ព័ត៌មានជាតិ
សាលារៀនជិត៧០ហើយត្រូវបានប្រើប្រាស់ជាមណ្ឌលចត្តាឡីស័ក
ភ្នំពេញ ៖ រហូតមកដល់ពេលនេះមានសាលារៀនចំនួន៦៧ហើយត្រូវបានប្រើប្រាស់ជាមណ្ឌលចត្តាឡីស័កពិសេសសាលារៀននៅតាមបណ្តាខេត្តជាប់ព្រំដែនដូចជាខេត្តឧត្តរមានជ័យ បន្ទាយមានជ័យ និងបាត់ដំបងដោយសារពលករខ្មែរមកពីថៃមានចំនួនកាន់តែច្រើនឡើងៗពីមួយថ្ងៃទៅមួយថ្ងៃ។
លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រី ក្រសួងអប់រំ យុវជន និងកីឡាបានមានប្រសាសន៍ក្នុងកិច្ចប្រជុំពិភាក្សាអំពីវិធានការសម្រាប់គ្រឹះស្ថានសិក្សា ដែលត្រូវបានប្រើប្រាស់ជាមណ្ឌលចត្តាឡីស័កឲ្យដឹងថា ដោយសារចំនួនពលករមកពីថៃច្រើនតម្រូវឲ្យអាជ្ញាធរខេត្តជាប់ព្រំដែនយកសាលារៀនមួយចំនួនធ្វើជាមណ្ឌលចត្តាឡីស័ករយៈពេល១៤ថ្ងៃ។
លោករដ្ឋមន្ត្រីបានបន្តថា រហូតមកដល់ពេលនេះមានសាលាចំនួន៦៧ហើយដែលក្រសួងអប់រំបានប្រគល់ឲ្យក្រសួងសុខាភិបាលសម្រាប់ធ្វើចត្តាឡីស័ក ដែលភាគច្រើននៅខេត្តជាប់ព្រំដែនដូចជាខេត្តឧត្តរមានជ័យ បន្ទាយមានជ័យ និងបាត់ដំបង។
លោករដ្ឋមន្ត្រីបានបញ្ជាក់ថា កិច្ចប្រជុំនោះបានលើកឡើងអំពីវិធានការមួយចំនួន សម្រាប់គ្រឹះស្ថានសិក្សា ដែលត្រូវបានប្រើប្រាស់ជាមណ្ឌលចត្តាឡីស័កដូចជា១.ការពិនិត្យនិងប្រមូលផ្តុំគ្រឹះស្ថានសិក្សាជាមណ្ឌលចត្តាឡីស័ក ដើម្បីផ្តល់លទ្ធភាពឱ្យសិស្សបានចូលរៀន។ ២.ខេត្តដែលរងផលប៉ះពាល់ត្រូវសិក្សានិងលើកសំណើជូនក្រសួងអប់រំ យុវជន និងកីឡាពិនិត្យដោះស្រាយ។ ៣.ក្រសួងនឹងចុះរៀបចំបណ្ណាល័យឌីជីថល ឬមជ្ឈមណ្ឌលឌីជីថល នៅតាមគ្រឹះស្ថានសិក្សាដែលមានសក្តានុពល ដូចជា វិទ្យាល័យធនធាន វិទ្យាល័យដែលមានបរិស្ថានស្អាត ៤.ក្រសួងនឹងផ្តល់សៀវភៅសរសេរ សៀវភៅសិក្សាគោល បរិក្ខារអនាម័យ ឧបករណ៍អេឡិចត្រូនិក ថាសទូរទស្សន៍ ឯកសារនិងមេរៀនឌីជីថល ឯកសារមេរៀនផ្សេងទៀត ដល់គ្រឹះស្ថានសិក្សាមួយចំនួនជាមួយគ្នានេះ។
លោករដ្ឋមន្ត្រីបានស្នើឲ្យគណៈអភិបាលខេត្ត ក្រុង ស្រុក ឃុំ ភូមិ ជួយចាត់វិធានការបន្ថែមក្នុងការគ្រប់គ្រង និងតាមដានជនចំណូលស្រុកផងដែរ៕
ដោយ ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ