សុខភាព
មូលហេតុ និងរោគសញ្ញា ដែលអាចបង្កឲ្យមានជាជំងឺទាចទឹក
ជំងឺទាចទឹក (Ascites) គឺជាវត្តមានទឹកដក់នៅក្នុងស្រោមពោះ ហើយមិនមែនជាឈាម។
ក) តើមូលហេតុអ្វីខ្លះ ដែលអាចបង្កឲ្យមានជាជំងឺទាចទឹក?
មូលហេតុសំខាន់ៗ ដែលអាចបណ្តាលឲ្យកើតទាចទឹកមាន៖
– ជំងឺក្រិនថ្លើម (Liver Cirrhosis) ដែលមានប្រមាណជា ៨០%
– ជំងឺខ្សោយតម្រងនោមរ៉ាំរ៉ៃ (Chronic Renal Failure)
– ជំងឺខ្សោយបេះដូង
– ជំងឺរបេងស្រោមពោះ ឬ ពោះវៀន
– ជំងឺមហារីកស្រោមពោះ ឬ ការរាលដាលមកក្នុងស្រោមពោះ (Peritoneal Metastases) នៃជំងឺមហារីកផ្សេងៗដូចជា មហារីកថ្លើម លំពែង ក្រពះ ពោះវៀនធំ ឬ ក្រពេញអូវែរជាដើម។
ខ) រោគសញ្ញា៖
រោគសញ្ញាដែលអាចឲ្យយើងដឹងថា អ្នកជំងឺម្នាក់មានជំងឺទាចទឹក មានដូចជា៖
– ពោះឡើងតឹងធំ និង ភ្លឺរលោង
– ផ្ចិតប៉ោងធំខុសពីធម្មតា(ករណីមានទឹកដក់ច្រើន)
– ការថយចុះនូវបរិមាណទឹកនោម
– ហើមជើងទាំងសងខាង
– ឡើងទម្ងន់ខុសពីធម្មតា ប៉ុន្តែរូបរាងអ្នកជំងឺស្គមស្គាំង (ឡើងតឹងធំតែពោះ)។
គេអាចរកឃើញទាចទឹក ដោយការពិនិត្យរាងកាយអ្នកជំងឺដោយឲ្យគាត់គេងផ្អៀង រួចសង្កេតមើលទៅលើពោះ និងយកដៃស្ទាប ហើយគោះលើពោះរកសំឡេងទឹកក្នុងស្រោមពោះ។គ្រូពេទ្យអាចស្វែងរកឃើញនូវរោគសញ្ញានៃជំងឺផ្សេងៗ ដែលជាមូលហេតុដូចបានរៀបរាប់ខាងលើផងដែរ។
ករណីទាចទឹក ដែលមានបរិមាណតិចតួច ការធ្វីរោគវិនិច្ឆ័យអាចធ្វើទៅបានតាមរយះរូបភាពវេជ្ជសាស្ត្រផ្សេងៗដូចជា អេកូសាស្ត្រ (Abdomen Ultrasound) ឬស៊ីធីស្កែន (CT Scan)។
ចំណាំ៖ ករណីមួយចំនួន អាចបង្កឲ្យពោះរបស់អ្នកឡើងរីកតឹងធំខុសពីធម្មតា ដែលវាមិនមែនជាជំងឺទាចទឹកដូចជាៈ
– ប្លោកនោម ដែលពេញទៅដោយទឹកនោម នៅពេលស្ទះទឹកនោម
– ពេលមានផ្ទៃពោះ (ចំពោះស្ត្រី)
– ខ្យល់ក្នុងពោះវៀន ករណីស្ទះពោះវៀន
– ដុំគីសនៅក្នុងដៃស្បូន (ចំពោះស្ត្រី) ។ល។
ដូច្នេះមានតែការទៅជួបពិគ្រោះជាមួយគ្រួពេទ្យទេ ដែលអាចបញ្ជាក់ច្បាស់ពីរោគវិនិច្ឆ័យនេះបាន។
គ) តើអ្នកគួរធ្វើដូចម្តេច នៅពេលដែលអ្នកសង្ស័យថាមានជំងឺទាចទឹក?
អ្នកគួរទៅជួបពិគ្រោះជំងឺជាមួយវេជ្ជបណ្ឌិតជំនាញ ដើម្បីធ្វើរោគវិនិច្ឆ័យរកមូលហេតុ និងធ្វើការព្យាបាលតាមបច្ចេកទេសឲ្យបានត្រឹមត្រូវ។ មូលហេតុមួយចំនួនអាចព្យាបាលជាសះស្បើយដូចជាជំងឺរបេងស្រោមពោះ ឬ របេងពោះវៀន។ល។ ផ្ទុយទៅវិញ មូលហេតុផ្សេងៗទៀត អាចក្លាយជាជំងឺរ៉ាំរ៉ៃ ឬអាចបណ្តាលឲ្យប៉ះពាល់ដល់អាយុជីវិតលោកអ្នកទៀតផង។ ជៀសវាងការប្រើប្របាស់ឱសថដោយខ្លួនឯង ដោយពុំមានវេជ្ជបញ្ជា និងថ្នាំបុរាណទាំងឡាយណាដែលពុំមានប្រភពច្បាស់លាស់ ។
បញ្ជាក់ៈ ជំងឺក្រិនថ្លើម(Liver cirrhosis) ជាមូលហេតុចម្បងនៃជំងឺទាចទឹក។ ជំងឺក្រិនថ្លើមនេះ អាចបណ្តាលមកពីជំងឺរលាកថ្លើមរ៉ាំរ៉ៃបង្កដោយ វីរុស បេ និង សេ (Hepatitis B and C) ឫការទទួលទានស្រាលើសកម្រិតយូររ៉ាំរ៉ៃ និងខ្លាញ់រុំថ្លើម(Steato-Hepatitis)។ “សូមមកពិគ្រោះយោបល់ជាមួយក្រុមវេជ្ជបណ្ឌិតជំនាញឯកទេសជំងឺថ្លើមនៃមន្ទីរពេទ្យកាល់ម៉ែត ដើម្បីស្វែងរកមូលហេតុនៃជំងឺទាំងនេះ និងទទួលយកការព្យាបាលឲ្យទាន់ពេលវេលា។“៕
អត្ថបទ៖ រស្មី
សូមចុចអាន៖ តើការធ្លាក់ឈាមស្រស់ៗនៅពេលបន្ទោបង់លាមក សុទ្ធតែជាជំងឺឫសដូងបាតឬ?
សម្តេចធិបតី ហ៊ុន ម៉ាណែត៖ ការរៀបចំយុទ្ធគុនចម្រុះខ្មែរបុរាណគឺសុបិនក្លាយជាការពិត
ឥណ្ឌាទទួលបានសារគំរាមដោយគ្រាប់បែកជាង៧០លើកនៅលើយន្តហោះ
ប្រធានាធិបតីថ្មីដឹកដៃកូនប្រធានាធិបតីចាស់ បេ្តជ្ញាបន្តកសាងឥណ្ឌូណេស៊ីស៊ីវិល័យ
មូលនិធិកសាងហេដ្ឋារចនាសម្ព័ន្ធតាមព្រំដែន នឹងបិទបញ្ចប់នៅថ្ងៃទី៣១ ខែតុលា
ឥណ្ឌូណេស៊ីរកឃើញប្រធានាធិបតីថ្មី បន្តពីលោកវីដូដូដែលដឹកនាំ២អាណត្តិ
ភ្លើងឆេះផ្ទះដ៏សាហាវឆក់យកជីវិតមនុស្ស ៩នាក់នៅភាគខាងកើតប្រទេសចិន
មនុស្សជាង១លាននាក់រងផលប៉ះពាល់ដោយទឹកជំនន់នៅស៊ូដង់ខាងត្បូង
អ៊ីរ៉ង់ថា ក្រុមហេសបូឡា វាយប្រហារដោយដ្រូនលើលំនៅឋាននាយករដ្ឋមន្ត្រីអ៊ីស្រាអែល
នគរបាលទាំង១០៥ប៉ុស្តិ៍រដ្ឋបាលទូទាំងភ្នំពេញបានបន្តយកចិត្តទុកដាក់បម្រើសេវាសាធារណៈដល់ពលរដ្ឋ
២សប្តាហ៍មកនេះ មន្ត្រីផ្តល់អត្តសញ្ញាណបណ្ណសញ្ជាតិខ្មែរជាង១ម៉ឺនសន្លឹកទៀតជូនពលរដ្ឋ
-
ព័ត៌មានអន្ដរជាតិ៤ ថ្ងៃ agoអ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៦ ថ្ងៃ agoនគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៦ ថ្ងៃ agoភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ៧ ថ្ងៃ agoផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ២ ថ្ងៃ agoប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
សន្តិសុខសង្គម១ សប្តាហ៍ agoផ្គររន្ទះបាញ់សម្លាប់ស្ត្រីវ័យ៣០ឆ្នាំម្នាក់ ខណៈកំពុងឃ្វាលគោតាមវាលស្រែ
-
ជីវិតកម្សាន្ដ៤ ថ្ងៃ agoមិនមែនជាការស្លាប់ធម្មតា ប៉ូលីសបានរកឃើញថ្នាំជាច្រើន ក្នុងបន្ទប់ Liam ដែលមានភាពរញ៉េរញ៉ៃ
-
ព័ត៌មានអន្ដរជាតិ៦ ថ្ងៃ agoហេតុអ្វីឆ្នាំនេះ ព្យុះសាហាវៗម្ល៉េះ?