ព័ត៌មានជាតិ

ប្រព័ន្ធលូបង្ហូរទឹក និងផ្លូវលែងជាបញ្ហាទៀតហើយ

បានផុស

៣ years មុន

នៅ

ថ្ងៃសុក្រ ២៥ ធ្នូ ២០២០

ដោយ

ក្រោយពីទទួលបានការសំណូមពរពីប្រជាពលរដ្ឋ អំពីបញ្ហាផ្លូវខូច ដោយសាររថយន្តធុនធំជាអ្នកបំ ផ្លាញ ឥឡូវរហូតមកដល់ពេលនេះ បញ្ហាផ្លូវខូចនោះ ត្រូវបានអាជ្ញាធររាជធានីភ្នំពេញ ស្ថាបនាជាផ្លូវបេតុងរួចរាល់ជាស្ថាពរហើយ ដោយឡែកប្រព័ន្ធលូបង្ហូរទឹក ក៏ត្រូវបានដោះស្រាយរួចរាល់ជាស្ថាពរផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋប្រាប់អោយដឹងថា ផ្លូវដែលត្រូវបានសាលារាជធានីភ្នំពេញ ស្ថាបនាជាផ្លូវបេតុងនេះ គឺស្ថិតនៅខាងក្រោយវត្ត ទួលសន្តិវ័ន ភូមិក្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធា នីភ្នំពេញ ប្រវែង២៧០ម៉ែត្រ ទំហំ៨ម៉ែត្រ កម្រាស់២តិក ឆ្អឹងដែក គឺជាគម្រោងស្ថាបនារបស់សាលារាជធានីភ្នំពេញ ។

ការស្ថាបនាផ្លូវបេតុងកាលពេលនោះ គឺមិនទាន់មានប្រព័ន្ធលូបង្ហូរទឹកនេះឡើយ ទើបតែពេលនេះ ឃើញអាជ្ញាធរដាក់ប្រពន្ធលូ ធ្វើអោយពួកគាត់សប្បាយចិត្តយ៉ាងខ្លាំង ។ ពីព្រោះថា តំបន់នេះ បើ ទោះ បីមានផ្លូវបេតុងល្អហើយក្តី ពេលភ្លៀងធ្លាក់មកម្តងៗតែងតែទឹកលិចផ្ទះពលរដ្ឋខ្លះៗផងដែរ ប៉ុ ន្តែពេលនេះ ពួកគាត់គិតថា លែងលំបាកទៀតហើយ ដោយបានប្រព័ន្ធលូថ្មីបែបនេះ ។

ប្រជាពលរដ្ឋរស់នៅតំបន់នោះប្រាប់បញ្ជាក់អោយដឹងថា ផ្លូវនេះពីដើមឡើយ គឺជាផ្លូវដីពេលភ្លៀងធ្លាក់មកម្តងៗលំបាកខ្លាំងណាស់ ទឹកលិចផង រអិលផង ប៉ុន្តែមកដល់បច្ចុប្បន្ននេះ ត្រូវបានអាជ្ញាធរស្ថាបនាជាផ្លូវបេតុង ហើយថែមទាំងមានប្រព័ន្ធបង្ហូរទឹកទៀត ដូច្នេះហើយដែលធ្វើអោយពួកគាត់មានការត្រេកអរសប្បាយចិត្តយ៉ាងខ្លាំង ៕

អត្ថបទ ៖ រ៉ាវុទ្ធ