ព័ត៌មានជាតិ
សន្តិសុខម្នាក់ស្លាប់ ឯម្នាក់ទៀតរបួសធ្ងន់ ដោយសារជនមិនស្គាល់មុខលួចបាញ់
សន្តិសុខក្រុមហ៊ុនវើលទ្រីស្តារ (ក្រុមហ៊ុនសូងួន) ម្នាក់បានស្លាប់ និងម្នាក់ទៀត រងរបួសធ្ងន់ដោយសារជនមិនស្គាល់មុខលបបាញ់ដោយកាំភ្លើងកែច្នៃ កាលពីថ្ងៃទី១៨ ខែវិច្ឆិកា ឆ្នាំ២០២០ នៅបរិវេណដីសម្បទានសេដ្ឋកិច្ចរបស់ក្រុមហ៊ុនវើលទ្រីស្តារ ស្ថិតក្នុងភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត។
សមត្ថកិច្ចបានប្រាប់ឲ្យដឹងថា សន្តិសុខដែលស្លាប់មានឈ្មោះ នួន ភ័ក្ត្រា ភេទប្រុស អាយុ ២៧ឆ្នាំ មានស្រុកកំណើតក្នុងភូមិតាហោ ឃុំតាហោ ស្រុកតាហោ ខេត្តស្វាយរៀង។ ចំណែកអ្នករងរបួសមានឈ្មោះ ផន ដា ភេទប្រុស អាយុ ៣១ឆ្នាំ ទីកន្លែងកំណើតភូមិថ្កូវ ឃុំរលៀប ស្រុកសំពៅមាស ខេត្តពោធិ៍សាត់។
ប្រភពដដែលបានបញ្ជាក់ថា កាលពីម៉ោង៩ និង៣០នាទី ព្រឹកថ្ងៃទី១៨ ខែវិច្ឆិកា មានករណីឃាតកម្មមួយបានកើតឡើងនៅចំណុចដីសម្បទានសេដ្ឋកិច្ច របស់ក្រុមហ៊ុនឧកញ៉ា សូ ងួន ស្ថិតនៅភូមិព្រៃពាយ ឃុំត្រពាំងភ្លាំង ស្រុកឈូកដែលបង្កឡើងដោយជនមិនស្គាល់អត្តសញ្ញាណ ប្រើប្រាស់កាំភ្លើងកែច្នៃបានបាញ់ចេញពីក្នុងព្រៃមកលើសន្តិសុខទាំងពីរនាក់។ ក្នុងនោះម្នាក់បានស្លាប់នៅនឹងកន្លែង ចំណែកម្នាក់ទៀតរងរបួសធ្ងន់ត្រូវបានបញ្ជូនទៅកាន់មន្ទីរពេទ្យរាជធានីភ្នំពេញ។
ចំពោះករណីបាញ់ប្រហារនេះ សមត្ថកិច្ចបានកំពុងតាមដាន និងស្រាវជ្រាវយ៉ាងក្តៅគគុក ដើម្បីស្វែងរកមុខសញ្ញាជនដៃដល់ ផ្តន្ទាទោសទៅតាមផ្លូវច្បាប់៕
អត្ថបទ ៖ សេង ណារិទ្ធ
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)