិនល្អ ក្នុងជីវិតមួយនេះ។
៤ ឆ្កែរត់កាត់ពីមុខឡាន
បើតាមជំនឿ ប្រសិនបើមានមានឆ្កែរត់កាត់មុខឡានយើង ទោះជាឆ្កែវង្វេងឬមកពីណា នោះមានន័យថា មាននរណាម្នាក់នឹងនាំមកនូវបញ្ហា ឬគួរប្រយ័ត្នចំពោះការសម្លុតធ្វើបាប ប៉ុន្តែប្រសិនបើឆ្កែមានម្ចាស់ វាមានន័យថា អ្នកក្រោមបង្គាប់ឬគ្រួសារនឹងនាំមកនូវបញ្ហាសម្រាប់អ្នកទៅវិញ។ ទោះយ៉ាងណាក៏ដោយ រាល់ពេលដែលឆ្កែរត់នៅពីមុខ យើងតែងតែឃើញគ្រោះថ្នាក់កើតឡើង។ ដោយសារឆ្កែនេះមានភាពរហ័សរហួន និងរត់លឿន ជាហេតុធ្វើឲ្យរថយន្តដែលបើកបរឈប់ហ្វ្រាំងនិងបង្កគ្រោះថ្នាក់ទាំងមនុស្ស និងសត្វ។
៥ គោរត់កាត់មុខឡាន
ជាការពិតណាស់ បើយើងបើកបរតាមសហគមន៍ ឬតាមវាលស្រែ ប្រាកដជាមានឱកាសឃើញសត្វគោរត់ ឬដើរពីមុខរថយន្ត។ តាមជំនឿគេជឿថា បើគោកាត់មុខឡាន អាចមានបញ្ហាក្នុងការងារ ឬប្រហែលជាមានការយល់ច្រឡំជាមួយចៅហ្វាយឬមានការខ្វែងគំនិតគ្នា។ សំខាន់បំផុត ត្រូវប្រយ័ត្នចំពោះគ្រោះថ្នាក់ ដែលនឹងកើតឡើងនៅជុំវិញដូចគ្នា។
យ៉ាងណាក៏ដោយ នេះគ្រាន់តែជាជំនឿតពីចាស់ៗមកតែប៉ុណ្ណោះ! ការជឿឬមិនជឿ គឺអាស្រ័យលើសិទ្ធបុគ្គលរបស់មិត្តអ្នកអាន ពីជំនឿដែលគ្រូបង្ហាញដូចខាងលើនេះ៕
គ្រូ ណុប
ចុចអាន៖អប្បិយជំនឿ ពីការបីឆ្មាសម្បុរបីឡើងផ្ទះថ្មី
ចុចអាន៖គោលការណ៍ហុងស៊ុយ ៩ ប្រភេទ ជួយម្ចាស់ផ្ទះ មានតែរឿងសុភមង្គល និងបង្កើនលុយកាក់
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម