ព័ត៌មានជាតិ

ក្រសួងសុខាភិបាលបញ្ជាក់ឡើងវិញ ពីការអនុញ្ញាត ឲ្យគ្លីនិក លី ស្រីវីណា

បានផុស

៣ years មុន

នៅ

ថ្ងៃព្រហស្បតិ៍ ១៩ វិច្ឆិកា ២០២០

ដោយ

ភ្នំពេញ ៖ អ្នកនាំពាក្យក្រសួងសុខាភិបាល បានឲ្យដឹងថា ក្រសួងបានអនុញ្ញាតឲ្យគ្លីនិក លី ស្រីវីណា បើកដំណើរការឡើងវិញ បន្ទាប់ពីគ្លីនិកនេះ បានគោរពទៅតាមគោលការណ៍របស់ក្រសួងសុខាភិបាល រួចមក។

លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យ ក្រសួងសុខាភិបាល បានមានប្រសាសន៍ថា ការដែលក្រសួងអនុញ្ញាតឲ្យគ្លីនិកនេះ បើកដំណើរការឡើងវិញ ដោយសារគ្លីនិកនេះ បានគោរពតាមការកំណត់បម្រើតែសេវាបឋម និងមានកិច្ចសន្យាត្រឹមត្រូវ គោរពតាមការណែនាំរបស់ក្រសួងសុខាភិបាល ព្រមទាំងអាជ្ញាធរមូលដ្ឋាន ដែលមានមន្ទីរសុខាភិបាលរាជធានីភ្នំពេញ ក៏បានត្រួតពិនិត្យនិងឯកភាពដែរ។

បើតាមហ្វេសប៊ុករបស់គ្លីនិក លី ស្រីវីណា បានប្រកាសថា នឹងបើកដំណើរការព្យាបាលអ្នកជំងឺឡើងវិញ នៅថ្ងៃទី២០ វិច្ឆិកា ។

គួរបញ្ជាក់ថា ក្រសួងសុខាភិបាល បាន បិទគ្លីនិក លី ស្រីវីណា ដោយសារគ្លីនិកនេះ ពុំ មានលក្ខណៈសម្បត្តិគ្រប់គ្រាន់ ក្នុងការផ្តល់ សេវាសង្គ្រោះ អ្នកជំងឺដោយធ្វើឲ្យ លោកមេធាវី ទេព ពៅ បានស្លាប់ កាលពីថ្ងៃទី២៩ ខែតុលា ឆ្នាំ២០២០កន្លងទៅ៕

ដោយ ៖ សំអឿន

Related Topics:

Up Next

ឃាត់ខ្លួនជនសង្ស័យម្នាក់ រំលោភក្មេងស្រីអាយុ១៣ឆ្នាំ បានសម្រេច១២លើក

Don't Miss

ពិតជាមិនគួរប្រថុយប្រថានឡើយ!! ក្រុមហ៊ុនពុះដីឡូតិ៍និងផ្ទះល្វែងនៅស្រុកបន្ទាយស្រី ទាំងអស់គ្មានច្បាប់