ព័ត៍មានទាន់​ហេតុការណ៏
Search
U.N. special envoy on Ebola Dr. David Nabarro speaks during an interview at the United Nations Headquarters in New York January 15, 2015. REUTERS/Brendan McDermid

សហប្រជាជាតិ​ សាទរទៅនឹង​ការ​ជឿន​លឿន​ទៅមុខ ​ក្នុងការ​លុបបំបាត់​ Ebola

 បេសកជន​​របស់សហប្រជា​ជាតិ​​ សាទរចំពោះ​ភាព​ជឿន​លឿន​ជា​ពិសេស​ក្នុង​ការ​ប្រឆាំង​ទប់​ទល់​ទៅនឹងការ​ចម្លង​រាលដាល​នៅ​តំបន់​អាហ្វ្រិក​ខាងលិច បន្ទាប់ពី​ករណី​ចម្លងថ្មី​កាល​ពីសប្ដាហ៍​​មុន​កន្លង​មកនេះ មានត្រឹម​តែ​២០ករណី​ជាលើក​ទីមួយ​ហើយ​ចាប់តាំង​ពី​ពាក់​កណ្ដាល​ឆ្នាំ​២០១៤ ប៉ុន្ដែ​បេសកជន​រូបនេះ​បាន​ព្រមាន​ឲ្យ​ដឹង​ថា គួរ​តែ​ដល់ពេល​ត្រូវ​បញ្ចប់​ជំងឺ​រាតត្បាត​នេះ​ជា​ស្ថាពរ​ហើយ។

លោក David Nabarro បាន​និយាយថា នៅ​ក្នុង​សប្ដាហ៍​នេះ​រហូត​មកដល់​ថ្ងៃទី​៣ ខែ​ឧសភា គឺ​មានត្រឹមតែ៩ករណី​នៃការ​ឆ្លង​ប៉ុណ្ណោះ​ដែល​ត្រូវ​បាន​រាយ​ការណ៍​នៅប្រទេស​ហ្គីណេ និង​ចំនួន​ដដែល​នេះ​នៅប្រទេស​ក្បែរខាង​គ្នា​គឺសៀ​រ៉ា​ឡេ​អូន។ ជាថ្មីម្ដង​ទៀត​ដែល​ប្រទេស​លីបេរីយ៉ា មិន​មាន​ករណី​ថ្មីទៀត​ឡើយ។

លោក Nabarro បាននិយាយថា លោក​សុទិដ្ឋិ​និយម​ ដែល​ប្រទេស​លីបេរីយ៉ា ត្រូវ​បាន​ប្រកាស​ថា រួចចាក​ផុត​ពី​ Ebola នៅថ្ងៃ​ទី៩ ខែ​ឧសភា ពេល​ដែលប្រទេស​នេះ​ឈាន​ដល់​កម្រិត​ស្ដង់​ដារ​របស់​អង្គការ​សុខភាព​ពិភព​លោក​ WHO គឺ​៤២ថ្ងៃ​ក្រោយមក ​ដោយ​រយៈពេល​៤២​ថ្ងៃ​គ្មាន​កា​រចម្លង​ថ្មី។

WHO បាននិយាយ​នៅក្នុង​ Update ជា​លើក​ចុង​ក្រោយ​កាល​ពីថ្ងៃ​អង្គារ ការចម្លង​រាល​ដាល​​យ៉ាង​ធ្ងន់​បំផុត​នៅ​លើ​ពិភព​លោក​ ដែល​កើត​មាន​នៅ​តំបន់​ដ៏​ឆ្ងាយ​ដាច់ស្រយាល​ភាគ​អាគ្នេយ៍​នៃ​ប្រទេស​ហ្គីណេ កាលពីខែធ្នូ ឆ្នាំ​២០១៣ ដែល​បានសម្លាប់​មនុស្ស​សរុប​​អស់​១០,៩៨០​នាក់ ហើយ​ចម្លង​ដល់​ទៅជាង​២៦,៥០០​នាក់។

លោក Nabarro បាន​លើក​យក​មក​និយាយ​ថា ការ​ចែក​រំលែក​នៃការចម្លង​ករណីថ្មី​កើត​មាន​ឡើង​ដោយសារ​តែ​មានទំនាក់​ទំនង​ជាមួយ​ក្រុម​មនុស្ស​ដែល​រង​គ្រោះ​ដោយសារ​ Ebola

បេសកកម្មឆ្លើយ​តបនឹង​ Ebola ជា​បន្ទាន់​​របស់​សហប្រជាជាតិ​ បាន​បង្កើត​ឡើង​នៅក្នុង​​ខែ​កញ្ញា ឆ្នាំកន្លង​ទៅ ដើម្បី​បើក​យុទ្ធនាការ​បញ្ចប់​ការ​ចម្លង Ebola នៅ​ដំណាច់​ខែ​កក្កដា ខាង​មុខ​នេះ៕

 



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684