ព័ត៌មានអន្ដរជាតិ
ទោះកូវីដ តែចិនក្លាយជាដៃគូពាណិជ្ជកម្មធំបំផុតរបស់សហភាពអឺរ៉ុបក្នុងឆ្នាំ ២០២០
សេវាកម្មព័ត៌មាន Eurostat បាននិយាយកាលពីថ្ងៃចន្ទថា ប្រទេសចិនបានក្លាយជាដៃគូពាណិជ្ជកម្មដ៏សំខាន់របស់សហភាពអឺរ៉ុប (EU) នៅឆ្នាំ ២០២០ ខណៈការនាំចេញ និងនាំចូលមានការកើនឡើង បើទោះបីមានការរីករាលដាលនៃជំងឺកូវីដ ១៩ ក៏ដោយ ។
យោងតាមសេវាកម្មស្ថិតិរបស់សហភាពអឺរ៉ុបបានឲ្យដឹងថា ការនាំចូលរបស់ប្លុកមួយនេះពីប្រទេសចិនពេញមួយឆ្នាំ ២០២០ បានកើនឡើង ៥.៦ ភាគរយពីមួយឆ្នាំទៅមួយឆ្នាំដល់ ៣៨៣.៥ ពាន់លានអឺរ៉ូ (៤៦៥ ពាន់លានដុល្លារអាមេរិក) ហើយការនាំចេញបានកើនឡើង ២.២ ភាគរយស្មើនឹង ២០២.៥ ពាន់លានអឺរ៉ូ ។
ទន្ទឹមនឹងនេះពាណិជ្ជកម្មទំនិញជាមួយសហរដ្ឋអាមេរិកដែលបានជាប់ក្នុងបញ្ជីដៃគូពាណិជ្ជកម្មរបស់សហភាពអ៊ឺរ៉ុបរហូតដល់ដើមឆ្នាំ ២០២០ ឃើញថាមានការធ្លាក់ចុះយ៉ាងខ្លាំងទាំងការនាំចេញ និងការនាំចូល ។
បន្ថែមពីនេះសហភាពអឺរ៉ុបក៏បានមើលឃើញពីទំហំពាណិជ្ជកម្មខ្ពស់ជាងមុនជាមួយពិភពលោកនៅខែធ្នូ ឆ្នាំ ២០២០ ដែលកើនឡើង ៦.៦ ពាន់លានអឺរ៉ូធៀបនឹងខែដដែលក្នុងឆ្នាំ ២០១៩ ដែលជាការកើនឡើងពីមួយឆ្នាំទៅមួយឆ្នាំចាប់តាំងពីវាត្រូវបានវាយប្រហារដោយរោគរាតត្បាតជាសកលនៃជំងឺកូវីដ ១៩ ។
ស្របពេលជាមួយគ្នានេះទីផ្សារតែមួយទទួលរងការថយចុះ ៩.៤ ភាគរយនៃការនាំចេញទំនិញ ហើយការនាំចូលថយចុះ ១១.៦ ភាគរយក្នុងឆ្នាំ ២០២០ ។ ដោយសារឧស្សាហកម្មភាគច្រើនរងផលប៉ះពាល់ដោយវិធានការទប់ស្កាត់កាលពីឆ្នាំមុន ឧស្សាហកម្មថាមពលត្រូវបានកត់សម្គាល់ថាមានការធ្លាក់ចុះយ៉ាងខ្លាំងក្នុងចំណោមវិស័យទាំងអស់ បន្ទាប់មកគឺឧស្សាហកម្មម្ហូបអាហារ និងភេសជ្ជៈ រួមទាំងវត្ថុធាតុដើម និងគីមី ។
ការចេញផ្សាយព័ត៌មានដោយសេវាកម្ម Eurostat កាលពីថ្ងៃចន្ទគឺស្របគ្នានឹងទិន្នន័យផ្លូវការរបស់ប្រទេសចិនដែលបានចេញផ្សាយនៅពាក់កណ្តាលខែមករាដែលបង្ហាញថា ពាណិជ្ជកម្មជាមួយសហភាពអឺរ៉ុបបានកើនឡើង ៥.៣ ភាគរយពោលឡើងដល់ ៤៤៩៥.៧៧ ពាន់លានយ័ន ឬជិត ៦០០ ពាន់លានអឺរ៉ូនៅឆ្នាំ ២០២០ ។
ខណៈការនាំចូល និងនាំចេញទំនិញសរុបរបស់ប្រទេសចិនបានកើនឡើង ១.៩ ភាគរយពីមួយឆ្នាំទៅមួយឆ្នាំដល់ ៣២.១៦ ពាន់ពាន់លានយ័ន (ប្រហែល ៥ ទ្រីលានដុល្លារអាមេរិក) ក្នុងឆ្នាំ ២០២០ ដែលឈានដល់កម្រិតខ្ពស់បំផុត ការកើនឡើងនៃពាណិជ្ជកម្មជាមួយសហភាពអឺរ៉ុបគឺមានច្រើនជាងអត្រាកំណើនជាមធ្យមទ្វេដង ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ