Connect with us

ព័ត៌មានអន្ដរជាតិ

ចិននិងអាមេរិក ឈ្លោះគ្នានៅ WHO រឿងបេសកកម្មរកប្រភពដើមកូវីដក្នុងទីក្រុង អ៊ូហាន

បានផុស

នៅ

នៅថ្ងៃអង្គារទី១៩ខែមករានេះ សហរដ្ឋអាមេរិកបានអំពាវនាវដល់ប្រទេសចិន អនុញ្ញាតឲ្យក្រុមអ្នកជំនាញមកពីអង្គការសុខភាពពិភពលោកធ្វើការសម្ភាសន៍គ្រូពេទ្យ, អតីតអ្នកជំងឺនិងអ្នកធ្វើការនៅមន្ទីរពិសោធន៍ក្នុងទីក្រុងអ៊ូហាន ភាគកណ្តាល ដែលការអំពាវនាវនេះបាននាំឲ្យមានការស្តីបន្ទោសយ៉ាងខ្លាំងពីទីក្រុងប៉េកាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកជំនាញឯករាជ្យដឹកនាំដោយ WHO ដែលព្យាយាមកំណត់ប្រភពដើមនៃជំងឺកូវីដ១៩ បានទៅដល់ទីក្រុងអ៊ូហានកាលពីថ្ងៃទី១៤ខែមករា។ នៅទីនោះ ពួកគេកំពុងធ្វើកិច្ចសន្ទនាតាមប្រព័ន្ធទូរគមនាគមន៍ជាមួយសមភាគីចិន ក្នុងអំឡុងពេលធ្វើចត្តាឡីស័ករយៈពេល២សប្តាហ៍មុនពេលចាប់ផ្តើមការងារ។

សហរដ្ឋអាមេរិកដែលចោទប្រកាន់ប្រទេសចិនថាបានលាក់បាំងវិសាលភាពនៃការផ្ទុះដំបូង បានអំពាវនាវឲ្យមានការស៊ើបអង្កេតដឹកនាំដោយ WHO ប្រកបដោយតម្លាភាពនិងបានរិះគន់លក្ខខណ្ឌនៃដំណើរនេះ។

លោក Garrett Grigsby នៃនាយកដ្ឋានសុខភាពនិងសេវាមនុស្ស ដែលជាប្រធានគណៈប្រតិភូសហរដ្ឋអាមេរិកបាននិយាយថា ប្រទេសចិនគួរតែចែករំលែករាល់ការសិក្សាវិទ្យាសាស្ត្រទៅលើសំណាកសត្វ មនុស្សនិងបរិស្ថានដែលយកចេញពីទីផ្សារមួយនៅទីក្រុង អ៊ូហាន ដែលជាកន្លែងវីរុស SARS-CoV-2 ត្រូវបានគេជឿថា លេចចេញកាលពីចុងឆ្នាំ២០១៩។

លោកបានប្រាប់ក្រុមប្រឹក្សាប្រតិបត្តិរបស់ WHO ថា ការវិភាគប្រៀបធៀបនៃទិន្នន័យហ្សែនបែបនេះ អាចជួយរកមើលភាពត្រួតស៊ីគ្នានិងប្រភពសក្តានុពលនៃការផ្ទុះឡើងដែលបង្កឲ្យមានជំងឺរាតត្បាតកូវីដ១៩។

ទោះបីជាយ៉ាងណាក៏ដោយ លោក Sun Yang អគ្គនាយកការិយាល័យឆ្លើយតបបន្ទាន់ផ្នែកសុខភាព នៃគណៈកម្មាធិការសុខាភិបាលជាតិចិន បានប្រាប់ក្រុមប្រឹក្សាភិបាលថា “ការសិក្សាពីប្រភពដើមនៃវីរុសនេះគឺមានលក្ខណៈវិទ្យាសាស្ត្រ។ វាត្រូវការការសម្របសម្រួលនិងកិច្ចសហប្រតិបត្តិការ។ យើងត្រូវតែបញ្ឈប់រាល់សម្ពាធនយោបាយ”។

ស្របពេលជាមួយគ្នានោះ គណៈប្រតិភូអូស្រ្តាលីក៏បានអំពាវនាវផងដែរដល់ក្រុមការងាររបស់ WHO​ ឲ្យមានសិទ្ធិទទួលបានព័ត៌មានពាក់ព័ន្ធនិងទីតាំងសំខាន់ៗ។

ប្រធានផ្នែកគ្រាអាសន្នរបស់ WHO លោក Mike Ryan បានប្រាប់អ្នកយកព័ត៌មានកាលពីថ្ងៃសុក្រថា “មិនមានការធានាចំពោះចម្លើយទេ។ វាជាកិច្ចការដ៏លំបាកមួយក្នុងការរកឲ្យឃើញដើមកំណើតឲ្យបានច្បាស់”៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ក្រុមស៊ើបអង្កេតកូវីដរបស់ WHO មកដល់ទីក្រុង អ៊ូហាន ហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣៤ នាទី មុន

មហាសេដ្ឋីអូស្ត្រាលីម្នាក់ ប្រកាសគម្រោង ធ្វើឱ្យកប៉ាល់ទីតានិករស់ឡើងវិញ

ព័ត៌មានអន្ដរជាតិ៤៥ នាទី មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៣ ម៉ោង មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ៥ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៦ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម