ព័ត៌មានជាតិ
ឆក់តាំងពីភ្នំពេញរហូតដល់បាត់ដំបង តែត្រូវសមត្ថកិច្ចចាប់បានទាំងក្រុម
ក្រុមចោរចំនួន ៦ នាក់ ដែលចេញធ្វើសកម្មភាពឆក់តាមផ្លូវជាតិ ក្នុងទិសដៅពីភ្នំពេញមកកាន់ខេត្តបាត់ដំបង ត្រូវបានកម្លាំងអធិការដ្ឋាននគរបាលស្រុកមោងឫស្សីចេញស្ទាក់ និងឈានដល់ការចាប់ខ្លួនបានទាំងសំបុក ខណៈដែលពួកគេកំពុងធ្វើដំណើរបណ្តើរ និងឆក់តាមផ្លូវបណ្តើរ ទិសដៅមកកាន់ក្រុងបាត់ដំបង។
តាមការលើកឡើងពី លោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានប្រាប់ឲ្យដឹងថា នៅថ្ងៃទី១៨ ខែវិច្ឆិកា ឆ្នាំ២០២០ កន្លងមកនេះកម្លាំងការិយាល័យជំនាញបានចេញប្រតិបត្តិការបង្ក្រាបឃាត់ខ្លួនក្រុមជនសង្ស័យជាមុខសញ្ញាជិះម៉ូតូឆក់ទ្រព្យសម្បត្តិ តាមផ្លូវបានចំនួន ៦នាក់ បន្ទាប់ពីមានសេចក្តីរាយការណ៍បន្ទាន់មួយពីសំណាក់ជនរងគ្រោះ ក៏ដូចជាពីបងប្អូនប្រជាពលរដ្ឋ។
លោកអធិការបានបន្តថា នៅថ្ងៃកើតហេតុជនសង្ស័យទាំងអស់ បានធ្វើដំណើរចេញពីភ្នំពេញដោយម៉ូតូចំនួន ៣គ្រឿង ហើយបានធ្វើសកម្មភាពឆក់កាបូបលុយរបស់ប្រជាពលរដ្ឋ ក្នុងទឹកដីខេត្តពោធិ៍សាត់ ១ករណី ដោយបានយកលុយបានចំនួន ៧០០.០០០រៀល រួចបន្តដំណើរមកឆក់កាបូប ១ករណីទៀតនៅក្បែរស្ពានដើមក្រសាំង ក្នុងក្នុងភូមិសាស្ត្រ ភូមិថ្នល់បត់ ឃុំឫស្សីក្រាំង ស្រុកមោងឬស្សី ខេត្តបាត់ដំបង ដោយលើកទី ២ នេះ ពួកគេយកលុយបានចំនួន ១.១៩៥.០០០រៀល រួចជិះគេចខ្លួនបាត់អស់។
លោក ស គឹមឡុង បានសង្កត់ធ្ងន់ថា ក្រោយពីបានធ្វើ ការស្រាវជ្រាវរួចមក កម្លាំងជំនាញនៃអធិការដ្ឋាន ស្រុកមោងឬស្សី បានកំណត់មុខសញ្ញានិងឈានដល់ការបង្ក្រាបឃាត់ខ្លួន បានចំនួន ៦ នាក់ និងដកហូតវត្ថុតាងបានប្រាក់រៀលចំនួន ១.៥០០.០០០រៀល ម៉ូតូចំនួន ៣គ្រឿង ទូរស័ព្ទដៃចំនួន ២គ្រឿង ខ្សែដៃកាឡៃ១ខ្សែ ខ្សែកផ្លាកទីន ១ ខ្សែ និងចិញ្ចៀនផ្លាកទីនចំនួន ១វង់ ផងដែរ។
បច្ចុប្បន្ននេះ សមត្ថកិច្ចកំពុងរៀបចំសំណុំរឿង ដើម្បីបញ្ជូនជនសង្ស័យរួមទាំងវត្ថុតាងទៅកាន់ស្នងការនគរបាលខេត្ត ដើម្បីបញ្ជូនបន្តទៅកាន់សាលាដំបូងខេត្តបាត់ដំបងចាត់ការតាមផ្លូវច្បាប់ ដោយឡែកក្រុមចោរ ដែលគេសង្ស័យថា អាចមាននៅសេសសល់បក្ខពួកទៀតនោះ សមត្ថកិច្ចកំពុងស្រាវជ្រាវបន្តហើយ ដើម្បីចាប់ខ្លួនយកមកផ្តន្ទាទោសតាមផ្លូវច្បាប់ ៕
អត្ថបទ៖ សោ និយមរ័ត្ន
សូមចុចអាន៖ ទីតាំងប្រេងឥន្ធនៈ០៩កន្លែង រកឃើញមានភាពមិនប្រក្រតី នៅខេត្តកណ្តាល
ក្រសួងហៅមន្ត្រីត្រួតពិនិត្យដំណើរការប្រឡងបាក់ឌុបជិត១០០នាក់ មកបណ្តុះបណ្តាល
អាវុធហត្ថ៣នាក់ស្ម័គ្រចិត្តបរិច្ចាគឈាមភ្លាមៗដើម្បីសង្គ្រោះអាយុជីវិតដល់ប្អូនប្រុសម្នាក់
រដ្ឋមន្ត្រីក្រសួងការងារ ស្នើឲ្យសិង្ហបុរីជួយបណ្តុះបណ្តាលជំនាញបន្ថែមដល់កម្ពុជា
អគ្គិភ័យឆាបឆេះផ្ទះ១ខ្នងស្ទើរអស់ទាំងស្រុង ព្រមទាំងសម្ភារៈមួយចំនួនធំ
លោកគន់ គីម ពិនិត្យដំណាំស្រូវ របស់បងប្អូនប្រជាពលរដ្ឋក្នុងស្រុក២ នៃខេត្តកំពង់ចាម
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
សាលារៀននៅភ្នំពេញ២កន្លែងមិនអនុញ្ញាតឲ្យបើកឡើងវិញទេ
ព័ត៌មានបឋម..ប្តីបាញ់ប្រពន្ធនៅស្រុកក្រឡាញ់ រួចបើកឡានគេចខ្លួន
បុរសម្នាក់រងការរិះគន់ព្រោះបង្ហោះសារ “១ឆ្នាំអស់១ដុល្លារសម្រាប់កុមារសុទ្ធតែផុសលើហ្វេសបុកថេក១០នាក់”
ក្មេងស្រីពិការអាយុ១២ឆ្នាំត្រូវបងជីដូនមួយរំលោភរួចកាត់ក្បាលនិងយកសាកសពទៅបោះចោល
-
ព័ត៌មានជាតិ4 days agoរដ្ឋបាលឃុំអន្លង់រាប មោឃៈភាពអ្នកកាន់កាប់ដីធ្លីនៅតំបន់ភ្នំ ១៥០០
-
ព័ត៌មានជាតិ7 days agoពិធីករល្បីឈ្មោះ ភោ សុផានិត ត្រូវសមត្ថកិច្ចចាប់ខ្លួន
-
ជំនឿ1 week agoយកវត្ថុទាំងប្រាំពីរនេះចេញពីផ្ទះបន្ទាន់ ប្រសិនបើចង់រកស៊ីមានបាន
-
ជំនឿ6 days agoក្រឡេកមើលទៅមនុស្សឆ្នាំវកឆ្នាំ២០២១ពេញដោយសំណាងល្អមិនធ្លាប់មានរវាង៧ឆ្នាំមកនេះ
-
ព័ត៌មានអន្ដរជាតិ1 week agoដំណឹងល្អសម្រាប់ពិភពលោក! អ្នកបង្កើតវ៉ាក់សាំងប្រាប់ពេលវេលាដែលជីវិតមនុស្សអាចវិលទៅរកភាពធម្មតាវិញ
-
ព័ត៌មានជាតិ3 days agoរួមភេទជាមួយអនីតិជនដប់ប្រាំថ្ងៃក្រោយត្រូវសមត្ថកិច្ចឃាត់ខ្លួន
-
ព័ត៌មានអន្ដរជាតិ2 days agoប្រភព៖ លោក ពូទីន មានជំងឺមហារីកហើយគ្រោងតែងតាំងកូនស្រីជាអ្នកស្នងតំណែង
-
ព័ត៌មានអន្ដរជាតិ10 hours agoគប់គ្រាប់បែកសាំងដាក់អ្នកជិតខាងព្រោះខឹងច្រៀងខារ៉ាអូខេឮៗពេក (មានវីដេអូ)