មន្រ្តី​ជាន់​ខ្ពស់​ខ្មែរ ០១ នាក់ទៀត​បាន​ជាសះស្បើយ ចាកចេញ​ពី​មន្ទីរពេទ្យ

លោក ស ចិត្រា អគ្គលេខាធិការ​រង​ក្រសួង​កសិកម្ម រុក្ខា​ប្រមាញ់​និង​នេសាទ ជា​មន្រ្តី​ជាន់​ខ្ពស់​ម្នាក់​ទៀត ដែល​ពាក់ព័ន្ធ​ព្រឹត្តិការណ៍ ០៣ វិច្ឆិកា បាន​ជាសះស្បើយ បាន​ចាកចេញ​ពី​មន្ទីរពេទ្យ។ លោកស្ថិត​ក្នុង​ចំណោម​អ្នក​រកឃើញ​វិជ្ជមាន ០៤ នាក់​ ដែល​ពាក់ព័ន្ធ​ព្រឹត្តិការណ៍ ០៣ វិច្ឆិកា រួ​ម​ជាមួយ​លោក​សួស យ៉ារ៉ា សមាជិករដ្ឋសភាដែល​បាន​ជា​សះស្បើយ​ដែរ​នោះ។

ក្រៅ​ពី​ករណី​ជាសះស្បើយ​ថែម ០១ ទៀត​នៅព្រឹកនេះ ក្រសួង​ក៏ជូន​ដំណឹង​ពីការ​រកឃើញ​អ្នក​ឆ្លង​ថ្មី ០១ ទៀត ជា​បុរស​ខ្មែរ​ដែល​ធ្វើ​ដំណើរ​ពី​អាមេរិក​បន្ត​ជើង​ហោះហើរ​នៅ​ប្រទេស​កូរ៉េ​ខាង​ត្បូង។ នៅ​លើ​ជើង​ហោះហើរ​មាន​អ្នក​ដំណើរ ៦០ នាក់​ទៀតរួម​ជាមួយ​បុរស​រងគ្រោះ​ តែ​តេស្ត​អវិជ្ជមាន ហើយ​ដែល​​កំពុង​ធ្វើ​ចត្តាឡីស័ក​រយៈ​ពេល ១៤ ថ្ងៃ​នៅ​មណ្ឌល​អាកាស សណ្ឋាគារ និង​ស្ថានទូត​អាមេរិក៕