ខេត្តព្រះសីហនុ រកឃើញអ្នកមាន​ទំនាក់ទំនងក្នុងព្រឹត្តិការណ៍​០៣វិច្ឆិកា ជាង២០០នាក់ – Kampuchea Thmey Daily
Connect with us

ព័ត៌មានជាតិ

ខេត្តព្រះសីហនុ រកឃើញអ្នកមាន​ទំនាក់ទំនងក្នុងព្រឹត្តិការណ៍​០៣វិច្ឆិកា ជាង២០០នាក់

Published

on

លោក ឃាង ភារម្យ អ្នកនាំពាក្យ សាលាខេត្តព្រះសីហនុ បានឲ្យដឹងនៅថ្ងៃទី១១ ខែវិច្ឆិកានេះថា តាមរបាយការណ៍ក្រុមការងារបច្ចេកទេសសុខាភិបាលខេត្ត គិតត្រឹមព្រឹកថ្ងៃទី១១ ខែវិច្ឆិកានេះ មានប្រជាពលរដ្ឋដែលបានជួបប្រាស្រ័យ ជាមួយមន្រ្តីរាជរដ្ឋាភិបាល ដែលបានចូលរួមក្នុងព្រឹត្តិការណ៍៣វិច្ឆិកាកន្លងមកចំនួន២២០នាក់ ហើយក្នុងនោះមាន១៦នាក់ ជួបផ្ទាល់ និង២០៤នាក់ ជួបដោយប្រយោល ក្នុងនោះបានយកសំណាកចំនួន៤០នាក់ ទៅពិសោធន៍រកជំងឺកូវីដ-១៩ នៅវិទ្យាស្ថានប៉ាស្ទ័រកម្ពុជា។

លោកបានបន្តទៀតថា ដើម្បីទប់ស្កាត់ជំងឺកូវីដ-១៩ រដ្ឋបាលខេត្តព្រះសីហនុ ដោយមានការឯកភាពពីក្រសួងអប់រំ យុវជន និងកីឡា បានសម្រេចផ្អាកសាលារៀនចំនួន៤ឃុំ រយៈពេល២សប្តាហ៍ រួមមានឃុំទួលទទឹង ឃុំរាម ឃុំឧកញ៉ា​ហេង និងឃុំព្រៃនប់ ដើម្បីទប់ស្កាត់កូវីដ-១៩។

លោកបានរំលឹកថា ការសម្រេចផ្អាកការសិក្សានៅតាមឃុំទាំង៤ខាងលើនេះ ដោយសារកាលពីពេលថ្មីៗនេះ មានវត្តមាន​​មន្រ្តីរដ្ឋាភិបាល ដែលបានចូលរួមក្នុងព្រឹត្តិការណ៍ ៣វិច្ឆិកា បានចុះទៅធ្វើការដោះស្រាយទំនាស់ជូនប្រជាពលរដ្ឋនៅភូមិអុង ភូមិទួលទទឹង និងភូមិជំពូខ្មៅ ។

យ៉ាងណាក៏ដោយ លោកបានបន្តថា មន្រ្តីរាជរដ្ឋាភិបាល ដែលបានចុះជួយដោះស្រាយទំនាស់ជូនប្រជាពលរដ្ឋក្នុងភូមិចំនួន៣ខាងលើ គឺសុខភាពរបស់លោក មានស្ថានភាពធម្មតា ដោយធ្វើតេស្តសុខភាពទទួលលទ្ធផលអវិជ្ជមាន ចំនួនពីរដងរួចហើយ។

លោកបានណែនាំឲ្យប្រជាលពលរដ្ឋដែលពាក់ព័ន្ធចូលរួមសហការអនុវត្តនូវវិធានការធ្វើចត្តាឡីស័ក តាមការណែនាំរបស់ក្រសួងសុខាភិបាល ដោយយកចិត្តទុកដាក់ហើយសមស្របតាមស្ថានភាពជាក់ស្តែង៕

អត្ថបទ ៖ សំអឿន

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ1 hour ago

ម្ចាស់​ឃ្លិប​វីដេអូ​ ដែល​បែកធ្លាយ​បាន​បដិសេធ​ថា​ខ្លួន​មិន​ជាប់​សាច់​ឈាម ឬ ជាកូនស្រី​បង្កើត​របស់​លោក​ឆែម សាវុធទេ (Videos)

ព័ត៌មានជាតិ3 hours ago

អ្នក​ពាក់ព័ន្ធ​ដោយផ្ទាល់និងប្រយោល ក្នុងព្រឹត្តិការណ៍​២៨​វិច្ឆិកា នៅ​ខេត្តកំពង់ចាម មានចំនួន៣៣នាក់

ព័ត៌មានជាតិ3 hours ago

លោកស្រី ឱ វណ្ណឌី​ន ​៖ ​សូមអ្នក​ដែល​ប៉ះពាល់​ផ្ទាល់​នឹង​ព្រឹត្តិការណ៍​២៨​វិច្ឆិកា​សូម​ឲ្យ​មាន​ភាពស្មោះត្រង់​

ព័ត៌មានជាតិ4 hours ago

BREAKING ៖ សម្តេច​តេ​ជោ សម្រេច​បញ្ចេញ​ម៉ាស​២​លាន​ដោយ​១​លាន​សម្រាប់​ភ្នំពេញ និង​១​លាន​សម្រាប់​ខេត្តសៀមរាប​

ព័ត៌មានជាតិ5 hours ago

លោក​ហ៊ុន​ ម៉ា​នី​ ទទួលលទ្ធផល​តេស្ត​អវិជ្ជមាន​វីរុស​កូ​វីដ​១៩

ព័ត៌មានពេញនិយម