សុខភាព

ស្ងួត របក ឬប្រេះបបូរមាត់ កុំព្យាយាមបកចេញ ប្រយ័ត្នគ្រោះថ្នាក់ធំ

បានផុស

៣ years មុន

នៅ

ថ្ងៃអង្គារ ១៦ កុម្ភៈ ២០២១

ដោយ

អាការៈស្ងួត ប្រេះ របកបបូរមាត់ ម្នាក់ៗសុទ្ធតែធ្លាប់ជួបប្រទះទាំងអស់គ្នា ហើយគិតថានោះជារឿងធម្មតា ព្រោះតែស្មានតែក្ដៅក្នុងប៉ុណ្ណោះ។ មួយវិញទៀតគិតថាវាមិនបានបង្កគ្រោះថ្នាក់ដល់សុខភាព ទើបមិនបានយកចិត្តទុកដាក់ តែធាតុពិតគ្រោះថ្នាក់ និងប៉ះពាល់ដល់សុខភាព ព្រមទាំងសម្រស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត លី ឫទ្ធីគុណ បានឲ្យដឹងថាការរបកស្ងួត ធ្វើឲ្យប្រេះបបូរមាត់ ហើយយើងទាញ កេះ ខាំចេញនោះ ប្រាកដជាជាដាច់រហែកចេញឈាមជាក់ជាមិនខានឡើយ។ ម្ចាស់សេវាកម្មថែទាំមនុស្សចាស់តាមគេហដ្ឋានរូបនោះបញ្ជាក់ទៀតថា នៅពេលមានស្នាមរបួស ដាច់រលាត់ ហើយយើងយកដៃទៅប៉ះ ឬឆ្លងកាត់កន្លែងកខ្វក់ ដែលជាហេតុនាំឲ្យមេរោគជ្រាបចូលទៅ បង្កភាពឈឺចាប់។

លោកបានបន្តទៀតថា នៅពេលបបូរមាត់មានស្នាមរបួសនោះ អាចបណ្ដាលឲ្យឆ្លងមេរោគ នាំឲ្យហើម រលាកពងទឹក និងកកទៅជាខ្ទុះបានថែមទៀតផង។ ប្រសិនបើនៅតែគ្មានការព្យាបាលទាន់ពេលវេលា អាចរលួយ ហើយយូរៗទៅបង្កទៅជាមហារីកក៏ថាបានដែរ។

វេជ្ជបណ្ឌិតផ្នែកទូទៅឲ្យដឹងទៀតថា ដើម្បីបង្ការកុំឲ្យមានបញ្ហាបែបនេះ គប្បីត្រូវចេះតិចនិកមួយចំនួនដូចជាប្រើស្ក្រាប់ដុះខាត់កោសិកាងាប់ៗចេញពីមាត់ និងលាបជែល ឬក្រែមដើម្បីផ្ដល់សំណើមដល់បបូរមាត់ជារៀងរាល់ថ្ងៃ។ ក្រៅពីនោះការផឹកទឹកបានគ្រប់គ្រាន់ ក៏ជួយឲ្យបបូរមាត់ទន់រលោង មិនក្រៀម ប្រេះ ហើយចៀសវាងការលិឍបបូរមាត់ញឹកញាប់ ព្រោះទឹកមាត់មានអង់ស៊ីម លិឍកាន់តែញឹកបបូរមាត់ប្រែជាកាន់តែស្ងួតទៅវិញ។ ក្រៅពីផឹកទឹកឲ្យបានច្រើនហើយ ការញ៉ាំអាហារដែលមានជីវជាតិសព្វគ្រប់ក៏ជួយឲ្យស្បែកមានសភាពភ្លឺរលោង ទន់ផងដែរ៕

អត្ថបទផ្ដល់សិទ្ធិដោយ៖ Hellokrupet

ចុចអាន៖ជំងឺរលាកស្រោមខួរលើកុមារមានដល់ទៅ ៥ ប្រភេទ ហើយក្មេងវ័យនេះ ងាយប្រឈមជាងគេ

ចុចអាន៖៧ ចំណុចគួរដឹងទាក់ទងនឹងការរួមភេទ