ព័ត៌មានជាតិ

ឃាត់ខ្លួនមុខសញ្ញាគ្រឿងញៀនពីរនាក់នៅស្រុកថ្មគោល

បានផុស

៥ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

កម្លាំងសមត្ថកិច្ចជំនាញប្រឆាំងបទល្មើសគ្រឿងញៀនសហការណ៍ជាមួយកម្លាំងប៉ុស្តិ៍នគរបាលរដ្ឋបាលគោកឃ្មុំតាពូងរូងជ្រៃ បើកប្រតិបត្តិការបង្ក្រាបករណីរក្សាទុកដោយខុសច្បាប់នូវសារធាតុញៀនជាក់ស្តែងឃាត់ខ្លួនជនសង្ស័យ២នាក់។

សមត្ថកិច្ចបានឲ្យដឹងថា ការឃាត់ខ្លួននេះបានធ្វើឡើងកាលពីវេលាម៉ោង០២និង២០នាទី ថ្ងៃទី០៨ខែកុម្ភៈ ឆ្នាំ២០២១ត្រង់ចំណុចក្រុមទី២០ ភូមិឆ្កែកូន ឃុំគោកឃ្មុំ ស្រុកថ្មគោល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យជាមុខសញ្ញាទាំង២នាក់ដែលត្រូវបានសមត្ថកិច្ចឃាត់ខ្លួនរួមមាន:១/ឈ្មោះសេន សម្បត្តិភេទប្រុសអាយុ៤៦ឆ្នាំ មានទីលំនៅ ក្រុមទី២៥ ភូមិឆ្កែកូន ឃុំគោកឃ្មុំ ស្រុកថ្មគោល ខេត្តបាត់ដំបង។ ២/ឈ្មោះនុន សាម៉ុន ភេទប្រុសអាយុ៣៣ឆ្នាំមានទីលំនៅ ក្រុមទី១៦ ភូមិឆ្កែកូន ឃុំគោកឃ្មុំ ស្រុកថ្មគោលខេត្តបាត់ដំបង។ ក្នុងនោះវត្ថុតាងចាប់យកបានរួមមាន ម្សៅក្រាមពណ៌សថ្លាច្រកក្នុងថង់ផ្លាស្ទិក (ម៉ាទឹកកកice) ចំនួន១១ថង់ទម្ងន់៤.៩៥ក្រាម,អំពូលទែម៉ូម៉ែត្រសម្រាប់ជក់ចំនួន០២,ដែកកេះចំនួន០២,ជញ្ជីងថ្លឹងគ្រឿងញៀនចំនួន០១,ទូរស័ព្ទចំនួន០៤គ្រឿង,ដបសម្រាប់ជក់០១។

ក្រោយសាកសួរជនសង្ស័យទាំង២នាក់ សមត្ថកិច្ចជំនាញនៃអធិការស្រុកបានរៀបចំកសាងសំណុំរឿងបញ្ជូនជនសង្ស័យនិងវត្ថុតាងទៅការិយាល័យជំនាញនៃស្នងការខេត្តដើម្បីបន្តនីតិវិធី៕

អត្ថបទ ៖ សៅ សារិទ្ធ