ចរាចរណ៍
ឪពុកកូនពីរនាក់ជិះម៉ូតូឌុបគ្នាទៅធ្វើសំណង់បុកផើងផ្កាបាក់កស្លាប់
កូនប្រុសវ័យ១៨ឆ្នាំបានជួបគ្រោះថ្នាក់ចរាចរណ៍រហូតដល់ស្លាប់ខណៈពេលឌុបឪពុកទៅធ្វើសំណង់។
ហេតុការណ៍គ្រោះថ្នាក់នេះបានកើតឡើងកាលពីវេលាម៉ោង៤និង៥០នាទីទៀបភ្លឺ ថ្ងៃទី២១ ខែកុម្ភៈស្ថិតនៅមុខផ្ទះលេខ២២៩ ផ្លូវ៣៦៩ ភូមិព្រែកថ្មី សង្កាត់ព្រែកថ្មី ខណ្ឌច្បារអំពៅរាជធានីភ្នំពេញ។
ជនរងគ្រោះរហូតបាត់បង់ជីវិតឈ្មោះ យ៉ុង វាសនា ភេទប្រុសអាយុ១៨ឆ្នាំមុខរបរកម្មករសំណង់ស្នាក់នៅភូមិកណ្តាលក្រោមឃុំបន្ទាយដែក ស្រុកកៀនស្វាយខេត្តកណ្តាល។ដោយឡែកឪពុកដែលរងរបួសឈ្មោះ យ៉ុង ខ្សា អាយុ៤០ឆ្នាំ។
យោងតាមប្រភពពីលោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅទទួលបន្ទុកសណ្តាប់ធ្នាប់ចរាចរណ៍ បានឲ្យដឹងថានៅម៉ោងកើតហេតុជនរងគ្រោះពីរនាក់ឪពុកកូនបានជិះម៉ូតូម៉ាកសេ១២៥ពណ័ខ្មៅពាក់ស្លាកលេខភ្នំពេញ១HA ០៧ ៨៩ដោយក្នុងនោះកូនប្រុសជាអ្នកឌុប។
លោកអធិការរងបន្តថា ពួកគេបានធ្វើដំណើតាមបណ្តោយផ្លូវលេខ៣៦៩ក្នុងទិសដៅពីកើតទៅលិចក្នុងល្បឿនលឿន។លុះបើកទៅដល់មុខផ្ទះលេខ២២៩ស្ថិតក្នុងភូមិព្រែកថ្មីសង្កាត់ព្រែកថ្មីក៏បុកផើងផ្កាមុខផ្ទះខាងលើបណ្តាលឲ្យជនរងគ្រោះជាអ្នកឌុបផ្លោងទៅនិងថ្នល់កាក់ករស្លាប់នៅនឹងកន្លែងចំណែកឪពុកដែលអង្គុយពីក្រោយបានរងរបួសស្រាលហើយពួកគេសុទ្ធតែពាក់មួកការពារសុវត្ថភាព។
លោកឯក សារ៉ន បានបញ្ជាក់ពីមូលហេតុដែលបង្កឲ្យជួបគ្រោះថ្នាក់ដល់អាយុជីវិតបែបនេះគឺដោយសារតែជនរងគ្រោះបើកបរលឿន។បន្ទាប់ពីកើតហេតុសពជនរងគ្រោះត្រូវបានដឹកយកទៅធ្វើបុណ្យនៅគេហដ្ឋានហើយម៉ូតូក៏ប្រគល់ជូនទៅក្រុមគ្រួសារសពនាពេលនោះដែរ៕
អត្ថបទ ៖ នរា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត