ព័ត៌មានជាតិ
ក្រុមប្រឹក្សាធម្មនុញ្ញ ពន្យល់ពីហេតុផលដែលសម្រេចច្រានចោលបណ្តឹងរបស់ LDP
អ្នកនាំពាក្យក្រុមប្រឹក្សាធម្មនុញ្ញ បានលើកឡើងថា ថ្មីៗនេះ មានការបង្ហោះសារនៅលើបណ្តាញសង្គម មិនពេញចិត្តទៅនិងការសម្រេចរបស់ក្រុមប្រឹក្សាធម្មនុញ្ញ ពាក់ព័ន្ធនឹងបណ្តឹងរបស់ភ្នាក់ងារគណបក្សសម្ព័ន្ធដើម្បីប្រជាធិបតេយ្យ (LDP) ដែលមិនសុខចិត្តទៅនឹងសេចក្តីសម្រេចរបស់គណៈកម្មាធិការជាតិរៀបចំការបោះឆ្នោត ក្នុងអំពើបំពានលើជំពូកទី១០ (ទោសប្បញ្ញត្តិ) នៃច្បាប់ស្តីពីការបោះឆ្នោតជ្រើសតាំងតំណាងរាស្ត្រ ដែលប្រព្រឹត្តទៅនៅឃុំបួរ ស្រុកភ្នំព្រឹក ខេត្តបាត់ដំបង។
លោក តាំង រតនា អគ្គលេខាធិការ និងជាអ្នកនាំពាក្យក្រុមប្រឹក្សាធម្មនុញ្ញបញ្ជាក់ថា សវនាការរបស់ក្រុមប្រឹក្សាធម្មនុញ្ញ កាលពីថ្ងៃទី១៧ ខែវិច្ឆិកា ឆ្នាំ២០២០ ដើម្បីពិនិត្យ និងសម្រេចលើករណីបណ្តឹងខាងលើនេះ គឺបានអនុវត្តស្របតាមស្មារតីនៃរដ្ឋធម្មនុញ្ញ ច្បាប់ស្តីពីការបោះឆ្នោតជ្រើសតាំងតំណាងរាស្ត្រ និងច្បាប់ស្តីពីវិសោធនកម្មមាត្រា២៦ មាត្រា២៧ថ្មី មាត្រា២៨ មាត្រា៣១ និងមាត្រា៣២ នៃច្បាប់ស្តីពីការរៀបចំ និងការប្រព្រឹត្តទៅនៃក្រុមប្រឹក្សាធម្មនុញ្ញ។
បើតាមអ្នកនាំពាក្យរូបនោះ ក្រុមប្រឹក្សាធម្មនុញ្ញ ទទួលស្គាល់សិទ្ធិជាតំណាងរបស់ភ្នាក់ងារគណបក្សសម្ព័ន្ធ ដើម្បីប្រជាធិបតេយ្យ គឺលោក នៅ សំអាត ដែលទទួលការផ្ទេរសិទ្ធិពីលោកស្រី យ៉ុន យឿម ដាក់ពាក្យបណ្តឹងនៅក្រុមប្រឹក្សាឃុំបួរ ប្ដឹងក្រុមចុះឈ្មោះបោះឆ្នោតពីការក្លែងបន្លំឯកសារ ចុះឈ្មោះដែលត្រូវផ្តន្ទាទោសតាមជំពូកទី១០ (ទោសប្បញ្ញត្តិ) នៃច្បាប់ស្តីពីការបោះឆ្នោតជ្រើសតាំងតំណាងរាស្ត្រ ហើយក្រុមប្រឹក្សាធម្មនុញ្ញក៏ទទួលស្គាល់សិទ្ធិរបស់លោក ម៉ក តាំងយូ ផងដែរ ក្នុងការទទួលសិទ្ធិបន្តពីលោក នៅ សំអាត ដោយមានការឯកភាពពីលោកស្រី យ៉ុន យឿម ក្នុងការប្តឹងទៅ គ.ជ.ប មិនសុខចិត្តនឹងការផ្សះផ្សារបស់ក្រុមប្រឹក្សាឃុំបួរ។
លោក តាំង រតនា អះអាងថា លោក ម៉ក តាំងយូ បានប្តឹងមកក្រុមប្រឹក្សាធម្មនុញ្ញនៅថ្ងៃទី១០ ខែវិច្ឆិកា ឆ្នាំ២០២០ វេលាម៉ោង១៤ និង១៥ នាទី មិនសុខចិត្តនឹងសេចក្តីសម្រេចលេខ០០១ គ.ជ.ប ចុះថ្ងៃទី០៦ ខែវិច្ឆិកា ឆ្នាំ២០២០ របស់ គ.ជ.ប ហើយនៅពេលទទួលបណ្តឹងក្រុមប្រឹក្សាធម្មនុញ្ញពិនិត្យលើលក្ខខណ្ឌចំនួន២ គឺទី១, សមត្ថកិច្ចរបស់ក្រុមប្រឹក្សាធម្មនុញ្ញក្នុងការដោះស្រាយបណ្តឹង និងទី២, លក្ខណៈសម្បត្តិ (គុណវុឌ្ឍ) នៃអ្នកប្តឹង។ ក្នុងការពិនិត្យនេះឃើញថា លោក ម៉ក តាំងយូ ពុំមែនជាបុគ្គល ដែលរង់ឥទ្ធិពលផ្ទាល់ (ទទួលរងការដាក់ទណ្ឌកម្មផ្ទាល់) ពីសេចក្តីសម្រេចលេខ០០១ គ.ជ.ប ចុះថ្ងៃទី០៦ ខែវិច្ឆិកា ឆ្នាំ២០២០ របស់ គ.ជ.ប ស្របតាមស្មារតីនៃមាត្រា១៦៤ នៃច្បាប់ស្តីពីការបោះឆ្នោតជ្រើសតាំងតំណាងរាស្ត្រឡើយ។ ដូចនេះលោក ម៉ក តាំងយូ ពុំមានលក្ខណៈសម្បត្តិ (គុណវុឌ្ឍស្របតាមច្បាប់ក្នុងការប្តឹងតវ៉ាជាលាយលក្ខណ៍អក្សរទៅក្រុមប្រឹក្សាធម្មនុញ្ញ ក្នុងអំឡុងពេល៧២ម៉ោង បន្ទាប់ពីកាលបរិច្ឆេទទទួលបានសេចក្តីសម្រេចរបស់គ.ជ.ប នោះទេ ។
ផ្អែកតាមលក្ខខណ្ឌនៃបណ្តឹងនេះ បណ្តឹងរបស់ភ្នាក់ងារគណបក្សសម្ព័ន្ធ ដើម្បីប្រជាធិបតេយ្យ ដែលបានដាក់ប្តឹងមកក្រុមប្រឹក្សាធម្មនុញ្ញ កាលពីថ្ងៃទី១០ ខែវិច្ឆិកា ឆ្នាំ២០២០ វេលាម៉ោង១៤ និង១៥ នាទី គឺជាបណ្តឹងដែលមានលក្ខណៈផ្ទុយច្បាប់ ហើយដែលចំណុចខ្វះខាតមិនអាចឱ្យកែតម្រូវបាន។ យោងតាមមាត្រា២៨ថ្មី នៃច្បាប់ស្តីពីវិសោធនកម្មមាត្រា២៦ មាត្រា២៧ថ្មី មាត្រា២៨ មាត្រា ៣១ និងមាត្រា៣២ នៃច្បាប់ស្តីពីការរៀបចំនិងការប្រព្រឹត្តទៅនៃក្រុមប្រឹក្សាធម្មនុញ្ញ បានកំណត់ថា បណ្តឹងដែលមានលក្ខណៈផ្ទុយច្បាប់ ដែលចំណុចខ្វះខាតមិនអាចកែតម្រូវបាន ក្រុមប្រឹក្សាធម្មនុញ្ញសម្រេចលើកបណ្តឹងចោល ដោយមិនចាំបាច់ឆ្លងកាត់ការទាញហេតុផល។
ដោយសំអាងហេតុផលទាំងអស់នេះ ក្រុមប្រឹក្សាធម្មនុញ្ញ ពុំអាចយកខ្លឹមសារនៃពាក្យបណ្តឹងរបស់ភ្នាក់ងារគណបក្សសម្ព័ន្ធ ដើម្បីប្រជាធិបតេយ្យ មកពិភាក្សាបានឡើយ ហើយក៏ពុំពិនិត្យ ឬពិភាក្សាលើសេចក្តីសម្រេចរបស់ គ.ជ.ប ដែរ។ ហេតុនេះ ទើបក្រុមប្រឹក្សាធម្មនុញ្ញ ពុំមានការកោះហៅភាគីពាក់ព័ន្ធណាមួយ នៃបណ្តឹងមកសួរដេញដោល ឬពិនិត្យភស្តុតាងឡើយ។
សូមបញ្ជាក់ថា យោងស្មារតី នៃមាត្រា១៤២ ថ្មីនៃរដ្ឋធម្មនុញ្ញ សេចក្តីសម្រេចរបស់ក្រុមប្រឹក្សាធម្មនុញ្ញជាសេចក្តីសម្រេចបិទផ្លូវតវ៉ា៕
ដោយ ៖ កោះកែវ
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
លោក ហេង សួរ ៖ កិច្ចប្រជុំកំពូលវាយនភណ្ឌសកល នឹងធ្វើឱ្យកម្ពុជាក្លាយជាគោលដៅទាក់ទាញទាំងអាជីវកម្មនិងវិនិយោគទុន
សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភជាប្រចាំខែដល់កុមារកំព្រា និងកុមារមានទុក្ខលំបាកនៅមណ្ឌលមែកឈើ
រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល
ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
យោធាមីយ៉ាន់ម៉ាបន្តការវាយប្រហារតាមអាកាសទោះបីមានរញ្ជួយដីក៏ដោយ
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី