ព័ត៍មានទាន់​ហេតុការណ៏
Search

មន្ទីរ​ប្រឆាំង​គ្រឿងញៀន​បង្ហាញមុខ​ជនសង្ស័យ​២​នាក់​ និង​គ្រឿងញៀន​ទម្ងន់​២០៣,៦០​ក្រាម​

 

ភ្នំពេញ ​៖ កាលពី​ព្រឹក​ថ្ងៃទី​២៩ ខែមេសា ឆ្នាំ​២០១៥​នេះ នៅ​មន្ទីរ​ប្រឆាំង​គ្រឿងញៀន នៃ​អគ្គ​ស្នង​កា​រ​ដ្ឋាន​នគរ​បាល​ជាតិ បាន​ធ្វើការ​បង្ហាញមុខ​ជនសង្ស័យ​២​នាក់ រួម​ទាំង​ថ្នាំញៀន​ទម្ងន់​២០៣,៦០​ក្រាម​។

លោក​វរសេនីយ៍ទោ អ៊ីង សុង បាន​ឲ្យ​ដឹង​ថា ជនសង្ស័យ​ទាំង​២​នាក់ ទី​១.​ឈ្មោះ Vitalis Enekwenchi John ភេទ​ប្រុស ជនជាតិ នីហ្សេរីយ៉ា កើត​ឆ្នាំ​១៩៨៥ ,​ទី​២.​ឈ្មោះ ហ៊ុយ ឈឿត ភេទ​ស្រី ជនជាតិខ្មែរ រួម​ទាំង​វត្ថុ​តាង​គ្រឿងញៀន​ប្រភេទ​មេ​តំ​ហ្វេ​តា​មីន​(​ម៉ា​ទឹកកក​) ទម្ងន់​២០៣,៦០​ក្រាម​ផង​ដែរ​។​

សូម​រំលឹក​ឲ្យ​ដឹងផង​ដែរ​ថា កាលពី​ថ្ងៃទី​២៨ ខែមេសា ឆ្នាំ​២០១៥ វេលា​ម៉ោង​២០​និង​១០​នាទី ជន​សង្ស័យ​០២​នាក់ បាន​ធ្វើ​សកម្មភាព​ពាក់ព័ន្ធ​គ្រឿងញៀន​នៅ​ចំណុច​ផ្លូវ​លេខ​៨៨ កែង​នឹង​ផ្លូវ​លេខ​៧៥ ស្ថិត​ក្នុង​សង្កាត់​ស្រះចក ខណ្ឌដូនពេញ ខណៈ​ជនសង្ស័យ​កំពុង​ធ្វើ​សកម្មភាព សមត្ថកិច្ច​ក៏​ឃាត់​ខ្លួន​ជាក់ស្ដែង និង​រឹបអូស​បាន​គ្រឿងញៀន ice ចំនួន​០២​កញ្ចប់​ធំ និង​សម្ភារៈ​មួយចំនួនទៀត ដែល​ប្រតិបត្តិការ​នេះ​ដឹកនាំ​ដោយ លោក អ៊ីង សុង នាយការិយាល័យ (​ក​១) នៃ​មន្ទីរ​ប្រឆាំង​គ្រឿង​ញៀន​អគ្គស្នងការ​នគរបាល​ជាតិ សហការ​ជាមួយ​លោក សៀង សុខ ព្រះរាជអាជ្ញា​រង​សាលាដំបូង​រាជធានី​ភ្នំពេញ​៕

រ៉ា​វុ​ទ្ធ​



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើរ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016​ 877 684