ព័ត៌មានជាតិ

អាជ្ញាធរខណ្ឌព្រែកព្នៅប្រគល់ម៉ាស់ ជាអំណោយដ៏ថ្លៃថ្លារបស់សម្តេចតេជោ ហ៊ុន សែន ជូនរដ្ឋបាលសង្កាត់ទាំង៥

បានផុស

៥ years មុន

នៅ

ថ្ងៃពុធ ២៤ កុម្ភៈ ២០២១

ដោយ

រដ្ឋបាលខណ្ឌព្រែកព្នៅបានប្រគល់ម៉ាស់ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដល់អធិការនគរបាលខណ្ឌ កងរាជអាវុធហត្ថខណ្ឌ រដ្ឋបាលសង្កាត់ទាំង៥ដើម្បីចូលរួមបង្ការ ទប់ស្កាត់ការីករាលដាលជំងឺកូវីដ១៩ (Covid19) ជាពិសេសចែកជូនដល់ប្រជាពលរដ្ឋដែលរស់នៅសហគមន៍ក្រីក្រ ក្រោមអធិបតីភាព

លោកសុខ សម្បត្តិ អភិបាលនៃគណអភិបាលខណ្ឌព្រែកព្នៅ លោក ម៉ៅ បូរ៉ា ប្រធានក្រុមប្រឹក្សាខណ្ឌនិងមន្ត្រីរាជការជាច្រើនរូបទៀតផងដែរនាព្រឹកថ្ងៃទី២៤ ខែកុម្ភៈ ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសនោះដែរ លោកសុខ សម្បត្តិ បានលើកឡើងថា ប្រជាពលរដ្ឋរស់នៅក្នុងសហគមន៍ក្រីក្រ និងប្រជាពលរដ្ឋ ដែលរស់នៅបន្ទប់ផ្ទះជួល ក្នុងរដ្ឋបាលសង្កាត់ទាំង៥ទទួលបានម៉ាស់ក្រណាត់ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាស្មើរៗគ្នា។

ជាមួយគ្នានេះដែរ លោកអភិបាលខណ្ឌក៏បានអំពាវនាវដល់លោក លោកស្រីដែលជាប្រធានក្រុមការងារចុះជួយសង្កាត់ទាំង៥ចូលរួមចែកម៉ាស់ ដល់ប្រជាពលរដ្ឋរស់នៅក្នុងសហគមន៍ក្រីក្រ និងប្រជាពលរដ្ឋ ដែលរស់នៅបន្ទប់ផ្ទះជួល តាមសង្កាត់រៀងៗខ្លួន និងបន្តផ្សព្វផ្សាយដល់បងប្អូនប្រជាពលរដ្ឋទាំងអស់បន្តយកចិត្តទុកដាក់ការពារ រក្សាអនាម័យជានិច្ចតាមការណែនាំរបស់ក្រសួងសុខាភិបាល ដើម្បីចូលរួមទប់ស្កាត់បង្ការហានិភ័យពីការឆ្លងជំងឺ កូវីដ-១៩ ទាំងអស់គ្នាដោយផ្តើមចេញពីខ្លួនយើង ហើយចូលរួមអនុវត្តឲ្យបានត្រឹមត្រូវទាំងអស់គ្នានូវអនុសាសន៍សម្តេចតេជោ ៣កុំ កុំចូលកន្លែងបិតជិត កុំនៅកន្លែងទីប្រជុំជន(មនុស្សច្រើន) កុំចាប់ដៃគ្នា និង៣ការពារ ត្រូវពាក់ម៉ាសត្រូវលាងសម្អាតនៅភាពកខ្វក់ជាមួយនិង អាកុលជែល ឬសាប៊ូនិងរក្សាគម្លាតចាប់ពី១.៥ម៉ែត្រ។

គួបញ្ជាក់ថា ម៉ាស់ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាយកមកចែកជូននាពេលនេះ មានអធិការនគរបាលខណ្ឌចំនួន២០០០ម៉ាស កងរាជអាវុធហត្ថខណ្ឌចំនួន២០០០ម៉ាស សង្កាត់ទាំង៥ទទួលបានក្នុង១សង្កាត់២០០០ម៉ាស់ សហគមន៍ទទួលបាន១០០០ម៉ាស ការិយាល័យទាំង១១ក្នុង១ការិយាល័យទទួលបាន១០០ម៉ាសផងដែរ៕

អត្ថបទ ៖ ឧត្តរ៉ា