ព័ត៌មានជាតិ
បង្កើតចលនា “ចូលឆ្នាំនៅផ្ទះ” ដើម្បីយកឈ្នះជំងឺកូវីដ សូមបងប្អូនចូលរួមទាំងអស់គ្នា
ការរាលដាលកូវីដនៅប្រទេសកម្ពុជា បានបង្កើតក្តីព្រួយបារម្ភពីផលប៉ះពាល់សុខភាពសាធារណ:ក្នុងរយ:ពេលយូរ និងហានិភ័យផលរំខានដល់កំណេីនសេដ្ឋកិច្ចគ្រួសារ និងសង្គម។
លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល បានបង្កើតចលនាមួយ ដើម្បីប្រយុទ្ធមេរោគដ៏កាចសាហាវនេះ។
ជាមួយការអនុវត្តវិធានការ ៣ ការពារ + ៣កុំ + ចាក់វ៉ាក់សាំងកូវីដ-១៩ បញ្ចៀសការចម្លងជំងឺកូវីដ-១៩ ក្នុងសហគមន៍លោកជំទាវបានបង្កេីតចលនា “ ចូលឆ្នាំនៅផ្ទះ “ ឫ “New Year at Home” សម្រាប់ថ្ងៃឈប់សម្រាកបុណ្យចូលឆ្នាំប្រពៃណីជាតិខាងមុខ ឲ្យពលរដ្ឋចៀសវាងការជួបជុំគ្នា ដើម្បីរួមគ្នាបញ្ចប់ព្រឹត្តិការណ៍ ២០ កុម្ភៈ អាចឆាប់វិលត្រឡប់ទៅការរស់នៅធម្មតាវិញ។
ដោយចោទសួររិះគិត រដ្ឋលេខាធិការបានលើកពីបញ្ហា “ហេតុអ្វីបានជាបុគ្គលខ្លះ មិនអនុវត្តន៍បាននូវវិធានការការពារដែលអាចកាត់ផ្តាច់ខ្សែចម្លងវីរុសកូវីដ-១៩បាន?”
លោកជំទាវថ្លែងបញ្ជាក់យ៉ាងដូច្នេះថា “បេីខ្ញុំអាចអនុវត្តន៍ជំនួសពួកគាត់បាន ខ្ញុំប្រាកដជាធ្វេីជូនពួកគាត់ តែបេីខ្ញុំធ្វេី គឺការពារបានតែរូបខ្ញុំ និងការពារមិនចម្លងជំងឺសាហាវនេះ ទៅក្រុមគ្រួសារខ្ញុំតែប៉ុណ្ណោះ”។
លោកជំទាវថ្លែងសង្កត់ថា សុខចិត្តលំបាកក្នុងរយ:ពេលខ្លី នាំគ្នាអនុវត្តន៍វិធានការការពារទាំងអស់គ្នា ដើម្បីចៀសផុតនូវការលំបាកក្នុងរយ:ពេលវែង ឆាប់បានធ្វេីឱ្យមានការងេីបឡេីងវិញនូវសេដ្ឋកិច្ចគ្រួសារ និងសេដ្ឋកិច្ចសង្គមជាតិយេីងផងដែរ។
លោកជំទាវជំរុញពលរដ្ឋអនុវត្តចលនា “ចូលឆ្នាំនៅផ្ទះ” ដើម្បីប្រយុទ្ធនឹងជំងឺកូវីដ-១៩ ឱ្យឈ្នះទាំងអស់គ្នា៕
អត្ថបទ៖ ប៊ុណ្ណារ៉ា
-
ព័ត៌មានជាតិ១ សប្តាហ៍ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+១១ ម៉ោង ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ១ សប្តាហ៍ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ១៣ ម៉ោង ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល