ព័ត៌មានអន្ដរជាតិ
ទោះបន្តរកឃើញឆ្លងថ្មីដល់ទៅ ៦៧នាក់ ថៃនៅតែអនុញ្ញាតឲ្យរៀបចំព្រឹត្តិការណ៍ឆ្លងឆ្នាំថ្មី
យោងតាមរបាយការណ៍ចេញផ្សាយនៅថ្ងៃព្រហស្បត្តិ៍នេះ ប្រទេសថៃ បានបន្តរកឃើញករណីឆ្លងកូវីដសរុប ៦៧នាក់ រាប់ទាំងករណីឆ្លងក្នុងសហគមន៍ពាក់ព័ន្ធផ្សារគ្រឿងសមុទ្រនៅសាមុត សាខុន និងករណីនាំចូល នាំឲ្យតួលេខឆ្លងសរុបប្រទេសនេះកើនដល់ ៥៨២៩នាក់។
ទោះជាស្ថានភាពកូវីដ ១៩ កំពុងធ្ងន់ធ្ងរខ្លាំងក្តី ប៉ុន្តែរដ្ឋាភិបាលរបស់លោក ប្រាយុទ្ធ ចាន់អូចា នៅតែអះអាងមិនមានការបិទប្រទេសនោះឡើយ ខណៈផែនការរៀបចំពិធីរាប់ថយក្រោយទទួលឆ្នាំថ្មី ២០២១ នៅតែអនុវត្តដោយអាស្រ័យទៅលើស្ថានភាពករណីកូវីដ ១៩ តាមតំបន់ជាក់ស្តែង។
អ្នកនាំពាក្យមជ្ឈមណ្ឌលរដ្ឋបាលជំងឺកូវីដ ១៩ របស់ប្រទេសថៃ CCSA លោកវេជ្ជបណ្ឌិត Taweesilp Visanuyothin បាននិយាយថា CCSA បានបង្កើតតំបន់ចំនួន ៤ ដើម្បីគ្រប់គ្រងវាយតម្លៃស្ថានភាពរាតត្បាតកូវីដ ១៩ ដោយតំបន់ទាំង ៤ បានដាក់ឲ្យប្រើប្រាស់នៅលើខេត្តទាំងអស់ជាបន្ទាន់។
តាមការបញ្ជាក់ តំបន់ទាំង ៤ នៃវិធានការគ្រប់គ្រងកូវីដ ១៩ របស់ថៃ មាន៖
– តំបន់ក្រហម៖ ជាតំបន់ទាមទារការគ្រប់គ្រងឲ្យមានតឹងរឹង និងមានករណីឆ្លងកូវីដច្រើនបំផតុត។
– តំបន់ទឹកក្រូច៖ ជាតំបន់មានករណីឆ្លងកូវីដប៉ុន្តែអាចគ្រប់គ្រងស្ថានការបាន និងមានករណីកូវីដចាប់ពី ១០នាក់ និងកំពុងកើនឡើង។
– តំបន់លឿន៖ ជាតំបន់ប្រឈមរាតត្បាតខ្ពស់ មានករណីឆ្លងទាបជាង ១០នាក់ និងកំពុងស្ថិតក្រោមការគ្រប់គ្រងបានល្អ។
– តំបន់បៃតង៖ ជាតំបន់ប្រឈមឆ្លងរាតត្បាតតិចតួច និងគ្មានករណីឆ្លងកូវីដ ១៩។
ផ្អែកលើវិធានការបែងចែកតំបន់គ្រប់គ្រងស្ថានភាពកូវីដទាំង ៤ ថៃបានសម្រេចឲ្យ ២តំបន់ប៉ុណ្ណោះ អាចប្រារព្ធពិធីរាប់ថយក្រោយទទួលឆ្នាំថ្មី ២០២១ គឺតំបន់លឿន និងតំបន់បៃតង ដោយអនុវត្តឲ្យបានត្រឹមត្រូវតាមផែនការរបស់ CCSA ខណៈតំបន់ទឹកក្រូច ការអនុញ្ញាតឲ្យរាប់ចំពិធីឆ្លងឆ្នាំគឺមានតំបន់ ឬឯតំបន់ក្រហមគឺហាមដាច់ខាត។
តាមការបញ្ជាក់ តំបន់ខេត្តស្ថិតក្នុងតំបន់ក្រហម មានតែខេត្តសាមុត សាខុន តែមួយគត់ ក៏ជាកន្លែងផ្ទុះរាតត្បាតជំងឺកូវីដ ១៩ ឡើងវិញ ខណៈតំបន់ទឹកក្រូច មានខេត្ត និងក្រុងដែលស្ថិតនៅជុំវិញខេត្តសាមុត សាខុន ដូចជា ក្រុងបាងកក ខេត្តសាមុតសុងក្រាន ខេត្តរាជាបុរី និងខេត្តណាខុនផាថុម៕
ប្រែសម្រួល៖ សុភា
ប្រភព៖ Bangkok Post
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង