ព័ត៌មានជាតិ
ចង់ដឹងទេ តើឆ្នាំ២០២០ទូតខ្មែរនៅថៃ បានជួយអ្វីខ្លះដល់ពលរដ្ឋខ្មែរ និងពលករស្នាក់នៅប្រទេសថៃ?
ទោះបីជាមានការប្រឈមនឹងការរាតត្បាតជំងឺកូវីដ១៩ នៅប្រទេសថៃ ក៏ដោយក៏នៅឆ្នាំ២០២០ស្ថានទូតខ្មែរប្រចាំនៅប្រទេសថៃ បានជួយសម្របសម្រួលនិងជួយដោះស្រាយបញ្ហាជាច្រើនដល់ប្រជាពលរដ្ឋនិងពលករខ្មែរ កំពុងស្នាក់នៅនិងធ្វើការនៅប្រទេសថៃ។
យោងតាមរបាយការណ៍បានឲ្យដឹងថា នៅឆ្នាំ២០២០នេះ ស្ថានទួតថៃ បានចេញលិខិតស្នើសុំសុពលភាពស្នាក់របស់ពលករខ្មែរ នៅប្រទេសថៃបានចំនួន១៩៥៦នាក់ ដើម្បីឲ្យពួកគេអាចបន្តស្នាក់នៅនិងធ្វើការនៅប្រទេសថៃដោយស្រច្បាប់។ ក្រៅពីនេះ ស្ថានទួតបានចេញលិខិតបញ្ជាក់បុគ្គលតែមួយដល់ប្រជាពលរដ្ឋខ្មែរចំនួន២០២៥នាក់ លិខិតធ្វើដំណើរបណ្ដោះអាសន្ន១២២៨នាក់លិខិតបញ្ជាក់ទំនាក់ទំនងកូន១៥ឆ្នាំ៩៧២នាក់ បញ្ជាក់នីត្យានុកូលកម្មលើឯកសារចំនួន៥១៥នាក់និងលិខិតនាំសពពលរដ្ឋខ្មែរចំនួន១១៦នាក់។ លើសពីនេះ ឆ្នាំ២០២០នេះដែរ ស្ថានទូតបានខិតខំប្រឹងប្រែងផ្តល់សេវាផ្លូវច្បាប់ជូនប្រជាពលរដ្ឋខ្មែរគ្រប់ស្រទាប់វណ្ណៈ ដោយមិនប្រកាន់និន្នាការនយោបាយ ដើម្បីការពារ និងលើកស្ទួយសិទ្ធិពលរដ្ឋកម្ពុជានៅបរទេស។ ក្នុងនោះបានជួយសម្របសម្រួលដល់អ្នកជំងឺខ្មែរ សម្រាប់ចូលមកប្រទេសថៃ ក្នុងអំឡុងមានការរាតត្បាតជំងឺកូវីដ១៩ចំនួន២៣ករណីសរុប៧៣៣នាក់។
សម្រួលដល់ការធ្វើមាតុភូមិនិវត្តន៍មន្ត្រីការទួត សិក្ខាកាមយោធានិស្សិត បុគ្គលិកបម្រើការងារនិងអ្នកជំងឺចំនួន២៨ករណីសរុបចំនួន១៧៥នាក់និងជួយសម្រួលដល់អ្នកជំងឺខ្មែរ ដែលមិនមានលទ្ធភាព ក្នុងការបង់ថ្លៃសេវាព្យាបាលបានចំនួន១១១ករណី ដែលមានទឹកប្រាក់ចំនួន២៨៥,០៤៨.៩៣ដុល្លារអាមេរិក។
ជាមួយគ្នានេះ ស្ថានទួតក៏បានចុះសួរសុខទុក្ខ និងជួយបងប្អូនពលករខ្មែរដែលជួបប្រទះបញ្ហាខ្វះខាតនៅតាមបណ្តាខេត្តមួយចំនួន ព្រមទាំងបានរៀបចំកម្មវិធីប្រកួតកីឡាបាល់ទាត់ពានរង្វាន់ខេមបូដាខាប់លើកទី១ ផងដែរ។ ក្នុងនោះមានចែកស្បៀងអាហារដល់ពលករក្នុងអំឡុងពេលជំងឺកូវីដ១៩ចំនួន១៣២៧៥នាក់ ដោះស្រាយនិងផ្តល់យោបល់តាមទូរស័ព្ទ២៦៨៣នាក់ ករណីពលករមានវិវាទការងារជាមួយនិយោជក៩៥៩នាក់ ចុះសំណេះសំណាលនិងសាកសួរសុខទុក្ខជាមួយពលករ៧០០នាក់ និងរៀបចំកម្មវិធីបាល់ទាត់ដល់បងប្អូនពលករក្នុងប្រទេសថៃខេត្តឆាក់ឈើងសាវនិងសមុត្រប្រាកាន៥០០នាក់ និងអប់រំពលករមកទទួលសេវានៅស្ថានទួត១១០នាក់៕
អត្ថបទ៖ សំអឿន
សូមចុចអាន៖ រដ្ឋមន្រ្តី ចុះពិនិត្យបន្ទាន់ ក្រោយរកឃើញពលករខ្មែរ មកពីថៃ ឆ្លងកូវីដ-១៩ ច្រើន
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ