ព័ត៌មានអន្ដរជាតិ
យោធាមីយ៉ាន់ម៉ាបញ្ជាឲ្យចាប់ខ្លួនតារាល្បីៗមួយចំនួនដែលគាំទ្រចលនាប្រឆាំងរដ្ឋប្រហារ
រដ្ឋាភិបាលយោធាមីយ៉ាន់ម៉ាកាលពីថ្ងៃពុធបានចេញដីកាចាប់ខ្លួនមនុស្ស ៧ នាក់ដែលភាគច្រើនជាតារាសម្ដែង និងតារាចំរៀងដោយចោទប្រកាន់ពួកគេពីបទគាំទ្រចលនាប្រឆាំងរដ្ឋប្រហារដែលកំពុងកើនឡើង ។
ប៉ូលិសត្រូវបានគេរាយការណ៍ថាកំពុងស្វែងរកតារាល្បីៗ ៧ រូបដែលបានធ្វើយុទ្ធនាការដើម្បីរៃអង្គាសប្រាក់សម្រាប់ចលនាដែលបានផ្តួចផ្តើមឡើងដោយបុគ្គលិកសុខាភិបាល ហើយក្រោយមកបានចូលរួមដោយបុគ្គលិកមកពីនាយកដ្ឋានរដ្ឋាភិបាលជាច្រើន ។
យោធាបាននិយាយថា តារាល្បីល្បាញទាំងនោះត្រូវបានចោទប្រកាន់ក្រោមមាត្រា ៥០៥ នៃក្រមព្រហ្មទណ្ឌរបស់ប្រទេសនេះពីបទបរិហាកេរ្តិ៍រដ្ឋ ។ ការចោទប្រកាន់ដែលអនុវត្តទោសអតិបរមារយៈពេល ២ ឆ្នាំត្រូវបានប្រើជាទូទៅដើម្បីរារាំងក្រុមអ្នកប្រឆាំងនយោបាយចាប់តាំងពីយោធាចូលកាន់កាប់ប្រទេសនៅថ្ងៃទី ១ ខែកុម្ភៈ ។
កាលពីសប្តាហ៍មុនរដ្ឋាភិបាលយោធាបានចេញដីកាចាប់ខ្លួនចំពោះការចោទប្រកាន់ដូចគ្នាលើមនុស្ស ៧ នាក់ផ្សេងទៀតក្នុងនោះមានលោក Min Kon Naing ដែលជាសកម្មជននយោបាយ និងបានចាត់ទុកថាជាមនុស្សមានឥទ្ធិពលបំផុតទី ២ របស់ប្រទេស បន្ទាប់ពីលោកស្រី អ៊ុងសាន ស៊ូជី ។
របបយោធាក៏បានព្យួរច្បាប់មួយចំនួនដើម្បីអនុញ្ញាតឲ្យកងកម្លាំងសន្តិសុខចាប់ខ្លួនពលរដ្ឋដោយគ្មានការយល់ព្រមពីតុលាការ ។
យោងតាមអង្គការសហប្រជាជាតិបានឲ្យដឹងថា មនុស្សជាង ៣៥០ នាក់ត្រូវបានចាប់ខ្លួនចាប់តាំងពីយោធាធ្វើរដ្ឋប្រហារកាលពីថ្ងៃទី ១ ខែកុម្ភៈដោយបានផ្តួលរំលំរដ្ឋាភិបាលស៊ីវិលដែលដឹកនាំដោយទីប្រឹក្សារដ្ឋលោកស្រី អ៊ុងសាន ស៊ូជី ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ក្រុមបាតុករមីយ៉ាន់ម៉ាចតរថយន្តខូចៗរារាំងការបង្ក្រាបរបស់ប៉ូលិស
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត