ព័ត៌មានជាតិ
ឃាត់ខ្លួនមុខសញ្ញា លួចនិងឆក់យ៉ាងសកម្ម នៅភ្នំពេញ
នគរបាលខណ្ឌដង្កោ ឃាត់ខ្លួនជនសង្ស័យម្នាក់ ដែលធ្លាប់បានធ្វើសកម្មភាពលួច និងឆក់យកទ្រព្យសម្បត្តិរបស់ប្រជាពលរដ្ឋ ក្នុងរាជធានីភ្នំពេញជាច្រើនលើក។
នគរបាលខណ្ឌដង្កោ ប្រាប់ឲ្យដឹងថា កម្លាំងនគរបាលខណ្ឌដង្កោ បានធ្វើការឃាត់ខ្លួនជនសង្ស័យម្នាក់ ករណី លួចមានស្ថានទម្ងន់ទោស (ឆក់កាបូបលុយ) កាលពីថ្ងៃទី១៩ ខែវិច្ឆិកា ឆ្នាំ២០២០ វេលាម៉ោង១៣ និង៣០នាទី នៅត្រង់ចំណុចក្បែរ ស្តុបការ៉េប្រាំបី ផ្លូវ២១៧ ស្ថិតនៅភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។
ជនសង្ស័យឈ្មោះ ក្រួច តារាវិសាល ( ហៅ ហ៊ីម ) ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅផ្ទះលេខ៣៦៣ ផ្លូវលំ ភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
សមត្ថកិច្ចប្រាប់បញ្ជាក់ថា កាលពីថ្ងៃទី១៩ ខែវិច្ឆិកា ឆ្នាំ២០២០ វេលាម៉ោង១៣ និង៣០នាទី ជនរងគ្រោះ ហាក់ ដានីន ភេទស្រី អាយុ៣៨ឆ្នាំ បានជិះម៉ូតូ ០១គ្រឿង ម៉ាក ហុងដាសេ១២៥ ពណ៌ខ្មៅ ស្លាកលេខ ភ្នំពេញ1P-8565 ចេញពីកន្លែងលក់ដូរនៅផ្សារសារឿន យ៉ាន្នី ស្ថិតនៅភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ ត្រឡប់ទៅផ្ទះ ស្ថិតនៅភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។ ពេលជនរងគ្រោះបើកម៉ូតូតាមផ្លូវ២១៧ ពីជើងទៅត្បូង ដល់ចំណុចក្បែរស្តុបការ៉េប្រាំបី ស្ថិតនៅភូមិបាគូ សង្កាត់ដង្កោ ខណ្ឌដង្កោ ស្រាប់តែមានជនសង្ស័យឈ្មោះ ក្រួច តារាវិសាល ហៅ ហ៊ីម បានជិះម៉ូតូ០១គ្រឿង ម៉ាកហុងដាឃ្លីក ពណ៌ខ្មៅ លាយទឹកក្រូច ពាក់ស្លាកលេខភ្នំពេញ1IG-4658 ម្នាក់ឯងស្របទិសជាមួយជនរងគ្រោះ បានធ្វើសកម្មភាពឆក់យកកាបូបលុយ ដែលជនរងគ្រោះ ក្រវាត់ចង្កេះពីខាងមុខ ហើយក្នុងកាបូបនោះមានលុយ ខ្មែរចំនួន ១៦០,០០០ រៀល (មួយលានហុកសិបម៉ឺនរៀល), ទូរស័ព្ទដៃ ម៉ាក VIVO ពណ៌ក្រហមចំនួន០១គ្រឿង, និងឯកសារផ្សេងៗ រួចបើកម៉ូតូគេចខ្លួនទៅទិសខាងត្បូង។
ពេលនោះ ក៏មានកម្លាំងសមត្ថកិច្ចនគរបាលខណ្ឌដង្កោ ដែលកំពុងជិះម៉ូតូល្បាតលើផ្លូវ២១៧ បានឃើញហេតុការណ៍នោះ ក៏ជួយអន្តរាគមន៍ដេញតាមពីក្រោយ និងស្រែកប្រកាសតាមវិទ្យុទាក់ទងឲ្យកម្លាំង ដែលនៅតាមគោលដៅឈរជើងផ្សេងៗជួយស្ទាក់ពីមុខ។ ជនសង្ស័យបានបើកម៉ូតូគេចខ្លួន ដល់ចំណុចបុរី ពិភពថ្មី កួរស្រូវ ស្ថិតនៅភូមិកណ្តាល សង្កាត់រលួស ខណ្ឌដង្កោ រាជធានីភ្នំពេញ ក៏ត្រូវសមត្ថកិច្ចយើង ធ្វើការឃាត់ខ្លួនបាន រួមនិងវត្ថុតាង យកមកធ្វើការសាកសួរ នៅអធិការដ្ឋាននគរបាលខណ្ឌដង្កោតាមនីតិវិធីច្បាប់។
ប្រភពព័ត៌មានបន្តថា ក្រោយពីធ្វើការសាកសួរជនសង្ស័យ បានឆ្លើយសារភាព ប្រាប់សមត្ថកិច្ចថា រូបគេ (ជនសង្ស័យ) ពិតជាបានធ្វើសកម្មភាពឆក់កាបូបលុយរបស់ជនរងគ្រោះប្រាកដមែន។ កន្លងមករូបគេ ក៏ធ្លាប់បានធ្វើសកម្មភាពលួច និងឆក់យកទ្រព្យសម្បត្តិរបស់ប្រជាពលរដ្ឋ ក្នុងរាជធានីភ្នំពេញជាច្រើនលើកថែមទៀត៕
អត្ថបទ៖ រ៉ាវុទ្ធ
សូមចុចអាន៖ បង្ក្រាបករណីជួញដូរសារធាតុញៀន ឃាត់ខ្លួនជនសង្ស័យ២នាក់
ម្ចាស់ឃ្លិបវីដេអូ ដែលបែកធ្លាយបានបដិសេធថាខ្លួនមិនជាប់សាច់ឈាម ឬ ជាកូនស្រីបង្កើតរបស់លោកឆែម សាវុធទេ (Videos)
អ្នកពាក់ព័ន្ធដោយផ្ទាល់និងប្រយោល ក្នុងព្រឹត្តិការណ៍២៨វិច្ឆិកា នៅខេត្តកំពង់ចាម មានចំនួន៣៣នាក់
លោកស្រី ឱ វណ្ណឌីន ៖ សូមអ្នកដែលប៉ះពាល់ផ្ទាល់នឹងព្រឹត្តិការណ៍២៨វិច្ឆិកាសូមឲ្យមានភាពស្មោះត្រង់
BREAKING ៖ សម្តេចតេជោ សម្រេចបញ្ចេញម៉ាស២លានដោយ១លានសម្រាប់ភ្នំពេញ និង១លានសម្រាប់ខេត្តសៀមរាប
លោកហ៊ុន ម៉ានី ទទួលលទ្ធផលតេស្តអវិជ្ជមានវីរុសកូវីដ១៩
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
យន្តហោះពិឃាតរបស់ចិន អាចហោះឆ្លងទ្វីប និងទម្លាក់គ្រាប់នុយក្លេអ៊ែរ រួចរាល់ជាផ្លូវការហើយ
សាលារៀននៅភ្នំពេញ២កន្លែងមិនអនុញ្ញាតឲ្យបើកឡើងវិញទេ
មានសម្តេចតេជោជាបង្គោលគ្រឹះ កម្ពុជាប្រឆាំងដាច់អហង្ការការជាន់ដានរងគ្រោះដោយសង្គ្រាមត្រជាក់
ស្រីៗគិតរឿងសិចកម្រិតណា?សំណួរដែលប្តីជាច្រើនគិតមិនយល់!
-
ព័ត៌មានអន្ដរជាតិ6 days agoយន្តហោះពិឃាតរបស់ចិន អាចហោះឆ្លងទ្វីប និងទម្លាក់គ្រាប់នុយក្លេអ៊ែរ រួចរាល់ជាផ្លូវការហើយ
-
ព័ត៌មានជាតិ1 day agoខេត្តតាកែវ មានអ្នកជាប់ពាក់ព័ន្ធនឹងព្រឹត្តការណ៍២៨វិច្ឆិកាសរុបចំនួន១១នាក់
-
ព័ត៌មានជាតិ17 hours agoទារក ០១ នាក់ អាយុទើប ០៧ ខែនៅច្បារអំពៅ តេស្តឃើញវិជ្ជមានកូវីដ ១៩
-
KPT+10 hours ago(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
-
ព័ត៌មានជាតិ7 days agoថៅកែ រំលោភកូនឈ្នួលអាយុ១៧ឆ្នាំ ត្រូវសមត្ថកិច្ចឃាត់ខ្លួន
-
ព័ត៌មានជាតិ2 days agoរកឃើញអ្នកពាក់ព័ន្ធអគ្គនាយកពន្ធនាគារចំនួន៤០នាក់ នៅខេត្តស្ទឹងត្រែង
-
ព័ត៌មានជាតិ5 days agoបិទហាង ដាយម៉ិនម៉ាស្សា (Diamond Massage) បង្កប់សេវាកម្មផ្លូវភេទ
-
ព័ត៌មានជាតិ2 days agoអ្នកឆ្លងកើន ១៤ នាក់រយៈពេលពីរថ្ងៃ ក្នុងព្រឹត្តិការណ៍សហគមន៍ ២៨ វិច្ឆិកា