ព័ត៌មានអន្ដរជាតិ
អាមេរិក និងរុស្ស៊ីអាចកាត់បន្ថយឃ្លាំងអាវុធយុទ្ធសាស្ត្រត្រឹមមួយភាគបី ក្នុងកិច្ចព្រមព្រៀងនាពេលអនាគត
លោក Howard Stoffer អតីតមន្រ្តីជាន់ខ្ពស់នៃក្រសួងការបរទេសសហរដ្ឋអាមេរិក និងជាអតីតនាយកប្រឆាំងភេរវកម្មរបស់អង្គការសហប្រជាជាតិបានប្រាប់ Sputnik ថា សហរដ្ឋអាមេរិក និងរុស្ស៊ីអាចកាត់បន្ថយឃ្លាំងអាវុធយុទ្ធសាស្ត្រររបស់ខ្លួនត្រឹមមួយភាគបី និងកំណត់អាវុធល្បឿនលឿនជាងសម្លេងរបស់ពួកគេជាផ្នែកមួយនៃកិច្ចព្រមព្រៀងត្រួតពិនិត្យអាវុធនាពេលអនាគត ។
នៅថ្ងៃទី ៣ ខែកុម្ភៈ សហរដ្ឋអាមេរិក និងប្រទេសរុស្ស៊ីបានបន្តលើសន្ធិសញ្ញាគ្រប់គ្រងអាវុធនុយក្លេអ៊ែរ (START) រយៈពេល ៥ ឆ្នាំដែលបានកំណត់ប្រទេសនីមួយៗឲ្យមានមីស៊ីល ៧០០ គ្រាប់ ក្បាលគ្រាប់ ១,៥៥០ គ្រាប់ និងជើងទម្របាញ់មីស៊ីល ៨០០ ។ វាជាកិច្ចព្រមព្រៀងចុងក្រោយដែលកំណត់អាវុធនុយក្លេអ៊ែររបស់អាមេរិក និងរុស្ស៊ី ។
លោក Stoffer ដែលបច្ចុប្បន្នជាសាស្រ្តាចារ្យរងនៃសាកលវិទ្យាល័យ New Haven បាននិយាយថា “ខ្ញុំគិតថា ការចរចានាពេលអនាគតនឹងព្យាយាមកាត់បន្ថយការកំណត់ទាំងនោះ ។ ខ្ញុំគិតថាវាអាចទៅរួចក្នុងការបន្តព្យាយាមរកវិធីដើម្បីធ្វើឲ្យកាន់តែទូលំទូលាយជាងនេះនាពេលអនាគតដើម្បីកាត់បន្ថយឃ្លាំងអាវុធត្រឹមមួយភាគបី ។ ភាគីទាំងពីរបាននិយាយក្រៅផ្លូវការអំពីបញ្ហានោះ” ។
លោក Stoffer បាននិយាយថា អាវុធល្បឿនលឿនជាងសម្លេងដែលកាត់បន្ថយពេលវេលា និងបង្កើតអស្ថិរភាពកាន់តែច្រើនគួរតែត្រូវបានដាក់បញ្ចូលក្នុងសន្ធិសញ្ញាថ្មីណាមួយ ។ ទោះយ៉ាងណាលោកបានព្រមានថា បច្ចុប្បន្នគ្មានមធ្យោបាយណាដើម្បីបញ្ជាក់ទីតាំងអាវុធនុយក្លេអ៊ែរយុទ្ធសាស្ត្រនោះទេ ។
លោកបន្តថា បញ្ហាមួយទៀតដែលទីក្រុងម៉ូស្គូ និងវ៉ាស៊ីនតោននឹងត្រូវដោះស្រាយគឺសន្ធិសញ្ញាមីស៊ីលប្រឆាំងមីស៊ីលផ្លោង (ABMs) ដែលកំពុងកើតឡើង ។
បញ្ហាមួយទៀតលោក Stoffer បានបន្ថែមថា អាមេរិកកំពុងដាក់ពង្រាយមីស៊ីលប្រឆាំងមីស៊ីលរយៈចម្ងាយឆ្ងាយនៅផ្នែកខ្លះនៃអឺរ៉ុបដើម្បីប្រឆាំងអ៊ីរ៉ង់ ។ លោកបានពន្យល់ថា វាប្រហែលជាមិនចាំបាច់ទេប្រសិនបើសហរដ្ឋអាមេរិកវិលត្រឡប់ទៅរកផែនការសកម្មភាពរួមដែលនឹងកំណត់សមត្ថភាពផលិតអាវុធនុយក្លេអ៊ែររបស់អ៊ីរ៉ង់ ។
លោក Stoffer បាននិយាយថា លោកសង្ឃឹមថាចំនួនក្បាលគ្រាប់ត្រូវបានកាត់បន្ថយរៀងរាល់ ៥ ឆ្នាំម្តង ដូច្នេះនៅឆ្នាំ ២០៥០ ឬ ២០៦០ អាវុធនុយក្លេអ៊ែរលែងជាការគំរាមកំហែងដែលអាចកើតមានទៀតហើយ ។
លោកបានគូសបញ្ជាក់ថា “សម្រាប់រឿងទាំងអស់នេះកើតឡើងគឺយើងចាំបាច់ត្រូវមានទំនាក់ទំនងល្អប្រសើររវាងសហព័ន្ធរុស្ស៊ី និងសហរដ្ឋអាមេរិក” ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ រុស្ស៊ីនឹងបាញ់បង្ហោះគ្រាប់រ៉ុកកែតច្រើនជាង ១០ គ្រឿងទៅគន្លងតារាវិថី នៅឆ្នាំនេះ
ចុចអាន ៖ រ៉ុកកែតវាយប្រហារមូលដ្ឋានយោធាកាន់កាប់ដោយអាមេរិកនៅ អ៊ីរ៉ាក់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង