ព័ត៌មានជាតិ
កម្ពុជា នឹងដាក់ឲ្យអនុវត្តរបបសន្តិសុខសង្គមផ្នែកប្រាក់សោធនដល់កម្មករជាផ្លូវការ
លោក អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុក ជាអគ្គនាយកបេឡាជាតិសន្តិសុខសង្គម បានឲ្យដឹងថា រដ្ឋាភិបាលគ្រោងដាក់ឲ្យប្រើប្រាស់ជាផ្លូវការរបបសន្តិសុខ សង្គមផ្នែកប្រាក់សោធនដល់ កម្មករ និយោជិត នៅពេលដ៏ខ្លីខាងមុខនេះ ប៉ុន្តែមុននឹងដាក់ប្រើប្រាស់ជាផ្លូវការទាមទារឲ្យមន្រ្តី បុគ្គលិកជំនាញ គ្រប់ការិយាល័យ នៃស្នាក់ការបេឡាជាតិសន្តិសុខសង្គម( ប.ស.ស)ត្រូវមានចំណេះដឹងពីរបបសន្តិសុខ សង្គមផ្នែកប្រាក់សោធននេះ ឲ្យបានច្បាស់លាស់ងាយស្រួលក្នុងការបំពេញការងារ។
ថ្លែងនៅក្នុងពិធីបើកវគ្គបណ្ដុះបណ្ដាល “របបសន្តិសុខសង្គមផ្នែកប្រាក់សោធន” របស់បេឡាជាតិសន្ដិសុខ សង្គម ជូនដល់ មន្ត្រី បុគ្គលិកជំនាញ គ្រប់ការិយាល័យ នៃស្នាក់ការកណ្ដាល ប.ស.ស. នាព្រឹកថ្ងៃទី២១ ខែវិច្ឆិកានេះ លោក អ៊ុក សមវិទ្យា បានមានប្រសាសន៍ថា របបសន្ដិសុខសង្គម នៃព្រះរាជាណាចក្រកម្ពុជា បង្កើតឡើងក្នុងគោលដៅធានាឱ្យមានសមធម៌ និងសាមគ្គីធម៌សង្គម ដើម្បីលើកកម្ពស់សុខុមាលភាព និងជីវភាពរស់នៅរបស់ប្រជាពលរដ្ឋ ដែលទាក់ទងទៅនឹងតាវកាលិកផ្នែកប្រាក់សោធន រួមមានសោធនជរាភាព សោធនទុព្វលភាព និងសោធនឧត្តរជីវី ។
លោកបានបន្តថា របបសន្ដិសុខសង្គមផ្នែកប្រាក់សោធននេះ ជាសមិទ្ធផលថ្មី ក្នុងសម័យសន្ដិភាព ដូចនេះ មន្រ្តី បុគ្គលិកជំនាញគ្រប់ការិយាល័យទាំងអស់ នៃ ប.ស.ស. ត្រូវយកចិត្តទុកដាក់ខិតខំរៀនសូត្រ និងយល់ដឹងឱ្យបានច្បាស់ ក្នុងការអនុវត្តតួនាទីរបស់ខ្លួន និងដើម្បីជាមធ្យោបាយក្នុងការផ្សព្វផ្សាយទៅកាន់សមាជិក ក៏ដូចជាសហគ្រាស គ្រឹះស្ថាន និងអង្គភាពពាក់ព័ន្ធទាំងអស់ ឱ្យយល់ដឹងពីអត្ថប្រយោជន៍ដែលពួកគាត់ត្រូវទទួលបាន។
លោកអគ្គនាយក បានបន្ដទៀតថា«ដោយមានការយកចិត្តទុកដាក់គិតគូរពីសុខុមាលភាព និងជីវភាពរស់នៅរបស់ប្រជាពលរដ្ឋ ប្រមុខរាជរដ្ឋាភិបាលកម្ពុជា របបសន្ដិសុខសង្គមផ្នែកប្រាក់សោធន នឹងដាក់ដំណើរការ នាពេលឆាប់ៗខាងមុខនេះ ហើយបុគ្គលដែលត្រូវគាំពារផ្នែកប្រាក់សោធនមានដូចជាៈ បុគ្គលដែលស្ថិតនៅក្នុងវិស័យសាធារណៈ បុគ្គលទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារ ដោយរួមបញ្ចូលទាំងបុគ្គលិកធ្វើការតាមផ្លូវអាកាសនិងនាវាសមុទ្រ ព្រមទាំងអ្នកបម្រើក្នុងផ្ទះ និងបុគ្គលស្វ័យនិយោជន៍ផងដែរ»៕
អត្ថបទ ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន