រួមភេទ​ជា​មួយ​អនីតិជន​ដប់​ប្រាំ​ថ្ងៃ​ក្រោយ​ត្រូវ​សមត្ថកិច្ច​ឃាត់​ខ្លួន – Kampuchea Thmey Daily
Connect with us
ធនាគារ ហត្ថា

ព័ត៌មានជាតិ

រួមភេទ​ជា​មួយ​អនីតិជន​ដប់​ប្រាំ​ថ្ងៃ​ក្រោយ​ត្រូវ​សមត្ថកិច្ច​ឃាត់​ខ្លួន

Published

on

យុវជនម្នាក់ត្រូវសមត្ថកិច្ចនគរបាល​ប៉ុស្តិ៍​ក្រាំងធ្នង់ ​ឃាត់ខ្លួនតាមពាក្យ​បណ្ដឹង​ពី​អាណាព្យាបាល​ក្មេងស្រី  ករណី​រួមភេទ​ជាមួយ​អនីតិជន​ អាយុ១៤ឆ្នាំ ។
 
សមត្ថកិច្ចនគរបាលខណ្ឌសែនសុខ ប្រាប់ឲ្យដឹងថា កាលពីម៉ោង១៦  និង០០នាទី ល្ងាចថ្ងៃទី២០ ខែវិច្ឆិកា ឆ្នាំ២០២០  នគរបាល​ប៉ុស្តិ៍​រដ្ឋបាលក្រាំងធ្នង់ ឃាត់ខ្លួនជន សង្ស័យ ០១នាក់ ករណីរួមភេទជាមួយ​អនីតិជន​អាយុ១៤ឆ្នាំ នៅ​ចំណុចក្នុងផ្ទះសំណាក់ បឹងឈូក បន្ទប់លេខ២០៦  ផ្លូវបេតុង ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ ។
 
ជនសង្ស័យឈ្មោះ រុំ ចាន់សារ៉ា  ភេទប្រុស អាយុ១៨ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះសង់ថ្មី ផ្លូវបេតុង ភូមិសំរោងទាវ សង្កាត់ក្រាំងធ្នង់ ខណ្ឌសែនសុខ  (គ្មានសារធាតុញៀន) ។
 
សមត្ថកិច្ចប្រាប់ថា កាលពីថ្ងៃទី០៦ ខែវិច្ឆិកា ឆ្នាំ២០២០ ម៉ោង២១ និង០០នាទី ជនសង្ស័យ ឈ្មោះ រុំ ចាន់​សារ៉ា បានជិះម៉ូតូដឹកជនរងគ្រោះចូលផ្ទះសំណាក់បឹងឈូក លួងលោម​រួមភេទ​ បាន​សម្រេចជាមួយ កុមារី​ឈ្មោះ ឡ ស ឡ ​ អាយុ១៤ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះសង់ថ្មី  ផ្លូវបេតុង សង្កាត់គោកឃ្លាង ខណ្ឌសែនសុខ ។ ការឃាត់ខ្លួនជនសង្ស័យរូបនេះ ដោយយោងតាមបណ្តឹងរបស់​ក្រុមគ្រួសាររបស់ជន​រង​គ្រោះ ។
 
បច្ចុប្បន្ន ជនសង្ស័យត្រូវបានឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាម​នីតិវិធី​ ៕
 
អត្ថបទ ៖ រ៉ាវុទ្ធ
 

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម