Connect with us

ព័ត៌មានជាតិ

បើកលឿនមិនប្រយ័ត្នជ្រុលចង្កូតបុកហ៉ីយ៉ាន់ដាយខូចខាតយ៉ាងដំណំ

បានផុស

នៅ

ខេត្តរតនគិរី÷ ករណីគ្រោះថ្នាក់ចរាចរណ៍រវាងរថយន្ត២គ្រឿងប៉ះគ្នា បណ្តាលឲ្យភាគីម្ខាងរងការខូចខាតយ៉ាងដំណំ ប៉ុន្តែមិនប៉ះពាល់ដល់អាយុជីវិតនោះទេ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១៨និង២នាទី ថ្ងៃទី២៣ ខែវិច្ឆិកា ឆ្នាំ២០២០ តាមកំណាត់ផ្លូវជាតិលេខ៧៦ ត្រង់ចំណុចផ្លូវកំពុងជួសជុលថ្មីមួយកំណាត់(ចន្លោះបង្គោលគីឡូម៉ែត្រលេខ២៨៦-២៨៧)ស្ថិតនៅក្នុងភូមិកាទៀង(ហៅអូរទទឹង) ឃុំល្បាំង១ ស្រុកលំផាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អធិការស្តីទីលោក ក្លុល ថើង បានឲ្យដឹងថា រថយន្ត១គ្រឿងម៉ាក ហុីយ៉ាន់ដាយ ពណ៌ស លាយខៀវ ពាក់ស្លាកលេខ កំពង់ចាម3A-4317 ដឹកជ័រកៅស៊ូ ធ្វើដំណើរពីជើងទៅត្បូង លុះមកដល់ចំណុចកើតហេតុ ជាការដ្ឋានកំពុងជួសជុលផ្លូវហើយមានដីហុយផងនោះ រថយន្តនេះបានបើកយឺតៗ ស្រាប់តែមានរថយន្តមួយគ្រឿងទៀតម៉ាក​ឡង់គ្រីស័រ បាន​បោះពួយយ៉ាងលឿនមកពីក្រោយ មិនបានចាប់អារម្មណ៍បុកគូទរថយន្ត​ហ៉ីយ៉ាន់ដាយយ៉ាងពេញទំហឹង បណ្តាលឲ្យរងការខូចខាតយ៉ាងធ្ងន់ធ្ងរ។

លោក​អធិការ​ស្តី​ទី​បន្ត​ថា រថយន្ត​​ឡង់គ្រីស័របើកបរដោយឈ្មោះ ពៅ វិសាល ភេទប្រុស អាយុ៣២ឆ្នាំ ជនជាតិខ្មែរ មុខរបរអ្នកបើបបរ មានទីលំនៅភូមិព្រែកតាសេក សង្កាត់ជ្រោយចង្វា រាជធានីភ្នំពេញ និង​អ្នក​រួមដំណើរម្នាក់ ឈ្មោះ យឿន សុផល ភេទប្រុសអាយុ៦៦ឆ្នាំ ជនជាតិខ្មែរមុខរបរមន្រ្តីរាជការ មានទីលំនៅជាមួយគ្នាមិនមានរបួសនោះទេ។

ចំណែក​អ្នកបើកបរ​រថយន្ត​ហ៊ីយ៉ាន់ដាយ ក្រោយ​កើតហេតុ​ក៏​រត់គេចខ្លួនបាត់។

ក្រោយកើតហេតុកម្លាំងនគរបាលប៉ុស្តិ៍រដ្ឋបាលឃុំល្បាំង១ សហការជាមួយកម្លាំងជំនាញចរាចរណ៍នៃអធិការស្រុកលំផាត់ និងកម្លាំងការិយាល័យនគរបាលចរាចរណ៍ស្នងការដ្ឋាននគរបាលខេត្ត ចុះមកអន្តរាគមន៍ធ្វើការវាស់វែងនិងរឹបអូសយកមធ្យោបាយទាំង២គ្រឿងទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តរតនគិរី ដើម្បីធ្វើការសម្របសម្រួលគ្នានៅពេលក្រោយ៕

អត្ថបទ៖​ អ៊ុច សាវុទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា១៣ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១៣ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១៥ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១៥ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១៥ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម