ព្រោះហេតុផលតែមួយគត់ Facebook បិទលែងឲ្យប្រជាជនអូស្រ្តាលីមើលនិង​ស៊ែរព័ត៌មានបាន

Facebook បានរារាំងអ្នកប្រើប្រាស់នៅប្រទេសអូស្រ្តាលី ពីការចែករំលែកឬមើលមាតិកាព័ត៌មាននៅក្នុងកម្មវិធីនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលភ្ញាក់ពីដំណេកនៅថ្ងៃព្រហស្បតិ៍នេះ ប្រជាជនអូស្រ្តាលីបានបើកមើល Page ព័ត៌មានក្នុងស្រុកនិងព័ត៌មានពិភពលោកក្នុង Facebook ប៉ុន្តែ Page ទាំងនោះត្រូវបានប្លុករួមទាំងគេហទំព័ររដ្ឋាភិបាលសំខាន់ៗមួយចំនួនផងដែរ។

រដ្ឋាភិបាលបាននិយាយថា ការហាមឃាត់នេះបានគំរាមកំហែង ដល់ភាពជឿជាក់របស់ក្រុមហ៊ុនបច្ចេកវិទ្យាយក្សមួយនេះ។

វិធានការរបស់ Facebook គឺជាការឆ្លើយតបទៅនឹងច្បាប់មួយដែលបានស្នើឡើងនៅក្នុងប្រទេសអូស្រ្តាលី ដែលជំរុញឲ្យក្រុមហ៊ុនបច្ចេកវិទ្យាយក្សនានាត្រូវបង់ថ្លៃសម្រាប់មាតិកាព័ត៌មាន។

ក្រុមហ៊ុនបច្ចេកវិទ្យាធំៗដូចជា Google និង Facebook បានអះអាងថា ច្បាប់នេះមិនឆ្លុះបញ្ចាំងពីដំណើរការរបស់អ៊ីនធើណិតទេ ហើយបានធ្វើបាបកម្មវិធីរបស់ពួកគេដោយអយុត្តិធម៌។

អ្នកនៅក្រៅប្រទេសអូស្រ្តាលីក៏មិនអាចអានឬ ចូលមើលព័ត៌មានរបស់អូស្រ្តាលីនៅក្នុងកម្មវិធីនេះបានដែរ។

រដ្ឋមន្ត្រីក្រសួងទូរគមនាគមន៍អូស្រ្តាលីលោក Paul Fletcher បានប្រាប់វិទ្យុ ABC ថា “Facebook ចាំបាច់ត្រូវគិតឲ្យបានហ្មត់ចត់អំពីអត្ថន័យនៃកេរ្តិ៍ឈ្មោះនិងជំហររបស់ខ្លួន”៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ Facebook នៅមីយ៉ាន់ម៉ា ត្រូវបិទតាមបញ្ជារបស់រដ្ឋាភិបាលយោធា

ចុចអាន៖ ឥណ្ឌា ស្នើ WhatsApp ឱ្យដកបទប្បញ្ញត្តិចែករំលែកទិន្នន័យផ្ទាល់ខ្លួន ជាមួយ​អ្នក​ប្រើ Facebook