ព័ត៌មានជាតិ
ឪពុកស្លាប់ ម្តាយតាមប្តីថ្មី ទុកកូនស្រីអាយុ ៤ឆ្នាំចោល ត្រូវជីតារំលោភច្រើនដង ទើបបែកការ
សៀមរាប៖ កុមារីកំសត់ម្នាក់មានវ័យ៤ឆ្នាំ កំព្រាឪពុក ហើយម្តាយទៅតាមប្តីថ្មី ទុកឲ្យនៅជាមួយជីតាថែរក្សា តែត្រូវជីតារំលោភជាច្រើនដង ទើបបែកធ្លាយដល់សមត្ថកិច្ច។
លោកវរសេនីយ៍ឯក ជា ហេង នាយការិយាល័យនគរបាលប្រឆាំងការជួញដូរមនុស្ស និងការពារអនីតិជននៃស្នងការដ្ឋានខេត្តសៀមរាបបានឲ្យដឹងថា ជនសង្ស័យត្រូវបានចាប់ខ្លួនកាលពីល្ងាចថ្ងៃទី៣ខែមេសាឆ្នាំ២០២១ តាមបញ្ជាតំណាងអយ្យកាអមសាលាដំបូងខេត្ត។ កាលពីថ្ងៃទី០៣ខែមេសា ឆ្នាំ២០២១ ឈ្មោះធី ជា ដែលត្រូវជាជីដូនក្មេងស្រីរងគ្រោះបានមកប្តឹង នៅប៉ុស្តិ៏នគរបាលរដ្ឋបាលស្រង៉ែថា ក្មេងរងគ្រោះឈ្មោះ ទ.អ អាយុ ៤ ឆ្នាំ ត្រូវជីតាឈ្មោះលាក់ លាង រំលោភសេពសន្ថវៈមកលើខ្លួនបាន ៣ដង ។
ក្រោយពីទទួលបណ្តឹង លោកបានរាយការជូនព្រះរាជអាជ្ញាសុំគោលការណ៍។ ភ្លាមនោះកម្លាំងរបស់លោក សហការជាមួយកម្លាំងប៉ុស្តិ៍ស្រង៉ែ បានកោះហៅឈ្មោះ លាក់ លាង ភេទប្រុសអាយុ៥២ឆ្នាំ ទីលំនៅភូមិស្រង៉ែ សង្កាត់ស្រង៉ា ក្រុងសៀមរាប មកធ្វើការសាកសួរ។
តាមការសាកសួរ ជននេះបានសារភាពថា បានរំលោភសេពសន្ថវៈមកលើឈ្មោះ ទ.អ ត្រូវជាចៅបង្កើតរបស់ខ្លួនបានចំនួនតែ ២ ដងទេ គឺពិតប្រាកដមែន កាលពីអំឡុងខែកុម្ភៈឆ្នាំ២០២១។ ចៅស្រីនេះត្រូវបានម្តាយយកមកផ្ញើ ក្រោយពេលប្តីស្លាប់ ហើយនាងយកប្តីទៅរកស៊ីតាមប្តីថ្មីនោះ។
លោកនាយការិយាល័យបញ្ជាក់ថា ក្រោយពេលសាកសួរនិងចាប់ខ្លួន សមត្ថកិច្ចបានកសាងសំណុំរឿង ដើម្បីបញ្ជូនទៅតុលាការ។ ចំណែកកុមារីរងគ្រោះដែលជាក្មេងកំព្រារស់នៅជាមួយជីតាត្រូវប្រគល់ឲ្យមន្ទីរសង្គមកិច្ចខេត្តសៀមរាប ដើម្បីគ្រប់គ្រងតាមជំនាញ។
ក្នុងករណីខាងលើនេះ ក្រុមអ្នកភូមិដែលរស់នៅក្បែរខាងបានបង្ហាញពីក្តីសោកសង្រេង និងខ្លោចផ្សារជាទីបំផុត។ ពួកគាត់លើកឡើងថា កុមារីដ៏សែនអភ័ព្វនេះ ក្រោយពេលឪពុករបស់គេស្លាប់ទៅ ម្តាយបានយកប្តីថ្មី ហើយទៅតាមប្តី ដោយទុករូបគេអោយនៅជាមួយជីតា ទាំងទើបមានអាយុ៣ទៅ៤ឆ្នាំប៉ុណ្ណោះ។ តែក៏មិនដែលនឹកថា ជីតា រូបនេះងុបងល់ដោយភ្លើងតណ្ហា បំផ្លាញអនាគតចៅ ទាំងទើបមានវ័យត្រឹមតែ៤ឆ្នាំប៉ុណ្ណោះ៕
អត្ថបទ៖ កុសល
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ