ព័ត៍មានទាន់​ហេតុការណ៏
Search
20150503050924

ករណី​លោក​ ​រ៉ុង ឈុន​ ​គណៈកម្មាធិការ​ជាតិ​រៀបចំ​ការបោះឆ្នោត​នឹង​កោះ​ប្រជុំ​សមាជិក​នៅ​ព្រឹក​ថ្ងៃ​ទី​៤​ ខែ​ឧសភា

ភ្នំពេញ ​៖ ​ប្រធាន​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​)​លោក ស៊ិ​ក ប៊ុន​ហុក បាន​អះអាង​ថា​ ​ករណី​លោក​ ​រ៉ុង ឈុន​ ​សមាជិក​គ​.​ជ​.​ប ដែល​បាន​ទៅ​ចូលរួម​ចូលរួម​ទិវា​ពលកម្ម​អន្តរជាតិ​នោះ នឹង​ត្រូវ​គ​.​ជ​.​ប​  ​កោះ​ប្រជុំ​នៅ​ថ្ងៃ​ទី​០៤ ខែ​ឧសភា ឆ្នាំ​២០១៥ វេលា​ម៉ោង​៩ ព្រឹក​​​  ​ដើម្បី​ពិភាក្សា​ពី​ករណី​លោក រ៉ុង ឈុន ថា​តើ​ទង្វើ​នោះ វា​ត្រូវ​តាមច្បាប់​ដែរ​ទេ។

លោក ស៊ិ​ក ប៊ុន​ហុក ថ្លែង​បែបនេះ បន្ទាប់ពី​លោក​ ​រ៉ុង ឈុន​ សមាជិក​គ​.​ជ​.​ប​ ​ដែល​ជ្រើសរើស​ដោយ​គណបក្ស​សង្គ្រោះ​ជាតិ ទៅ​ចូលរួម​ជាមួយ​អង្គការ​សមាគម និង​សហជីព នៅក្នុង​ទិវា​ពលកម្ម​អន្តរជាតិ​ ​នៅមុខ​ក្រសួង​ការងារ​ ​កាលពី​ព្រឹក​ថ្ងៃទី​០១ ខែ​ឧសភា ឆ្នាំ​២០១៥​ និង​បន្ទាប់ពី​មានការ​រិះគន់​ពី​មជ្ឈដ្ឋាន​ទូទៅ​អំពី​វត្តមាន​លោក​ ​រ៉ុង ឈុន​នេះ​។ លោក ស៊ិ​ក ប៊ុន​ហុក ថ្លែង​ថា កន្លងមក​សមាជិក​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) ​ម្នាក់ៗ មិនដែល​ចូលរួម​នៅក្នុង​ទិវា​ពលកម្ម​អន្តរជាតិ​បែបនេះ​ទេ ព្រោះ​ស្ថាប័ន​គ​.​ជ​.​ប​ ​គឺជា​ស្ថាប័ន​ឯករាជ្យ​៕



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684