ព័ត៌មានជាតិ

ក្រសួងអប់រំប្រកាសជ្រើសរើសក្របខណ្ឌគ្រូបង្រៀន៣៦០០កន្លែង សម្រាប់ឆ្នាំ២០២១

បានផុស

៣ years មុន

នៅ

ថ្ងៃពុធ ១៨ វិច្ឆិកា ២០២០

ដោយ

ភ្នំពេញ ៖ ក្រសួងអប់រំយុវជននិងកីឡា បានប្រកាសជ្រើសរើសក្របខណ្ឌគ្រូបង្រៀនចំនួន៣៦០០កន្លែងសម្រាប់ឆ្នាំ២០២១ដើម្បីបំពេញតម្រូវការនៅតាមអង្គភាពគ្រឹះស្ថានសិក្សាចំណេះទូទៅគ្រឹះស្ថានអប់រំបច្ចេកទេសនិងគ្រឹះស្ថានឧត្តមសិក្សាសាធារណៈ។

តាមរយៈសេចក្តីជូនដំណឹងរបស់ក្រសួងចុះផ្សាយនៅល្ងាចថ្ងៃទី១៨វិច្ឆិកានេះ លោកបណ្ឌិត សភាចារ្យ ហង់ជួនណារ៉ុន រដ្ឋមន្ត្រីក្រសួងអប់រំយុវជននិងកីឡាបានមានប្រសាសន៍ថាក្នុងចំណោមគ្រូបង្រៀន៣៦០០នាក់នោះ ក្រសួងសម្រេចបែងចែកក្របខណ្ឌដូចខាងក្រោម,១.ក្របខ័ណ្ឌគ្រូបង្រៀនមត្តេយ្យសិក្សាចំនួន២០០កន្លែង,២.ក្របខណ្ឌគ្រូបង្រៀនកម្រិតបឋមសិក្សាចំនួន១៥៥០កន្លែងបណ្ដុះបណ្ដាលតាមរូបមន្ត១២បូក២ចំនួន១២៥០កន្លែងនិងតាមរូបមន្ត ១២បូក៤ចំនួន៣០០កន្លែង។

៣.ក្របខ័ណ្ឌគ្រូបង្រៀនកម្រិតមូលដ្ឋានចំនួន៥០០កន្លែង ក្នុងនោះផ្នែកចំណេះទូទៅបណ្ដុះបណ្ដាតាមរូបមន្ត ១២បូក២ចំនួន២៨០ កន្លែងនិងតាមរូបមន្ត១២បូក៤ចំនួន២០០កន្លែងនិងផ្នែកអប់រំបំនិនជីវិតបណ្ដុះបណ្ដាលតាមរូបមន្ត១២បូក២ចំនួន២០កន្លែង។ ៤. ក្របខ័ណ្ឌគ្រូបង្រៀនកម្រិតមូលដ្ឋានអប់រំកាយនិងកីឡាចំនួន១៥០ កន្លែងដោយការបណ្ដុះបណ្ដាលតាមរូបមន្ត១២បូក២ចំនួន១២៥ កន្លែងនិងតាមរូបមន្ត១២បូក៤ចំនួន២៥ កន្លែង។៥.ក្របខ័ណ្ឌគ្រូបង្រៀនកម្រិតឧត្តមដែលបង្រៀននៅវិទ្យាល័យចំនួន១១០០ កន្លែងដោយផ្នែកចំណេះទូទៅបណ្ដុះបណ្ដាលតាមរូបមន្តបរិញ្ញាបត្របូក១ ចំនួន៩៨០កន្លែងនិងតាមរូបមន្តបរិញ្ញាបត្របូក២ចំនួន១០០កន្លែងផ្នែកអប់រំបច្ចេកទេសបណ្តុះបណ្តាលតាមរូបមន្តបរិញ្ញាបត្របូក១ចំនួន២០កន្លែង។៦.ក្របខណ្ឌគ្រូបង្រៀនកម្រិតឧត្តមបង្រៀននៅគ្រឹះស្ថានឧត្តមសិក្សាសាធារណៈចំនួន៨៥កន្លែងនិង៧.វិទ្យាស្ថានអប់រំពិសេសចំនួន១៥កន្លែងក្របខ័ណ្ឌមន្ត្រីគ្រប់គ្រងរដ្ឋបាលមន្ត្រីក្រមការនិងមន្ត្រីលេខាធិការ។

គួរបញ្ជាក់ថា ឆ្នាំ២០២១ខាងមុខនេះរដ្ឋាភិបាលបានជ្រើសរើសមន្ត្រីក្របខណ្ឌបម្រើការងារនៅតាមក្រសួងស្ថាប័ននានាចំនួន៦១០៦នាក់ ក្នុងនោះក្រសួងចំនួនពីរត្រូវការច្រើនជាងគេរួមមានក្រសួងសុខាភិបាលត្រូវ១៣០០នាក់និងក្រសួងអប់រំយុវជននិងកីឡាត្រូវការ៣៦០០នាក់៕
ដោយ ៖ សំអឿន

Related Topics:

Up Next

សម្តេចនាយករដ្ឋមន្ត្រី អនុញ្ញាតឲ្យបើកដំណើរការសាលារៀនឡើងវិញ នៅថ្ងៃទី២៣ខែវិច្ឆិកា

Don't Miss

លោកឧត្តមសេនីយ៍ត្រីសិទ្ធិឡោះ បន្តចែកអំណោយជូនពលរដ្ឋរងគ្រោះដោយទឹកជំនន់៤០គ្រួសារ