ព័ត៍មានទាន់​ហេតុការណ៏
Search

ចៅក្រម​តុលាការ​បង្គាប់​ឲ្យ​អនុរក្ស​ពន្ធនាគារ​ទាំង​បី​នាំ​ខ្លួន​ទណ្ឌិត​ជន​ចំនួន​២០​នាក់​មកកាន់​តុលាការ

ភ្នំពេញ​ ៖​ ប្រភព​ព័ត៌មាន​ពី​តុលាការ​ក្រុង​ភ្នំពេញ​បាន​ឲ្យ​ដឹង​ថា នៅ​ព្រឹក​ថ្ងៃ​ទី​៨ ខែ​ឧសភា ឆ្នាំ​២០១៥​នេះ ចៅក្រម​តុលាការ​​ក្រុង​ភ្នំពេញ​បាន​បង្គាប់​ឲ្យ​អនុរក្ស​ពន្ធនាគារ​ទាំង​បី​គឺ​មាន​ពន្ធនាគារ​​ម​១ ម​២ និង​ប៉េហ្ស៊ី​នាំ​ខ្លួន​ទណ្ឌិត​ជន​ចំនួន​២០​នាក់​មកកាន់​តុលាការ​ដើម្បី​បំពេញ​នីតិវិធី នៅ​ក្នុង​នោះ​សម្រាប់​ពន្ធនាគារ​ម​១ មណ្ឌល​កែប្រែ​ម​១​គឺ​មាន​ទណ្ឌិត​ជន​ចំនួន​១៥​នាក់ ដោយមាន​ចំនួន​៨​នាក់​ត្រូវ​នាំមក​ធ្វើការ​ជំនុំជម្រះ​ទោស ​ប្រកាស​សាលក្រម​ចំនួន​៦​នាក់ និង​សាកសួរ​បន្ថែមចំនួន​១​នាក់។

សម្រាប់​ពន្ធនាគារ​ម​២ មណ្ឌល​កែប្រែ​ម​២ មានការ​នាំ​ខ្លួន​មក​ចំនួន​៤​នាក់ ក្នុង​នោះ​មាន​ប្រុស​៣​នាក់ និង​ស្រី​ម្នាក់​។ ចំណែក​ពន្ធនាគារ​ប៉េ​ហ្ស៊ី​ភ្នំពេញ​គឺ​មាន​ស្រី​ម្នាក់​ត្រូវ​បាន​នាំមក​ប្រកាស​សាលក្រម​នៅ​ក្នុង​រឿង​ជួញដូរ​គ្រឿងញៀន​ខុសច្បាប់។

ការ​នាំ​ខ្លួន​ទណ្ឌិត​​មក​កាន់​តុលាការ​ក្រុង​ភ្នំពេញ​នេះ​ធ្វើ​ឡើង​នៅ​វេលា​ម៉ោង៨​និង​៣០នាទី​ ព្រឹក​ថ្ងៃ​ទី​៨ ខែ​ឧសភា ឆ្នាំ២០១៥ ហើយ​ខណៈ​ពេល​នេះ ទណ្ឌិត​ទាំង​២០​នាក់​នោះ​ ខ្លះ​កំពុង​ស្ថិត​នៅ​ក្នុង​ការ​សាកសួរ ការ​ជម្រះ និង​ខ្លះ​ទៀត​កំពុង​រង់ចាំ​ស្ដាប់​ការ​ប្រកាសសាលក្រម៕



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684