ពលរដ្ឋ​ក្រីក្រ​និង​រងគ្រោះ​ដោយ​ទឹកជំនន់​២៥០​គ្រួសារ​នៅ​ស្រុក​ឧដុង្គ ​ទទួល​​អំណោយ​សង្គ្រោះ​ – Kampuchea Thmey Daily
Connect with us

ព័ត៌មានជាតិ

ពលរដ្ឋ​ក្រីក្រ​និង​រងគ្រោះ​ដោយ​ទឹកជំនន់​២៥០​គ្រួសារ​នៅ​ស្រុក​ឧដុង្គ ​ទទួល​​អំណោយ​សង្គ្រោះ​

Published

on

ភ្នំពេញ ​៖ ​ប្រជាពលរដ្ឋ​គ្រួសារ​ក្រីក្រ​និង​រងគ្រោះ​ដោយសារ​ទឹកជំនន់ ទឹកភ្លៀង​ចំនួន​២៥០​គ្រួសារ ស្ថិតក្នុង​ឃុំ​វាល​ពង់ ស្រុក​ឧដុង្គ ខេត្តកំពង់ស្ពឺ​នៅ​ព្រឹក​ថ្ងៃទី​១៤​ខែវិច្ឆិកា​ឆ្នាំ​២០២០​នេះ​ បាន​ទទួល​អំណោយ​សង្គ្រោះ​ពី​លោក​កិត្តិ​សេដ្ឋា​បណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រី​ក្រសួងផែនកា​រ និង​ជា​ប្រធាន​ក្រុមការងារ​គណបក្ស​ចុះ​មូលដ្ឋាន​ខេត្តកំពង់ស្ពឺ​។

ថ្លែង​នៅក្នុង​ពិធី​នាឱកាស​នោះ​លោក​ទេសរដ្ឋមន្ត្រី​ឆាយ ថន បាន​មានប្រសាសន៍ថា ក្នុងស្ថានភាព​ដ៏​អាក្រក់​នេះ មិន​ថា​ប្រទេស​កម្ពុជា ឬ​ប្រទេស​ណាមួយ​នោះទេ គឺ​ពិភពលោក​ទាំងមូល កំពុង​ជួបប្រទះ​នឹង​ស្ថានភាព​មួយ​ដ៏​គួរឱ្យ​ព្រួយបារម្ភ និង​យកចិត្តទុកដាក់ ប្រុងប្រយ័ត្ន​ខ្ពស់បំផុត ពី​ការ​រាតត្បាត​នៃ​មេរោគ​កូ​វីដ​១៩ ដែល​ទាមទារ​ឱ្យ​យើង​រួមគ្នា​ដោះស្រាយ​។

លោក​ទេសរដ្ឋមន្ត្រី​បាន​បន្ត​ថា ​ឆ្លើយតប​នឹង​បញ្ហា​នេះ រាជរដ្ឋាភិបាល​កម្ពុជា ដែលមាន​សម្តេច​តេ​ជោ ហ៊ុន សែន ជា​ប្រមុខ បានដាក់​ចេញ​នូវ​យន្តការ​ដោះស្រាយ​ជា​បន្តបន្ទាប់ ដែល​ក្នុង​គ្រានេះ រាជរដ្ឋាភិបាល​បាន​ដាក់ចេញ​សេចក្តី​សម្រេច​ស្តីពី​ការបង្កើត​ក្រុមការងារ​ចំពោះ​កិច្ច​រៀបចំ និង​គ្រប់គ្រង​យន្តការ​ជំនួយ​សង្គម​ក្នុងអំឡុងពេល​ប្រយុទ្ធ​ប្រឆាំងនឹង​ជំងឺ​កូ​វីដ​-១៩ ដែល​ក្នុងចំណោម​ភារកិច្ច​ទាំងនោះ មាន​ភារកិច្ច​សំខាន់​មួយ គឺ​ការកំណត់​អត្តសញ្ញាណ​កម្ម​គ្រួសារ​ក្រីក្រ ក្រុម​ជន​ងាយ​រងគ្រោះ និង​ក្រុម​ជន​ដែល​ត្រូវការ​ការ​គាំពារ​ជា​ចាំបាច់​ផ្សេងៗ​ទៀត នៅក្នុង​អំឡុងពេល​ប្រយុទ្ធ​ប្រឆាំងនឹង​ជំងឺ​កូ​វីដ​-១៩។

លោក​ទេសរដ្ឋមន្ត្រី​បាន​ផ្តាំផ្ញើ​ដល់​បងប្អូន​ប្រជាពលរដ្ឋ​ទាំងអស់ សូម​រក្សា​សុខភាព​ឲ្យ​បាន​ល្អ ទោះ​ក្នុង​ស្ថាន​ភាព​បែប​ណា​ក៏​ដោយ ក៏​រាជរដ្ឋាភិបាល​នៅ​ជាមួយ​បងប្អូន​ប្រជាពលរដ្ឋ​ទាំងអស់ រួមសុខទុក្ខ​ជាមួយគ្នា​គ្រប់​កាលៈទេសៈ និង​សូម​ជឿជាក់​លើ​ប្រមុខ​រាជរដ្ឋាភិបាល​កម្ពុជា យើង​នៅតែ​អាច​គ្រប់គ្រង​បាន​ស្ថានការណ៍​ដ៏​អាក្រក់​នេះ​ប្រកបដោយ​ប្រសិទ្ធភាព ព្រមជាមួយ​នឹង​បន្ត​ការរក្សាបាន​នូវ​សុខសន្តិភាព​ពេញលេញ ឯកភាព​ជាតិ បូរណភាព​ទឹកដី ស្ថិរភាព​នយោបាយ បន្ត​ការលើកស្ទួយ​លទ្ធិប្រជាធិបតេយ្យ និង​នីតិរដ្ឋ ជាពិសេស​ការ​រក្សា​បាន​នូវ​ស្ថានភាព​ម៉ាក្រូសេដ្ឋកិច្ច​ល្អប្រសើរ​។

គួរ​បញ្ជាក់​ថា ​បងប្អូន​ប្រជាពលរដ្ឋ​គ្រួសារ​ក្រីក្រ​និង​រងគ្រោះ​ដោយ​ទឹកជំនន់​ចំនួន​២៥០​គ្រួសារ​ដោយ​ក្នុង​មួយ​គ្រួសារ​ទទួលបាន អង្ករ​ចំនួន​២៥​គ​.​ក្រ មី​ចំនួន​១​កេស ទឹកត្រី​ចំនួន​១​យួរ​, ទឹកស៊ីអ៊ីវ​១​យួរ​, ទឹកបរិសុទ្ធ​១​កេស និង​ថវិកា​ចំនួន​២​ម៉ឺន​រៀល​៕
ដោយ ៖ សំអឿន

ចុច Like Facebook កម្ពុជាថ្មី

ព័ត៌មានជាតិ8 mins ago

ឆេះ​ឃ្លាំង​ស្តុក​សម្ភារៈសំណង់ និង​ខ្សែភ្លើង សំណាង​មិន​មាន​គ្រោះថ្នាក់​ដល់​មនុស្ស

ព័ត៌មានជាតិ40 mins ago

លោក សុខ ទូច​ ៖ ដើម្បី​ឲ្យ​រោងចក្រ និង​សង្វាក់​ផលិតកម្ម​នៅ​ឧទ្យាន​ជាតិ​តេ​ជោ​សែន​ឫស្សី​ត្រឹប អាច​ដើរ​បាន យើង​ត្រូវការ​គោ​ទឹកដោះ​ចំនួន​៣០០​ក្បាល

ព័ត៌មានជាតិ53 mins ago

ពេទ្យ​រដ្ឋ​ទាំងអស់​រង់ចាំ​បម្រើសេវា​គ្រប់ពេល​ក្រោយ​ទទួល​បាន​ការវិនិយោគ​រយៈ​ពេល​វែង

ព័ត៌មានជាតិ2 hours ago

អតីត​យុទ្ធជន​អាច​បន្ត​បើក​របប​សន្តិសុខ​សង្គម​ ​តាម​សាខា​ធានា​គារ​អេ​ស៊ីលីដា និង​កា​ណា​ឌីយ៉ា

ព័ត៌មានជាតិ2 hours ago

​មកដឹង​តម្លៃ​លក់រាយ​ប្រេងសាំង​ ចាប់​ពីថ្ងៃទី១៦ ដល់ថ្ងៃទី៣១ ខែមករា ឆ្នាំ២០២១

ព័ត៌មានពេញនិយម