ព័ត៍មានទាន់​ហេតុការណ៏
Search
T-04-29-15-f-full

ប្រជាពលរដ្ឋ​នេ​ប៉ាល់​នាំគ្នា​អុជ​ភ្លើងទៀន ដើម្បី​រំឭក​ដល់​វិញ្ញាណក្ខន្ធ​ជនរងគ្រោះ​ដោយសារ​គ្រោះ​មហន្តរាយរ​ញ្ជ​យ​ដី

 

ប្រជាពលរដ្ឋ​រស់​នៅ​ក្នុង​ទីក្រុង​ក​ដ្ឋ​ម​ណ្ឌូ បាន​ធ្វើ​ពិធី​អុជ​ភ្លើងទៀន ដើម្បី​រំឭក​ដល់​វិញ្ញាណក្ខន្ធ អ្នក​ដែល​បាន​បាត់បង់​ជីវិត​របស់​ពួកគេ នៅក្នុង​មហា​សោកនាដកម្ម​គ្រោះមហន្តរាយ​រញ្ជួយ​ដី ដ៏​អាក្រក់​បំផុត​មិន​ធ្លាប់​ដែល​បាន​វាយប្រហារ​មក​លើ​ប្រទេស​នេ​ប៉ាល់ ក្នុង​រយៈពេល​៨១​ឆ្នាំ​កន្លងមក​នេះ។

យោង​តាម​អះអាង​ពី​ក្រសួងមហាផ្ទៃ​នេ​ប៉ាល់​បាន​ឲ្យ​ដឹង​ថា ចំនួន​មនុស្ស​សរុប​ជាង​៥​ពាន់ បាន​ស្លាប់ និង​ជាង​៩២៤០​នាក់​ផ្សេងទៀត បាន​រង​របួស។

ប៉ុន្តែ​នាយករដ្ឋមន្ត្រី​នេ​ប៉ាល់ បាន​ធ្វើការ​ក្រើន​រំឭក​ដែរ​ថា ចំនួន​អ្នក​ស្លាប់​អាច​នឹង​កើន​ឡើង​ដល់​១​ម៉ឺន​នាក់។

រយៈពេល​៣​ថ្ងៃ ក្រោយពី​គ្រោះ​រញ្ជួយ​ដី​កើតឡើង ប្រជាពលរដ្ឋ​រស់​នៅ​ក្នុង​ទីក្រុង​ក​ដ្ឋ​ម​ណ្ឌូ បាន​នាំ​គ្នា​ស្រុះស្រួល​គ្នា រៀបចំ​ពិធី​រំឭក​ដល់​វិញ្ញាណក្ខន្ធ​ជនរងគ្រោះ​ទាំងអស់។

អ្នកស្រុក​ម្នាក់​ឈ្មោះ​ស៊ូ​រី​ន​ឌឺ បាន​និយាយ​ថា ពួក​លោក​រៀបចំ​ពិធី​អុជ​ភ្លើងទៀន​នេះ ឡើង គឺ​ដើម្បី​អធិដ្ឋាន​ដល់​វិញ្ញាណក្ខន្ធ​អ្នក​ដែល​បាន​បាត់បង់​ជីវិត​របស់​ពួកគេ នៅក្នុង​មហា​សោកនាដកម្ម​រញ្ជួយ​ដី និង​បងប្រុស បងស្រី និង​អ្នកជិតខាង​របស់​ពួក​លោក។

ដោយឡែក ក្រុម​មន្ត្រី​នេ​ប៉ាល់ បាន​ទទួល​ស្គាល់​ថា ពួកគេ​មានការ​តក់ស្លុត​យ៉ាង​ខ្លាំង នឹង​ទំហំ​ខូចខាត​នៃ​គ្រោះមហន្តរាយ​លើក​នេះ។

ខណៈនោះ​ដែរ ជំនួយ​អន្តរជាតិ បាន​ចាប់​ផ្តើម​មកដល់​ប្រទេស​នេ​ប៉ាល់ ប៉ុន្តែ​ដំណើរការ​ជួយ​សង្គ្រោះ​ហាក់ដូច​នៅ​យឺតយ៉ាវ​នៅឡើយ ដោយសារ​ព្រលានយន្តហោះ​មួយចំនួន ត្រូវ​បិទ ចរាចរណ៍ ដែល​នេះ​បណ្តាល​មក​ពី​ផល​ប៉ះពាល់​នៃ​ការ​រញ្ជួយ​ដី៕



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684