ព័ត៌មានអន្ដរជាតិ
សេវាមួយក្នុងប្រទេស ថៃ សប្បាយកើបលុយពេលផ្ទុះកូវីដកាន់តែខ្លាំង
ការលក់សេវាធានារ៉ាប់រងជំងឺកូវីដ១៩បានហក់ឡើងយ៉ាងខ្លាំងនៅក្នុងប្រទេសថៃចាប់តាំងពីផ្ទុះការចម្លងរោគថ្មី។
លោកស្រី Napassanun Punnipa នាយកប្រតិបត្តិក្រុមហ៊ុនធានារ៉ាប់រង TQM Corporation បាននិយាយថា អតិថិជនជាង១,០០០នាក់បានទិញសេវាធានារ៉ាប់រងជំងឺកូវីដ១៩បន្ទាប់ពីចំនួនករណីឆ្លងបានកើនឡើងខ្ពស់កាលពីយប់ថ្ងៃសៅរ៍។
លោកស្រីបានបន្ថែមថា អតិថិជនពី៧០ទៅ៨០ភាគរយដែលបានទិញសេវាធានារ៉ាប់រងកូវីដបន្ទាប់ពីករណីឆ្លងក្នុងសហគមន៍ត្រូវបានរកឃើញនៅឈៀងម៉ៃនិងឈៀងរ៉ៃគឺបានសម្រេចចិត្តពង្រីកសេវារបស់ពួកគេឲ្យបានល្អមុនពេលសេវាផុតកំណត់នៅខែកុម្ភៈឆ្នាំក្រោយ។
លោកស្រីនិយាយថា “ផ្អែកលើមូលដ្ឋាននេះ យើងជឿជាក់ថា ប្រតិបត្តិការរបស់ក្រុមហ៊ុននឹងកើនឡើងខ្លាំងនៅឆ្នាំក្រោយ”។
ស្របពេលជាមួយគ្នានោះ លោកស្រី Puntrika Baingern អនុប្រធានប្រតិបត្តិក្រុមហ៊ុនធានារ៉ាប់រង Muang Thai បាននិយាយថា ការឆ្លងវីរុសថ្មីរបស់ប្រទេសថៃបានបង្ហាញអំពីអត្ថប្រយោជន៍សម្រាប់អាជីវកម្មធានារ៉ាប់រង។
លោកស្រីនិយាយថា នៅឆ្នាំនេះ ក្រុមហ៊ុនបានផ្តល់កញ្ចប់ធានារ៉ាប់រងជំងឺកូវីដលើសមុនបីដងហើយកញ្ចប់ចុងក្រោយដែលកំពុងត្រូវបានលក់រហូតដល់ថ្ងៃទី២៦ខែធ្នូនេះបានសន្យាថា នឹងផ្តល់ឲ្យអ្នកទិញជាទឹកប្រាក់១០០,០០០បាត (៣,៣២៨ដុល្លារ) ប្រសិនបើពួកគេធ្វើតេស្តវិជ្ជមាន។
ការិយាល័យគណៈកម្មការធានារ៉ាប់រងបាននិយាយថា សេវាធានារ៉ាប់រងកូវីដប្រមាណ៩លានកញ្ចប់ត្រូវបានគេទិញហើយទឹកប្រាក់រហូតដល់ទៅ៤ពាន់លានបាតត្រូវបានប្រមូល៕
ប្រែសម្រួលដោយ៖ Vann Vann
ប្រភព៖ The Nation
ចុចអាន៖ ទោះកូវីដផ្ទុះខ្លាំង ពលករចំណាកស្រុកនៅតែលួចចូលប្រទេស ថៃ កងទ័ពទប់មិនឈ្នះ
ចុចអាន៖ វ៉ាក់សាំងកូវីដចំនួន២របស់ ថៃ ឈានដល់ដំណាក់កាលសាកល្បងលើមនុស្ស
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ