ព័ត៌មានជាតិ

នាំយកមូលនិធិ៦០លានរៀល ប្រគល់ជូនគ្រួសារសពមន្រ្តីកងរាជអាវុធហត្ថខណ្ឌឫស្សីកែវ

បានផុស

៥ years មុន

នៅ

ថ្ងៃពុធ ១៧ មីនា ២០២១

ដោយ

លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ កាលពីថ្ងៃម្សិលមិញបាននាំយកថវិកាមូលនិធិមហាគ្រួសារកងរាជអាវុធហត្ថ ប្រគល់ជូនមន្រ្តីកងរាជអាវុធហត្ថខណ្ឌជ្រោយចង្វារ ដែលបានទទួលមរណៈភាពដោយជម្ងឺដាច់សរសៃឈាមខួរក្បាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថវិកាមូលនិធិរបស់គ្រួសារអាវុធហត្ថដែលត្រូវប្រគល់ជូនគ្រួសារសពមន្រ្តីដែលជាអតីតមេបញ្ជាការមូលដ្ឋានកងរាជអាវុធហត្ថខណ្ឌជ្រោយចង្វារ មានចំនួន ៦០,០០០,០០០រៀល (ហុកសិបលានរៀល) រួមជាមួយ មី២កេស និងភេសជ្ជ:៤កេស។

សូមបញ្ចាក់ថា លោកវរសេនីយ៍ឯក សេង ឈៀង អតីតមេបញ្ជាការ មូលដ្ឋានកងរាជអាវុធហត្ថខណ្ឌជ្រោយចង្វារបានទទួលមរណៈភាពដោយជម្ងឺដាច់សរសៃឈាមខួរក្បាល ខណៈកំពុងបំពេញកិច្ចការងារ។

មូលនិធិកងរាជអាវុធហត្ថផ្តួចផ្តើមបង្កើតឡើង ក្រោមការយកចិត្តទុកដាក់គិតគូរខ្ពស់ពីសំណាក់ លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស។គ្រួសារមន្រ្តីករងរាជអាវុធហត្ថដែលទទួលមរណៈភាព សុទ្ធតែបានទទួលថវិកាមូលនិធិរបស់អាវុធហត្ថដូចៗគ្នា៕

អត្ថបទ ៖ វិមាន