ព័ត៌មានអន្ដរជាតិ
អាមេរិកជួបប្រទះកំណត់ត្រាសីតុណ្ហភាពទាបមិនធ្លាប់មានចំនួន ២,០០០ កំណត់ត្រា
អ្នកវិទ្យាសាស្ត្រឧតុនិយមរបស់ទូរទស្សន៍ CNN លោក Dave Hennen បាននិយាយថា កំណត់ត្រាសីតុណ្ហភាពទាបចំនួន ២,០០០ កំណត់ត្រាបានកើតឡើងក្នុងរយៈពេលប៉ុន្មានសប្តាហ៍ចុងក្រោយនេះនៅសហរដ្ឋអាមេរិក ។
គ្រាន់តែថ្ងៃអង្គារទីក្រុងយ៉ាងតិច ២០ បានទទួលរងនូវអាកាសធាតុត្រជាក់បំផុតមិនធ្លាប់មានក្នុងប្រវត្តិសាស្ត្រ ហើយគេរំពឹងថានឹងមានកំណត់ត្រាថ្មីៗជាច្រើនទៀតនៅសប្តាហ៍នេះ ។
វានឹងមានការរំខានក្នុងការធ្វើដំណើរទាំងតំបន់ព្រិល និងទឹកកកជាមួយនឹងក្តីបារម្ភចំពោះការដាច់ចរន្តអគ្គិសនី និងសម្រាប់តំបន់ដែលមានការដាច់ចរន្តអគ្គិសនីរួចទៅហើយ ។
វាជាដំណឹងដ៏អាក្រក់សម្រាប់ជនជាតិអាមេរិករាប់លាននាក់ដែលនៅតែបន្តការប៉ះពាល់ដោយគ្មានអគ្គិសនីប្រើប្រាស់ បន្ទាប់ពីព្យុះដ៏កាចសាហាវរួមជាមួយអាកាសធាតុត្រជាក់ខ្លាំងដែលមិនធ្លាប់មាននៅសប្តាហ៍នេះ ។
ទន្ទឹមនោះយ៉ាងហោចណាស់មនុស្ស ១៥ នាក់បានស្លាប់នៅក្នុងគ្រោះថ្នាក់រថយន្តបុកគ្នាដែលទាក់ទងនឹងអាកាសធាតុ ចាប់តាំងពីសីតុណ្ហភាពត្រជាក់បានកើតឡើង ។ កាលពីថ្ងៃចន្ទគ្រាន់តែទីក្រុង Oklahoma មនុស្ស ១២៣ នាក់ត្រូវបានបញ្ជូនចូលសម្រាកនៅមន្ទីរពេទ្យដោយសារតែផលប៉ះពាល់ទាក់ទងនឹងអាកាសធាតុត្រជាក់ខ្លាំងបែបនេះ ។
ចំណែកអ្នកនាំពាក្យនាយកដ្ឋានពន្លត់អគ្គីភ័យទីក្រុង Fort Worth រដ្ឋ Texas លោក Mike Drivdahl បាននិយាយថា មនុស្សម្នាក់បានស្លាប់ដោយសារតែឧប្បត្តិហេតុទាក់ទងនឹងការពុលកាបូនម៉ូណូអុកស៊ីត ។
ហើយនៅរដ្ឋ North Carolina យ៉ាងហោចណាស់មានមនុស្ស ៣ នាក់បានស្លាប់នៅពេលព្យុះកំបុតត្បូង EF-3 បោកបក់នៅផ្នែកខ្លះនៃទីក្រុង Brunswick County ក្បែរព្រំដែនរដ្ឋ South Carolina ៕
ប្រែសម្រួលដោយ ៖ ជីវ័ន្ត
ប្រភព ៖ CNN
ចុចអាន ៖ វីដេអូរន្ធត់! រថយន្ត១០០គ្រឿងបុកគ្នា ស្លាប់និងរបួសមនុស្សជាង ៧០នាក់នៅអាមេរិក
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត