​ស្លាប់កម្មករសំណង់៣នាក់ ដោយសាររថយន្តបុកពីក្រោយ​ – Kampuchea Thmey Daily
Connect with us

ព័ត៌មានជាតិ

​ស្លាប់កម្មករសំណង់៣នាក់ ដោយសាររថយន្តបុកពីក្រោយ​

Published

on

មនុស្ស ៣នាក់ បានស្លាប់យ៉ាងរន្ធត់នៅក្នុងថ្លុកឈាម ក្រោយជិះម៉ូតូឌុបគ្នាតាមដងផ្លូវ ត្រូវរថយន្ត ម៉ាក  NISSAN​ DIESEL បើកបុកពីក្រោយពេញទំហឹង ​​កាលពី​វេលាម៉ោង ២២ និង​១០នាទី យប់ ថ្ងៃទី១៤ ខែវិច្ឆិកា ឆ្នាំ២០២០ នៅលើផ្លូវកំណាត់ផ្លូវលេខ២១៧ ហៅ ផ្លូវ ចំការដូង សិ្ថតក្នុង ភូមិរលួស សង្កាត់​ជើងឯក ខណ្ឌដង្កោ រាជធានីភ្នំពេញ ។

សពជនរងគ្រោះទាំង ៣នាក់ ទី១ ឈ្មោះ នង វិសា ភេទប្រុស អាយុ ១៨ឆ្នាំ មុខរបរ​ជាងសំណង់ មានទី​លំ​នៅ ភូមិ​ពោធិ៍រាជ ឃុំ​ ពោធិ៍រាជ ស្រុក ស្វាយជ្រុំ ខេត្ត ស្វាយរៀង(អ្នកបើកបរម៉ូតូ) , ទី២ឈ្មោះ ចេង ជូ ភេទ​ ប្រុស អាយុ ២៨ឆ្នាំ មុខរបរ ជាងសំណង់ មានទីលំនៅឋិតក្នុងភូមិ ជាំបឹង ឃុំ​ ស្រើង ស្រុក ប្រាសាទ​សំបូរ ខេត្ត កំពង់ធំ និងទី៣ឈ្មោះ សុក ភណ្ឌ័ ភេទ ប្រុស អាយុ​ ៣០ឆ្នាំ មុខរបរ ជាងសំណង់ មានទីលំនៅ​ក្នុងភូមិ ជាំបឹង ឃុំ​ ស្រើង ស្រុក ប្រាសាទសំបូរ ខេត្ត កំពង់ធំ ។

​ចំណែកអ្នក​បើកបរ​រថយន្ត​បង្ក មានឈ្មោះ គន់ សុខឃឿន ភេទប្រុស អាយុ ៤២ឆ្នាំ មុខរបរ ​មានទីលំនៅ​ភូមិមៀន  ឃុំ​មៀន ស្រុកអូរាំងឪ ខេត្ត​ ត្បូងឃ្មុំ (ត្រូវបានសមត្ថកិច្ចឃាត់ខ្លួន)។

​សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍នេះ គឺកើតឡើងខណៈដែល ម៉ូតូម៉ាក HONDA C125​ ពណ៌ ខ្មៅ ពាក់ស្លាកលេខ ភ្នំពេញ 1GX-5865 ជិះឌុបគ្នា៣នាក់ ស្របទិសគ្នាពីត្បូង​ទៅជើង​តាម​បណ្ដោយ​ផ្លូវ​ខាងលើ លុះដល់ចំណុចកើតហេតុ ក៏មានរថយន្ត ម៉ាក  NISSAN​ DIESEL​ ពណ៌ ស ខៀវ  ពាក់ស្លាក​លេខ ភ្នំពេញ 3D-1148 បើកស្របទិសគ្នាមកពីក្រោយបុកម៉ូតូពីក្រោយពេញមួយទំហឹង បណ្ដាលឲ្យ​អ្នកជិះ​ម៉ូតូទាំង០៣នាក់ ស្លាប់បាត់បង់ជីវិតនៅនិងកន្លែងកើតហេតុយ៉ាងរន្ធត់រណូករណែលពេញផ្លូវតែម្តង។ ​

​រថយន្ត និងម៉ូតូ ត្រូវបានយកទៅរក្សាទុកនៅការិយាល័យចរាចរណ៍ជើងគោក នៃស្នងការដ្ឋាននគរ​បាល​រាជធានីភ្នំពេញ ដើម្បី រង់ចាំដោះស្រាយគ្នាតាមច្បាប់ ។ ចំណែកសព ត្រូវបានប្រគល់​ឲ្យក្រុម​គ្រួសារ​យក​ទៅធ្វើបុណ្យតាមប្រពៃណី៕

អត្ថបទ ៖ រ៉ាវុទ្ធ

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ5 mins ago

ចង់​ដឹង​ទេតើ​រោគសញ្ញា​ជំងឺ​កូ​វីដ​១៩​ និង ​ជំងឺ​ផ្តាសាយ​ មាន​លក្ខណៈ​ខុសគ្នា​ត្រង់​ណាខ្លះ

ព័ត៌មានជាតិ14 mins ago

ក្រសួង​អប់រំ​ បើក​វេទិកា​សិក្សា​តាម​ប្រព័ន្ធ​អេ​ឡិច​ត្រូ​និ​ច​ជាដំបូង​នៅ កម្ពុជា

ព័ត៌មានជាតិ39 mins ago

នាយករដ្ឋមន្ត្រី​ដាក់​បញ្ជា​អោយ​បង្ហាញ​អត្តសញ្ញាណ​អ្នកពាក់ព័ន្ធ​ជំងឺ​កូ​វីដ​១៩

ព័ត៌មានជាតិ2 hours ago

មន្ទីរ​សាធារណការ​ជួសជុល​ផ្លូវជាតិ​លេខ​៥​រងគ្រោះ​ដោយ​ទឹកជំនន់​ចន្លោះ​ស្ពាន​តា​ផាន់​ដល់​រង្វង់​មូល​ស្រី​គ្រប់លក្ខណ៍

ព័ត៌មានជាតិ2 hours ago

រមណីយដ្ឋាន​ឆ្នេរ​ខ្សាច់​កោះ​ប៉ែន ខុសប្លែក​ពី​រាល់​ឆ្នាំ ខណៈ​ចាប់​ផ្តើមក​សាង​ហើយ

ព័ត៌មានពេញនិយម