ព័ត៍មានទាន់​ហេតុការណ៏
Search

សម្តេច​តេ​ជោ ៖ បេក្ខភាព​នាយករដ្ឋមន្ត្រី​អាណត្តិ​ទី​៦​នៅតែ​ជា ហ៊ុន សែន​

​ព្រះសីហនុៈ​នៅក្នុង​សង្កថា​នៅ​ខេត្ត​ព្រះសីហនុ កាលពី​ថ្ងៃទី​២៩​ខែមេសា ឆ្នាំ ២០១៥ សម្តេច​អគ្គមហាសេនាបតី​តេ​ជោ ហ៊ុន សែន បានបញ្ជាក់​យ៉ាងច្បាស់​ថា បេក្ខភាព​នាយករដ្ឋមន្ត្រី​សម្រាប់​អាណត្តិ​ទី ៦ របស់​គណបក្ស​ប្រជាជន​កម្ពុជា (CPP)​គឺ ហ៊ុន សែន អត់​មាន​អ្នកណា​មក​ជំនួស​ទេ ។​
​    ​នៅក្នុង​ពិធី​សម្ពោធ​រោងចក្រ​ចម្រាញ់​ប្រេងដូង​ទី​២ របស់​ក្រុមហ៊ុន  ម៉ុង ឫទ្ធី វិនិយោគទុន​ដំណាំ​ដូងប្រេង​កម្ពុជា​ដែលមាន​ទីតាំង​ក្នុងភូមិ​អន្លង់​ក្រពើ ឃុំ​ជើង គោ ស្រុក​ព្រៃនប់ ខេត្ត​ព្រះសីហនុ សម្ត​ច​តេ​ជោ​ថ្លែងថា CPP បានរួម​រស់នៅ​ជា មួយ​គ្នា​ជាង​៣៦​ឆ្នាំ​នៅក្នុង​អំណាច គេ​ចេះ​សាមគ្គី​គ្នា​ណាស់​គេ​មិន​ដណ្តើម​គ្នា​ទេ ។​ថ្ងៃនេះ​ខ្ញុំ​ចង់​ជូន​សារ​ឱ្យអស់​កុំឱ្យ​សង្ស័យ​ច្រើនពេក ព្រោះ​មាន​គេ​ដើរ​ខ្សិ​ប​ខ្សៀវ ថា លោក ហ៊ុន សែន ប្រហែល​មិន​ឈរឈ្មោះ​ជា​នាយករដ្ឋមន្ត្រី​ទៀត​ទេ ។​

​សម្តេច​តេ​ជោ​មានប្រសាសន៍ថា នៅ​ចុងខែ​មករា និង​ដើមខែ​កុម្ភៈ​ឆ្នាំនេះ CPP​បានធ្វើ​មហាសន្និបាត ហើយ​អត់​មាន​ដាក់​ក្នុង​សេចក្តីសម្រេច​លើ​បញ្ហា​បេ​ក្ខ ភាព​នាយករដ្ឋមន្ត្រី​ទេ ព្រោះ​រឿង​បេក្ខភាព​នាយករដ្ឋមន្ត្រី​វា​ជា​បញ្ហា​ហើយ​ស្រេច ដោយសារ​សេចក្តីសម្រេច​ចិត្ត​កាលពី​ពេលមុន និង​សេចក្តីថ្លែងការណ៍​សម្តេច ជា ស៊ីម និង​សម្តេច ហេង សំរិន តែងតែបាន​ប្រកាសថា គាំទ្រ​សម្តេច ហ៊ុន សែន ជា​បេក្ខភាព​នាយករដ្ឋមន្ត្រី​នៅ​អាណត្តិ​ទី​៥ និង​អាណត្តិ​បន្តបន្ទាប់​សូម​ស្តាប់​ឱ្យ បាន​ច្បាស់ ។ អញ្ចឹង​អាណត្តិ​ទី​៥​ក៏ ហ៊ុន សែន កំពុង​ធ្វើ ហើយ​អាណត្តិ​ទី​៦​ក៏ ហ៊ុន សែន នឹង​ឈ្នះ​ទៀត CPP នឹង​ឈ្នះ​ទៀត ព្រោះ​ឈ្នះ​ទៅ​វា​សុខ​ទាំងអស់ គ្នា​អញ្ចឹង ។ ខ្ញុំ​ក៏​ប្រាប់ឱ្យដឹង​ថែមទៀត​ផង​ថា យើង​បន់ស្រន់​ឱ្យ​សម្តេច ជា ស៊ីម មាន​អាយុ​យឺនយូរ បើទោះបីជា​គាត់​មិនអាច​ធ្វើការ​បាន​គ្រប់គ្រាន់ ក៏ប៉ុន្តែ​គាត់​នៅ តែ​ជា​ប្រធាន​គណបក្ស​ប្រជាជន និង​នៅ​ជា​ប្រធានព្រឹទ្ធសភា​ជា​រៀងរហូត ក្នុង ករណី​ដែល​គាត់​មរណកាល អ្នក​ដែល​ធ្វើជា​ប្រធាន​បក្ស​គឺ ហ៊ុន សែន បេក្ខជន មាន​ស្រាប់​ហើយ​គ្រាន់តែ​ចាំ​បោះឆ្នោត​ប៉ុណ្ណឹង ហើយ​អ្នក​ដែល​ធ្វើ​ប្រធាន​ព្រឹទ្ធ សភា​គឺ​ឯកឧត្តម សាយ ឈុំ ខ្ញុំ​ប្រាប់ឱ្យដឹង​ឱ្យ​ហើយ​ទៅ ខាង CPP គេ​អត់​ចេះ​ខាំ គ្នា​ដណ្តើម​អំណាច​ទេ ហើយក៏​មិនចាំបាច់​ធ្វើបាតុកម្ម​ដេញ​គ្នា​ដែរ សូម​ស្គាល់ CPP ឱ្យ​ច្បាស់​ទើប​ល្អ ហើយ​កុំ​រង់ចាំ​ការបែកបាក់​ក្នុង CPP ហើយ​ខ្ញុំ​គ្មាន​ទម្លាប់ រត់ចោល​ប្រជាជន គ្មាន​ទម្លាប់​រត់​បក្ស ដូរ​បក្ស​ពី​កន្លែង​មួយ​ទៅ​កន្លែង​មួយ​ទេ ។ សូម​សមាជិក​គណបក្ស​ប្រជាជន និង​អ្នកគាំទ្រ​គណបក្ស​ប្រជាជន និង​គាំទ្រ​រូប ខ្ញុំ​ហ្នឹង​នរ​ចិត្ត​ថា ហ៊ុន សែន ជា បេក្ខភាព​នាយករដ្ឋមន្ត្រី​នៅ​ឆ្នាំ​២០១៨ ជា​បន្ត ទៀត ហើយ​មិនមាន​ការចាំបាច់​ដាក់​ក្នុង​សេច​ក្កី​ស​ម្រ​ច​ណា​ទេ​។

នៅក្នុង​សេចក្តីថ្លែងការណ៍​នយោបាយ​ដ៏​ជ្រាលជ្រៅ​នោះ សម្តេច​តេ​ជោ បាន​ស្នើឱ្យ​អ្នកសារព័ត៌មាន​ដកស្រង់​សម្តី​របស់​សម្តេច​ឱ្យបាន​ត្រឹមត្រូវ ប្រកប ដោយ​វិជ្ជាជីវៈ និង​បាន​រំឭក​អំពី​ប្រសាសន៍​របស់​សម្តេច​នៅ​ខេត្តសៀមរាប ក្នុង ព្រឹត្តិ​កាណ៍​អង្គរ​សង្ក្រាន្ត និង​នៅក្នុង​ប្រទេស​ម៉ាឡេស៊ី​ផងដែរ ។​
​សម្តេច​តេ​ជោ​មានប្រសាសន៍ថា នៅពេល​ហ្នឹង​ខ្ញុំ​បាន​និយាយថា កុំឱ្យ​មាន ការ​សងសឹក​ឧទាហរណ៍ ឥឡូវ​គេ​យក​បញ្ហា​ឧទាហរណ៍​មក​ធ្វើ​អត្ថាធិប្បាយ ។ ឧទាហរណ៍​ថ្ងៃ​ហ្នឹង​ខ្ញុំ​ធ្វើជា​នាយករដ្ឋមន្ត្រី អ្នក​ទាំងអស់គ្នា​នៅ​សុខ​សប្បាយ ប៉ុន្តែ ថ្ងៃក្រោយ​បែរជា​ឯកឧត្តម សម រង្ស៊ី ធ្វើ​នាយករដ្ឋមន្ត្រី ឯកឧត្តម​ធ្វើបាប​ខ្ញុំ​កម្លាំង វាយបក​នឹង​ធំ​ណាស់ នេះ​សូម​ប្រើ​អត្ថន័យ​នេះ​ឱ្យ​ច្បាស់ ។ នៅក្នុង​ភ្នំពេញ​ប៉ុស្តិ៍ ដាក់ថា លោក ហ៊ុន សែន ថា​សូមកុំ​ធ្វើបាប​លោក នៅពេល​លោក​ឈប់​ធ្វើ នាយករដ្ឋមន្ត្រី ប៉ុន្តែ​នៅក្នុង​ភាសា​អង់គ្លេស​គេ​សរសេរ​មានន័យថា នាយក​រដ្ឋ មន្ត្រី​ទទួលស្គាល់ ថា CPP នឹង​ចាញ់ បន្ថែម​ជាមួយ​នោះ​ឯកឧត្តម កឹម សុខា គាត់​ទៅ​ផ្ញើ​សារ​ពី តាកែវ​ថា បើ​គណបក្ស​សង្គ្រោះ​ជាតិ​ឈ្នះ គាត់​អត់​សងសឹក​ទេ បន្ថែម​ដោយ សង្គ្រាមចិត្តសាស្ត្រ​ថា CPP ត្រៀម​ចាញ់ហើយ រហូតដល់​ថា នាយករដ្ឋមន្ត្រី ហ៊ុន សែន នឹងមិន​ឈរឈ្មោះ​តទៅទៀត​ទេ ហើយ​រឿង​កាន់ តែ​គ្រោះថ្នាក់​ទៅទៀត គឺ​គ្រោះថ្នាក់​សម្រាប់​ឯកឧត្តម សម រង្ស៊ី ព្រោះ​នៅក្នុង​ភ្នំ ពេញ​ប៉ុស្តិ៍​ដដែល កាលពី​ថ្ងៃទី​២៨ ខែមេសា​បានដាក់​ថា លោក សម រង្ស៊ី បង្ហាញ ជំហរ​ហាក់ដូចជា​ចង់​ចូល រួម​ក្នុង​រដ្ឋាភិបាលចម្រុះ វា​ទៅ​ស្លាប់​ឯ សម រង្ស៊ី ទៅទៀត ។ ឯកឧត្តម សម រង្ស៊ី គាត់​មិនដែល​បង្ហាញ អំពី​បំណង​ចូលរួម​រដ្ឋា ភិ​បាលច​ម្រុះ​ទេ ឯខ្ញុំ​ក៏​អត់​ត្រូវការ​អ្នកណា​មក​ធ្វើជា​ដៃគូ​ជា​រដ្ឋាភិបាលចម្រុះ​ដែរ ។ ខ្ញុំ​ក៏បាន​ប្រាប់​ឯកឧត្តម សម រង្ស៊ី សម្តី​ឯកឧត្តម កឹម សុខា នៅឯ​កំពង់ឆ្នាំង​គឺ មិនល្អ​ទេ នៅ​ប្រើពាក្យ​កុ​ម្មុយ​និ​ស្ត​ផ្តាច់ការ​នៅឡើយ​ទេ ហើយ​ចំណុច​នេះ​ត្រូវ​ចាំ ។ សូម​ចាក់​ឡើងវិញ​នូវ​សម្តី ហ៊ុន សែន នៅឯ​អង្គរ​សង្ក្រាន្ត​ថា ក្រុមបាល់ទាត់ ១១​នាក់​ត្រូវ​ទាត់​ទាំង​១១​នាក់ មិនអាច​ទាត់​តែ​៩​នាក់ ទុក​២​នាក់​ឱ្យ​ទាត់​ជើង គេ ទេ ។ ខ្ញុំ​ចង់​ផ្ញើ​សារ​ទៅ​ឯកឧត្តម សម រង្ស៊ី ថា ខ្ញុំ​ចង់​និយាយថា កុំ​ទុក កឹម សុខា ទាត់​ជើង​ខ្ញុំ ។

ច្បាស់​ណាស់​អ្នកធ្វើនយោបាយ ត្រូវ​ចេះ​វិភាគ​នយោបាយ យើង ចង់បង្ហាញ​វប្បធម៌​សន្ទនា ហើយ​ខ្ញុំ​បាន​និយាយទៀតថា ប្រជាធិបតេយ្យ​មិនមែន ទាល់តែ​ជេរ​គ្នា​ទើប​ហៅថា ប្រជាធិបតេយ្យ​នោះទេ មិនមែន​បានមកពី​ប្រទូស្ត រាយ ឬ​អរិយ​ភាព​ទើង​ហៅថា​ប្រជាធិបតេយ្យ​នោះទេ ។ ដូច្នេះ​ឥឡូវនេះ ឯកឧត្តម សម រង្ស៊ី ត្រូវ​ជ្រើសរើស​តើ​បន្ត វប្បធម៌​សន្ទនា ឬ​យើង​ត្រូវ​ប្រឈមមុខ​ដាក់គ្នា អរិយ​ភាព​ដាក់គ្នា ប៉ុន្តែ​យោងតាម​ឯកឧត្តម សម រង្ស៊ី និង​លោកជំទាវ​គាត់​ប្តូរ ផ្តាច់​ណាស់​ជាមួយ​ខ្ញុំ​លើ​វប្បធម៌​សន្ទនា ។ ខ្ញុំ​ក៏បាន​រៀបរាប់​ប្រាប់​គាត់​អំពី​ការ លំបាក ការងាយស្រួល​ហើយក៏​បាន​ពិគ្រោះគ្នា​លើ​នយោបាយ​ក្នុង និង​ក្រៅ​ប្រ ទេស និង​បញ្ហា​ទាក់ទង​នឹង​វិស័យ ការពារជាតិ​ផងដែរ ។ អ្វីដែល​ខ្ញុំ​ចង់​កត់ សម្គាល់​គឺ​សូមឱ្យ​បញ្ចប់ទៅ​នូវ​នយោបាយ​ទឹក​ឡើង​ត្រី​ស៊ី​ស្រមោច ទឹក​ហោច ស្រមោច​ស៊ី​ត្រី ព្រោះ​រឿងនេះ​វា​បាន​កើតឡើង​ច្រំ​ដែល​នៅក្នុង​ប្រវត្តិសាស្ត្រ កម្ពុជា ។
​    ​សម្តេច​តេ​ជោ​ប្រាប់​ប្រជាពលរដ្ឋ​ថា នៅ​ថ្ងៃទី​៩​ខែមេសា ឆ្នាំ​២០១៥ ខ្ញុំ​ដើរ ទៅ​ចូលប្រជុំ​សភា ដើម្បី​បោះឆ្នោត​ជ្រើសរើស​គណៈកម្មាធិការ​ជាតិ​រៀបចំ​ការ បោះឆ្នោត ឯកឧត្តម កឹម សុខា គាត់​មក​ចាប់ដៃ​ខ្ញុំ ខ្ញុំ​បាន​សួរថា មើល​ឯកឧត្តម កឹម សុខា ឯកឧត្តម​និយាយថា ត្រូវតែ​ចុះបើ​មិន​ចុះ​ដាក់​ជណ្តើរ​ឱ្យ​ចុះ ហើយ​បើ ដាក់​ជណ្តើរ​មិន​ចុះ​ទេ អង្រួន​ឱ្យ​ចុះ ឯកឧត្តម​ចង់​និយាយថា​ម៉េច​ហ្នឹង​? ឯកឧត្តម កឹម សុខា គាត់​ឆ្លើយ​មក​ខ្ញុំ​វិញ​ថា ខ្ញុំ​តែង​បិទ​កន្ទុយ​ជានិច្ច​ពាក្យ​អហិង្សា ។ អូ អង្រួន​ឱ្យគេ​ចុះ​ហ្នឹង​អហិង្សា​ឬ ? ខ្ញុំ​បាន​និយាយថា វា​គ្រាន់តែ​ជា​ពាក្យដោះសារ របស់​ឯកឧត្តម​ទេ ប៉ុន្តែ​ខ្ញុំ​បាន​បន្ថែមថា សំណាង​ហើយ​ឯកឧត្តម ដែល​ឯកឧត្តម មិន​ធ្វើ បើ​ឯកឧត្តម​ធ្វើ​ពេលនេះ​ជា​បុណ្យខួប​ខ្មោច​ឯកឧត្តម​ទេ ហើយ​ថ្ងៃក្រោយ ឯកឧត្តម​កុំភ្លេចថា គេ​វាយ​ពស់​គេ​អត់​វាត​កន្ទុយ និង​ពាក់កណ្តាល​ខ្នង​ទេ គេ​វាយ ក្បាល ថ្ងៃ​ក្រោយពេល​មានការ​គេ​ទៅ​វាយ​ដល់ផ្ទះ ។ សម្តេច ហេង សំរិន ក៏​នៅ​ទី នោះ​គាត់​ក៏​ឮ ខ្ញុំ​ប្រាប់​ឱ្យ​បានឮ​ពេញ​ប្រទេស​តែម្តង រឿង​អី​មក​ទុកឱ្យ​អ្នកឯង​មក ផ្តួល​រដ្ឋាភិបាល​ស្របច្បាប់​លេងៗ ។
​    ​សម្តេច​មានប្រសាសន៍ថា ឥឡូវនេះ​ខ្ញុំ​សូម​ផ្តាំ​ទៅ​ឯកឧត្តម សម រង្ស៊ី ថា ខ្ញុំ​នឹង​រាំ​តាម​ចង្វាក់ភ្លេង បើ​អ្នកឯង​ស្ល៊ូ​ខ្ញុំ​ក៏​ស្ល៊ូ អ្នកឯង​ម៉ា​ឌឺ​ហ្សន ខ្ញុំ​ក៏​ម៉ា​ឌី​ហ្សន អ្នក ឯង​ចង់​រាំក្បាច់ ចង់​រាំវង់ សា​រ៉ា​វ៉ាន់​ក៏​សា​រ៉ា​វ៉ាន់ បើ​ចង់​រាំ​ញាក់​ក៏​ញាក់ ខ្ញុំ​ជូន​តាម សំណើ​ទាំងអស់ ។ ខ្ញុំ​ត្រូវការ​វប្បធម៌​សន្ទនា​នេះ​ជាមួយ​ឯក ឧ​ត្ត​ម សម រង្ស៊ី ខ្ញុំ​បានស្នើ​ការគាំទ្រ​រឿងនេះ ហើយ CPP បានចេញ​សារាចរ​ណែ​នាំទៅ​មូលដ្ឋាន អស់ហើយ ប៉ុន្តែ​សង្គ្រោះ​ជាតិ​បានចេញ​ហើយ​ឬ​នៅ​។​
​    ​សម្តេច​តេ​ជោ​បាន​មានប្រសាសន៍​ដែរ​ថា នៅ​កម្ពុជា​មិនចាំបាច់​មានការ​កំ ណ​ត់​អាណត្តិ​នាយករដ្ឋមន្ត្រី ហើយក៏​មិនចាំបាច់​មានការ​និយាយ​ពី​បញ្ហា​ច្បាប់ ការពារ​អ្នក​ជាន់មុន​ដែរ ។ សម្តេច​ក៏បាន​ថ្លែង​ដែរ​ថា សេចក្តីថ្លែងការណ៍​នេះ​គឺជា សារ​ដើម្បី​បង្ហាញ​ពី​ភាពស្មោះត្រង់ ការគោរព​គ្នា និង​ចេះ​ផ្តល់​តម្លៃ​ឱ្យ​គ្នា ទើប​ខ្ញុំ សម្រេចចិត្ត​ផ្តល់​សារ​នេះ​ជូន​លើកកម្ពស់​ឯកឧត្តម សម រង្ស៊ី លើ​បញ្ហា​វប្បធម៌ សន្ទនា ដែល​យើង​ត្រូវធ្វើ​រួមគ្នា ហើយ​សង្ឃឹមថា ឯកឧត្តម​នឹង​អប់រំ​ផ្ទៃក្នុង​បក្ស ដើម្បី​ជោគជ័យ​នៃ​វប្បធម៌​សន្ទនា ដូចដែល​គណបក្ស​ប្រជាជន​បានធ្វើ​នោះ ។ ខ្ញុំ នឹង​ផ្តល់​ជានិច្ច​ទោះ​តាមផ្លូវ​ណា​ក៏បាន តើ​ចង់​វប្បធម៌​សន្ទនា​ឬ​ចង់​វប្បធម៌​អរិយ ភាព​ឬ​ការ​ប្រទូស្ត​រាយ ។ ការ​ជឿនលឿន​មិនមែន​បានមក​តាម​ការ​ជេរ​គ្នា ការ​វាយ ប្រហារ​គ្នា​ទេ ក៏ប៉ុន្តែ​ពិតជា​បានមកពី​ការ​សាមគ្គី​រួបរួម​ជាតិ ដើម្បី​ជាតិ​យើង​ខ្លាំង នោះ​៕​ស្នាយ​ពល​



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684