ព័ត៌មានជាតិ

ករណីបាញ់សម្លាប់ជនជាតិចិនកក្រើកនៅព្រះសីហនុ សមត្ថកិច្ចឃាត់ខ្លួនជនសង្ស័យ៣នាក់

បានផុស

៣ years មុន

នៅ

ថ្ងៃសុក្រ ២២ មករា ២០២១

ដោយ

ភ្នំពេញ ៖ សមត្ថកិច្ចបានធ្វើការឃាត់ខ្លួនជនសង្ស័យចំនួន៣នាក់ជាបន្តបន្ទាប់ ករណីបាញ់សម្លាប់ជនជាតិចិននៅខេត្តព្រះសីហនុបង្កឲ្យមានការភ្ញាក់ផ្អើលក្រើកពេញខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានបានឲ្យដឹងថា កាលពីថ្ងៃទី២១ ខែមករា ឆ្នាំ២០២១ សមត្ថកិច្ចបានធ្វើការស្រាវជ្រាវរហូតឈានដល់ចាប់ខ្លួនជនសង្ស័យ៣នាក់ ជាបន្តបន្ទាប់ និងកំពុងវែកមុខបក្ខពួកមួយចំនួនទៀតដើម្បីចាត់វិធានការតាមនីតិវិធីច្បាប់។

ប្រភពដដែលបានឲ្យដឹងថា ក្រៅពីការឃាត់ខ្លួនមនុស្សបីនាក់ សមត្ថកិច្ចបានរកឃើញរថយន្តដែលជិះធ្វើសកម្មភាពចំនួនពីរគ្រឿង និងថ្នាំញៀនមួយចំនួនថែមទៀតផង។

មន្ត្រីជាន់ខ្ពស់អគ្គស្នងការដ្ឋាននគរបាលជាតិបានឲ្យដឹងនៅរសៀលថ្ងៃទី២២ ខែមករា នេះថា រហូតមកដល់ពេលនេះ សមត្ថកិច្ចបានចាប់ខ្លួនជនសង្ស័យបានចំនួនបីនាក់ និងបន្តតាមចាប់ខ្លួនបក្ខពួកមួយចំនួនដែលពាក់ព័ន្ធក្នុងអំពើបាញ់សម្លាប់ជនជាតិចិននៅក្នុងរថយន្តកាលពីព្រឹកថ្ងៃទី២១ ខែមករា ឆ្នាំ២០២១។ ក្រៅពីនេះសមត្ថកិច្ចបានរកឃើញរថយន្តចំនួនពីរដែលធ្វើសកម្មភាពជិះដេញបាញ់ជនរងគ្រោះ និងជិះបិទគូថពីក្រោយ រួមទាំងគ្រឿងញៀនមួយចំនួនផងដែរ។