ព័ត៌មានជាតិ
ការរៀបចំឥណទានឡើងវិញនៅតែបើកចំហ សម្រាប់អ្នកប៉ះពាល់ពិតប្រាកដ ក្នុងគ្រាកូវីដ
សមាគមមីក្រូហិរញ្ញវត្ថុកម្ពុជា បានឲ្យដឹងថា ការស្នើសុំរៀបចំឥណទានឡើងវិញ នៅតែបន្តធ្វើជាធម្មតា សម្រាប់អ្នកប៉ះពាល់ពិតប្រាកដដោយសារជំងឺកូវីដ១៩។
លោក កាំង តុងី ប្រធាននាយកដ្ឋានទំនាក់ទំនងនិងជាអ្នកនាំពាក្យសមាគមមីក្រូហិរញ្ញវត្ថុកម្ពុជា បានប្រាប់ថា ក្នុងមួយសប្តាហ៍នេះ មានពលរដ្ឋកម្ពុជាប្រមាណជាង១ពាន់នាក់ បានស្នើរៀបចំឥណទានលើការបង់សងត្រឡប់ឡើងវិញដោយ សារផលប៉ះពាល់ដែលបណ្តាលមកពីផ្ទុះជំងឺកូវីដ១៩។
ចំនួននេះ មិនទាន់មានការកើនឡើងនៅឡើយ បើប្រៀបធៀបកាលពីមុនកើតព្រឹត្តិការណ៍សហគមន៍ ២០ កុម្ភៈ នៅអំឡុងឆ្នាំមុន។
បើតាម កាំង តុងងី បានបន្តទៀតថាប៉ុន្តែនៅខែខាងមុខទៀតប្រសិនបើស្ថានភាពជំងឺកូវីដ១៩មិនមានធូរស្បើយទេនោះចំនួនពលរដ្ឋស្នើសុំឥណទានឡើងវិញនេះ អាចនឹងមានអាចមានការកើនឡើងតែមិនខ្លាំងដូចកាលពីខែមីនាឆ្នាំ២០២០កន្លងទៅនោះទេ។
របាយការណ៍របស់សមាគមន៍គ្រឹះស្ថានមីក្រូហិរញ្ញវត្ថុកម្ពុជា បញ្ជាក់ឲ្យដឹងថាគិតចាប់តាំងពីខែមីនា ឆ្នាំ២០២០ ដល់ដំណាច់ខែកុម្ភៈឆ្នាំ២០២១នេះ គ្រឹះស្ថានមីក្រូហិរញ្ញវត្ថុបានរៀបចំឥណទានឡើងវិញដល់អតិថិជន បានប្រមាណ២៩ម៉ឺននាក់ ក្នុងទំហំទឹកប្រាក់ប្រមាណ១៤០០លានដុល្លារអាមេរិក។
អតិថិជនដែលមកធ្វើការស្នើសុំខាងស្ថាប័នហិរញ្ញវត្ថុអាចជ្រើសរើសយកជម្រើសចំនួន២គឺ ជម្រើសទី១បង់តែការប្រាក់ពី៣ទៅ៦ខែ និងជម្រើសទី២ ផ្អាកទាំងការទាំងដើម ពី៣ទៅ៦ខែ។
លោកបានបញ្ជាក់ទៀតថា «ចំពោះអ្នកដែលរងផលប៉ះពាល់ពិតប្រាកដ អាចទាក់ទងទៅមន្រ្តីឥណទាន ឬគ្រឹះស្ថានហិរញ្ញាវត្ថុ ដើម្បីសុំរៀបចំឥណទានឡើងវិញ នោះខាងគ្រឹះស្ថានហិរញ្ញនិងសិក្សាដើម្បីផ្តល់គោលការណ៍អនុគ្រោះដល់ពួកគាត់ ប៉ុន្តែប្រសិនបើអតិថិជនគ្រាន់តែបង្ហោះនៅលើបណ្តាញសង្គម ប៉ុន្តែការសិក្សាជាក់ស្តែងមិនមានផលប៉ះពាល់នោះ គ្រឹះស្ថានហិរញ្ញវត្ថុ នឹងមិនអាចផ្តល់ជូនពួកគាត់បានដែរ»។
លោកបានបន្ថែមទៀតថា គ្រឹះស្ថានហិរញ្ញមិនអាចរៀបចំឱ្យមានការផ្អាកឬពន្យារការបង់ប្រាក់ដល់អតិថិជនដោយស្វ័យប្រវត្តិបាននោះទេ ព្រោះខុសពីច្បាប់និតិសន្យា។
លោកកាំង តុងងីបានស្នើឱ្យសាធារណជនមានការជោគយល់ផងដែរព្រោះថា វិស័យហិរញ្ញវត្ថុក៏ទទួលរងផលប៉ះពាល់ដោយសារជំងឺកូវីដ១៩នេះដូចវិស័យផ្សេងទៀតដែរ៕
អត្ថបទ៖សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ